Zakariya 2:11 - Bhiblia Yo Sawuleka

¹¹ Se ka ditshiku dile, matiko amangi ma na sengeletana ka Mkoma, meva vathu vangu; ni na aka hagari kwako, kambe u na ziva tito, Mkoma wa Mabutho a Tiyimbi, a ni rumile kwako.

Zakariya 2:11 Referans Kwoze

Mtuletelo 11:15

Se ngelozi ya wutxhanu ni timbidi yi to veta mpundu wa yona. Konako ku to pfala mapswi a mtamo nzumani, ma txi kha ona: “Mfumo wa mafu konkuwa wu lumba Mkoma wathu ni Kristu wakwe, se ene a na fuma ngu ha ku si gumiko.”

Mithumo 28:28

“Ti ziveni koko ti to mhaka yiya ya kuhanyiswa ngu Txizimu yi rumetwe ka vamatiko, se vona va na yi engisa.”

Luka 2:32

I ku liwoningo la kuwoninga matiko ni txipfaliso txa kudhumisa vathu vako va ka Israyeli.”

Isaya 45:14

Mkoma a wombisa tiya: Mthumo wa Egipta, ni dibhindu da Vaetiyopiya, ni Vasabhi, vathu va txiemo txo lapha, si na pinda sita kwako, si na kulumba; va na kulondeta, va nata va di sungilwe ngu titxhini, kambe va nata khizama masoni kwako; va na maha mikombelo yawe kwako, va txi kha vona: Kha ditshuri Txizimu txi kwako, kha ku na tximwani txizimu kambe.

Johani 17:21

Votshe va nave mmweyo, nga ku awe, Tata, u ku kwangu, ni nani ni ku kwako, ni vona va nave kwathu, kasiku ditiko di txi kholwa ti to u ni rumile.

Malakiya 1:11

Se kukhukhela wutxani, kala mswa-ditambo, ditina dangu di na va da hombe hagari ka matiko, aniko ka otshe makhalo, ku na ningelwa dibaselo ni mphaxo wo sawuleka ditinani kwangu; nguko ditina dangu di na va da hombe hagari ka matiko, kuwomba Mkoma wa Mabutho a Tiyimbi.

Zakariya 3:10

Ka ditshiku donedo, kuwomba Mkoma wa Mabutho a Tiyimbi, mmwani ni mmwani kwanu, a na ramba muakelani wakwe, kuya zumba nayo hahatshi ka mivhinya, ni hahatshi ka mikuwu.

Ezekhiyele 33:33

Kambe aha ti nota tiya (wona taku ti nata), sekoko va na tiziva taku, hagari kwawe ku ti nga va ni mprofeti.

Jeremiya 16:19

O Mkoma, dikhokhola dangu, ni mtamo wangu, ni wuthavelo wangu ngu ditshiku da kuxaniseka! Matiko ma nata kwako ngu magwito ka mafu, ma txi ta kha ona: Vatate vathu thomba yawe i ti ti makuhu ni kutikulisa dwe, si nga si vhuni txilo.

Isaya 66:19

Se ni na veka txikombiso hagari kwawe, ni vale va no huluka ni na va rumela ka matiko, i ku Tarxixi, ni Puli, ni Ludhe, i ku vafuli, ni Tubhali, ni Javhani, kala ka sitondolo sa kule ngutu, si nga mbi pfa nduma yangu, kambe kha sa wona wudhumo wangu; se si na pfalisa wudhumo wangu hagari ka matiko.

Isaya 52:10

Mkoma a thavisile diwoko dakwe do sawuleka, ti txi wonwa ngu maso a matiko otshe; se otshe magwito a mafu, ma na wona kuhanyisa ka Txizimu txathu.

Masalmo 72:17

Ditina da mfumeli di na simame yotshe mbimo; nduma yakwe yi na simame hahatshi ka ditambo kala kupinduka! Ngu mhaka yakwe yotshe mifumo yi na katekiswe otshe matiko ma na mu womba ku a katekile.

Johani 17:25

Tate wa kululama, hambi ditiko di sa kuziva, ani ni ku zivile, ni vona va ti zivile ti taku u ni rumile.

Johani 17:23

Ani kwako ni nawe kwangu, kasiku va txi va i di va kutatiseka amu ka wumwewo, ni ti to ditiko di txi tiziva taku awe u ni rumile, ni ti kambe taku awe u va randile, nga ti u nga ni randisa tona ani.

Eksodha 12:49

Ku nava ni mlayo wumwewo dwe ka wu i ku lihunzu la ka kwanu, ni ka wule i ku mluveli wu mi hanyako kumweko nayo.”

Isaya 48:16

Tshuketani kwangu mi ta engisa tiya: Kukhukhela kukhatani kha na womba-womba txihujani; kukhukhela mbimo yile timhaka tile ti nga maheka ani ni ti tiho; se konkuwa, Mkoma Txizimu a ni rumete Moya wakwe.

Mika 4:2

Se matiko amangi ma na ya ma txi ya kha ona: Ngonani, a hi kweleni mmangoni ka Mkoma, ni Nyumbani ka Txizimu txa Jakobe, kasi ku txi ya hi gondisa tinzila ta txona, se athu hi na tsimbila ngu tinzila ta txona; nguko ku na huma mlayo ngu Siyoni, ni dipswi da Mkoma ngu Jerusalema.

Zakariya 1:16

Ngu toneto, Mkoma a womba tiya: Ngu wumbilu ni tshumelete Jerusalema; nyumba yangu yi na akwa kona, kuwomba Mkoma wa Mabutho a Tiyimbi, se ngoti yi na gwimbwa txitimwi ka Jerusalema.

Zakariya 2:5

Se ani, kuwomba Mkoma kwakwe, ni na va diguma da mndilo do mranganyeta, se ani nipune ni na va wudhumo hagari kwakwe.

Zakariya 8:3

A womba tiya Mkoma: Ni na tshumela ni ya Siyoni, se ni na ya zumba hagari ka Jerusalema; se Jerusalema a na dhanwa ku didhoropa da ditshuri, ni mmango wa Mkoma wa Mabutho a Tiyimbi, wu na dhanwa ku mmango wo sawuleka.

Zakariya 8:8

se ni na va wuyisa ve ta zumba hagari ka Jerusalema; va na va vathu vangu, aniko ani ni na va Txizimu txawe, ngu ditshuri ni kululama.

Isaya 52:11

Khukhani, khukhani, humani emo, mi nga gweseni txilo txo mbi basa; humani hagari ka dona, ti sawulekiseni anu mi rwalako siya sa Mkoma.

Jeremiya 50:8

Thavani hagari ka Bhabhilona, kambe humani ditikoni ka Vakaldheya, mahani nga tihamba masoni ka mtxhambi.