Zakariya 2:12 - Bhiblia Yo Sawuleka

¹² Sekoko Mkoma a na fumela Judha, eva thomba yakwe ka ditiko do sawuleka, kambe a na sawula Jerusalema.

Zakariya 2:12 Referans Kwoze

Zakariya 1:17

Kwangula kambe u txi khawe: A womba tiya Mkoma wa Mabutho a Tiyimbi: Madhoropa angu ma na engeta me anda ni kuhumelela; nguko Mkoma a ngadi a txi na thavelela Siyoni, kambe a ngadi a txi na sawula Jerusalema.

Dhewuteronome 32:9

Nguko txyavelo txa Mkoma ngu vathu vakwe; Jakobe njiavelo txa thomba yakwe.

Jeremiya 10:16

Awu i ku txiningo txa ka Jakobe kha fanani naso; nguko ngene mmahi wa silo sotshe; Israyeli lixaka la thomba yakwe, ditina dakwe Mkoma wa Mabutho a Tiyimbi.

Masalmo 33:12

Di katekile ditiko dile Txizimu i ku Mkoma wa dona; ni vathu vale txi nga va sawula kuva thomba ya txona.

Jeremiya 51:19

Mkoma wa Jakobe kha fani ni vawe; nguko ene M'vangi wa sotshe; kambe Israyeli lihunzu la thomba yakwe.

Isaya 41:9

Awe ni nga kuteka kukhukhela magwito ka mafu, ni txi kudhana ngu hagari ka makhalo ako amanene ngutu, ni txi khani: Awe u txithumi txangu, ni kusawute, kha na kuleka;

Masalmo 135:4

Mkoma a ti sawulete Jakobe ni va ka Israyeli kasiku ve maha thomba yakwe.

Masalmo 82:8

Ngono, Txizimu, u ta lamula mafu, nguko otshe matiko ma lumba awe!

2 Makronika 6:6

Konkuwa ni sawute m'ti Jerusalema kasi ku ditina dangu di txi zumba kona; ni Dhavhidha kasi e fumela vathu vangu va Israyeli.

Masalmo 132:13

Ngu toneto, Mkoma a sawute mmango wa Siyoni, na a txi xuva ku wu maha nyumba yakwe, a txi khene:

Masalmo 132:14

“A hawa i m'tini kwangu kala kupinduka; ni na zumba kona nguko na kutsakela.

Isaya 14:1

Nguko Mkoma a na pfela wusiwana Jakobe, kambe a na sawula Israyeli, a txi mu veka ditikoni kwakwe. Valuveli va na va kumweko navo, va txi namarela ka nyumba ya va ka Jakobe.

Zakariya 3:2

Aniko Mkoma a to khene ka Sathani: Mkoma wa kukawuka awe Sathani, ina, Mkoma, wu a nga sawula Jerusalema, wa kukawuka; ina hi nga txisoso txo thaviswa ha mndiloni kani?

Dhewuteronome 32:10

Ene a mmani ditikoni ka txiwula, ka txiwula txa mafu a kuoma, txo tala ngu tihuwa; a m'bhiyete a txi mxayisa, a txi m'vekisa kufana ni ndolowani ya diso dakwe.

Esteri 6:13

Se Hamani a to ya txhamusela ka Zeresi, msikati wakwe, ni ka votshe vangana vakwe, totshe tile ti ngadi m'humelete. Sekoko titxhari takwe ni Zeresi, msikati wakwe, va to kha vona kwakwe: Ngako Mordhekayi wule u nga khata kuwa masoni kwakwe, i di wa liveleko la Vajudha, khu na mbi tsana masoni kwakwe; kambe ngu ditshuri a na wa masoni kwakwe.

Masalmo 105:15

“Mi nga gweseni ava ni nga va sawula, mi nga xupheni vaprofeti vangu.”

Isaya 17:14

Ni wusiku, wona taku ku ni kuthava, kambe di si se txa, kha va na mbi vaho. Atxiya njyavelo txa vale va hi handako, ni thomba ya vale va hi hoxotako.

Jeremiya 30:16

Votshe ava va ku kakatxulako va na kakatxulwa ni vona, ni votshe valala vako va na yiswa wukhumbini, ava va ku handako va na handwa ni vona, ni vale va ku honyolako va na honyolwa ni vona.