Zakariya 2:13 - Bhiblia Yo Sawuleka

¹³ Yothse nyama yi na malale masoni ka Mkoma, nguko ene a wukile ka wukhalo wakwe wo sawuleka.

Zakariya 2:13 Referans Kwoze

Habhakuki 2:20

Kambe Mkoma amu ka dithepele dakwe do sawuleka; ma na malale masoni kwakwe otshe mafu.

Zefaniya 1:7

Malala masoni ka Mkoma Txizimu, nguko ditshiku da Mkoma di hafuhi, Mkoma a lulamisile mphaxo ni kusawulekisa vale a nga va ramba.

Masalmo 68:5

Txizimu txi zumbako mu Dithepeleni ka txona ko sawuleka, i tate wa sikulungu, kambe m'vhikeli wa tinoni.

Zefaniya 3:8

Ngu toneto, ni vereleni, kuwomba Mkoma: Ka ditshiku di ani ni no khukha ni txi ya handa; nguko maalakanyo angu ngu kusengeleta matiko, ni kutshanganisa mifumo, kuva ni txi na tshakunuta kuhenya kwangu, ni kotshe kupandiseka ka txiviti txangu; nguko otshe mafu awa, ma loviswa ngu mndilo wa txiluse txangu.

Masalmo 78:65

Sekoko Mkoma a to wuka, ku nga o vhumuka ngu ha wukoheni, ku nga ndena yi nga ambuluka kulevani ka vhinya.

Varoma 9:20

Se u mani awe m'thu, u kanetisanako ni Txizimu kani? Ina txiya txo wumbwa txi nga wotisa ka muwumbi wa txona ku “U to ni wumbisa tiya ngu kutxani kani?”

Isaya 51:9

Vhumuka, vhumuka, ti ambeke mtamo, awe diwoko da Mkoma; vhumuka kufana ni masiku ale ma nga pinda, kufana ni ka tiveleko ta kale; ina hi ngawe u nga wilela Rahabhi ngu sitxuwu, ni kudaya mwamilambo kani?

Masalmo 46:10

“Emani! Ti ziveni ti to ani ngani Txizimu! Ni na guletwa hagari ka mifumo, ni wa hombe txitimwi ka otshe mafu!”

Masalmo 11:4

Mkoma a Nyumbani kwakwe ko sawuleka; Mkoma ana ni txikhalo txakwe txa wukoma nzumani, se ngu maso akwe ma wonako ta tinene, wa xayisa vathu kha kwati.

Dhewuteronome 26:15

Wonisisa u di ha wukhaloni kwako ko sawuleka ka nzumani, kambe katekisa ngamu yako ya ka Israyeli, kumweko ni mafu ale u nga hi ninga, nga ti u nga xambanya ka vatate vathu, ditiko di di khulungako masi ni wulombe.

Varoma 3:19

Kambe ha tiziva ti to totshe ti ti wombwako ngu mlayo ti wombwa ka va va ku hahatshi ka mlayo, kasiku sotshe sisofu si tsiwa, votshe vathu ve manwa na va di ni mnandu masoni ka Txizimu.

Jeremiya 25:30

Awe koko, u na profeta kwawe totshe timhaka tiya, u txi khawe kwawe: Mkoma wa dhuma-dhuma ngu txitimwi, wa pfalisa dipswi dakwe ngu nyumbani kwakwe ko Sawuleka; ngu kuthisisela, a na dhuma e wukela dizumbo dakwe, wa peka huwa ya litsako, nga mrukuti wa mauvha, a txi wukela vazumbi votshe va ha mafuni.

Isaya 63:15

Wona na u di nzumani, se u wona na u di ka wukhalo wako wo sawuleka, ni kudhundeka. Txi hayi txiluse txako, ni mithumo yako ya mtamo kani? U nga thavise kwangu lirando la mndani kwako ni la wumbilu wako!

Isaya 57:15

Nguko a womba tona eto Nyatxitimwi, wa Kuthaviseka, a zumbako kupindukani, eyo ditina dakwe i ku Kusawuleka: Ni zumba ka wukhalo wo guleka ni kusawuleka, kumweko ni kuxaniseka, ni kukarateka moyani, kasi kuwusa moya wa vale vo karateka, ni kuwusa timbilu ta vaxaniseki.

Isaya 57:5

mi ti futumetako ngu sithombe hahatshi ka yotshe mindonga yo nakana, mi phaxa ngu vanana sinambwanani, ni tiphakoni ka marigwi, kani?

2 Makronika 30:27

Sekoko vaphaxeli ni Valevhi va to khukha ve katekisa vathu; dipswi dawe di to engiswa, nguko mikombelo yawe yi hokile ka wukhalo wakwe wo sawuleka nzumani.

Isaya 41:1

Malalani masoni kwangu anu sitondolo; anu vathu wusetani mitamo, tshuketani, sekoko wombawombani; a hi tshuketeni hotshethu hafuhi ka mlamuli.

Dhewuteronome 18:21

Se ngako u txi ti wotisa mbiluni kwako, u txi khawe: “Se hi na ti zivisa kutxani ti to mhaka yiya, hi nga mhaka ya Mkoma kani?”

Dhewuteronome 18:22

Ngako mprofeti a txi womba-womba ngu ditina da Mkoma, aniko mhakeyo yi si maheki mwendo yi si humeleli, tikomba ti to mhakeyo kha ya wombwa ngu Mkoma; mprofeti eneyo a wombawombile ngu kutiguleta, u nga mthave.

Isaya 14:2

Se vathu va na va amukela ve va yisa makhaloni kwawe, sekoko nyumba ya va ka Israyeli, yi na va fumela, amu ditikoni ka Mkoma, veva tikhumbi ta txiwamna ni ta txisikati. Va na maha tikhumbi ta vale va nga ti va mahile tikhumbi, ni kufumela vale i nga ti vaxanisa vawe.

Isaya 19:16

Ka yona yile mbimo, Vaegipta va na nga vavasikati, va na dhudhumela, va na thava ngu mhaka ya kuthuma ka dianza da Mkoma wa Mabutho a Tiyimbi, nguko di na guleka di va wukela.

Zefaniya 2:9

Ngu toneto, ni xambanya ngu kuhanya kwangu, kuwomba Mkoma wa Mabutho a Tiyimbi, Txizimu txa Israyeli, ngu ditshuri Mowabhi a na nga Sodhoma, se vanana va Amoni va na nga Gomora, kumaha ditiko da mindonga ya mipa, ni sisima sa mnyu, di na fuviselwa magwito, miboti ya vathu vangu yi na va handa, se miboti ya vathu vangu yi na va khozisa.

Zakariya 4:9

Manza a Zorobhabheli ma khatile nyumba yiya, kambe manza akwe ma na yi heta, kuva mi txi na tiziva taku, Mkoma wa Mabutho a Tiyimbi, a ni rumile kwanu.

Zakariya 6:15

Se avale va ku kule, va nata ve ta aka dithepeleni ka Mkoma, anu mi na tiziva ti to Mkoma wa Mabutho a Tiyimbi a ni rumile kwanu; kambe eto ti na maheka, ngako mi txi pfisisa dipswi da Mkoma, Txizimu txanu.