Zakariya 2:5 - Bhiblia Yo Sawuleka

⁵ Se ani, kuwomba Mkoma kwakwe, ni na va diguma da mndilo do mranganyeta, se ani nipune ni na va wudhumo hagari kwakwe.

Zakariya 2:5 Referans Kwoze

Isaya 4:5

Txitimwi ka wotshe wuako wa mmango wa Siyoni, ni txitimwi ka msengeletano wakwe, Mkoma a na maha direfu ni mitshikari ngu wutshi, ni dituro da mndilo ni wusiku; nguko txitimwi ka wotshe wudhumo, ku nava ni kutsivelwa.

Masalmo 3:3

Aniko awe, Mkoma, u txitxhavangu txangu txo ni vhikela; awe u wudhumo wangu, ngawe u ni tsanisako.

Zakariya 9:8

Se ani ni na riyela mabutho akwe, madhawani ka nyumba yangu, kasi ku si pindi ni wammweyo, ni ti to ku si tshumeli ni wammweyo; a ti to ku sisuri kupinda mlala ni wammweyo, nguko konkuwa ni ti woni.

Mtuletelo 21:23

Didhoropa kha di lavi kuwoninga ka ditambo, hambi ka ntxima, nguko dona di woningwa ngu wudhumo wa Txizimu, ani dilambu da kona ngu Txinvutana.

Isaya 12:6

Anu vaaki va Siyoni, tsakani mi peka mikulungwani nguko Msawuleki wa Israyeli mbwa hombe hagari kwanu.

Masalmo 48:3

Txizimu, txi txi ku mikhokholani ka txona, txi ti wonekisile kota wuthavelo wo tsana.

Isaya 33:21

Aniko Mkoma haleya a na va wa hombe kwathu, wukhalo wa minambo ni milonga yo anama, ni ya yimweyo ngalava yo txungelwa kha yi na mbi pinda ngu kona, hambi txitimela txa hombe txa mati, kha txi na mbi tsimbila ngu kona.

Luka 2:32

I ku liwoningo la kuwoninga matiko ni txipfaliso txa kudhumisa vathu vako va ka Israyeli.”

Masalmo 48:12

Randelani didhoropa da Siyoni, mi di dhawula balani sitezi sa dona;

Masalmo 46:5

Txizimu txi hagari ka dona, vathu va dona kha va na kurereka; Txizimu txi na vindukela ku va vhuna ni mixo.

Masalmo 85:9

Kha ditshuri kuhanyisa kwakwe ku hafuhi ka vale va m'thavako ni wudhumo wakwe wu na aka ditikoni kwathu.

Masalmo 125:2

Kufana ni mimango yi randelako Jerusalema, ngu toneto Mkoma a randete vathu vakwe, konkuwa ni yotshe mbimo.

Isaya 31:9

Se ngu dizowa a na pinda dirigwi dakwe da wuthavelo, ni vathangeli vakwe va na tshotsha m'jeke, kuwomba Mkoma, awule mndilo wakwe wu ku Siyoni, ni txikho txakwe txa hombe txi ku Jerusalema.

Isaya 32:18

Vathu vangu va na zumba ditikoni ka kudikha, ka tinyumba to tsana ngutu, ni ka makhalo o humula ngu kuthutha,

Ezekhiyele 38:14

Ngu tona eto, profeta awe mwanana wa m'thu, u txi khawe ka Goge: Mkoma Txizimu a khene: Ina khu na mbi tiziva ka dona ditshiku dile, mbimo yile vathu vangu va ka Israyeli, va no zumba ngu kutsana kani?

Ezekhiyele 42:20

A to pima otshe madhawa a mune; kambe ku ti ti ni diguma madhawani, da 500 wa tipimo kulapha, ni 500 kuanama, kasi kuabanisa so sawuleka ni so nyenyeza.

Zakariya 2:10

Tsaka, u tsakisisa, awe dihorana da Siyoni, nguko wona taku nata, ni nata aka hagari kwako. Kuwomba Mkoma.

Zakariya 2:11

Se ka ditshiku dile, matiko amangi ma na sengeletana ka Mkoma, meva vathu vangu; ni na aka hagari kwako, kambe u na ziva tito, Mkoma wa Mabutho a Tiyimbi, a ni rumile kwako.

Zakariya 9:14

Mkoma a na wonwa txitimwi kwawe, tingove takwe ti na huma kufana ni nyangafula; Mkoma Txizimu a na pfalisa mpundu, kambe a na tsimbila ni sihuhuri sa Wulambe.

Jeremiya 31:39

Se m'hingano wa lipimo wu na ya masoni kala tximangwanani ka Garebhi, wu na jika wu ya Gowa.

Ezekhiyele 47:3

Wamwamna wule a to huma e komba wutxani, manzani kwakwe a ti ti ni ngoti yo pima ngu yona; se a to pima 1.000 wa mikono, a txi ni tshawunyetisa ka mati, o gwitile ka tikhunguti ta mikondo.

Zakariya 1:16

Ngu toneto, Mkoma a womba tiya: Ngu wumbilu ni tshumelete Jerusalema; nyumba yangu yi na akwa kona, kuwomba Mkoma wa Mabutho a Tiyimbi, se ngoti yi na gwimbwa txitimwi ka Jerusalema.