Zakariya 2:1 - Bhiblia Yo Sawuleka

¹ Ni tshumete kambe ni guleta maso angu, se ni wona wamwamna, a nga ti ti ni ngoti manzani, yo pima ngu yona.

Zakariya 2:1 Referans Kwoze

Ezekhiyele 40:3

Di di ni hokisile hafuhi naso, ku to woneka txo fana ni m'thu wo fana ni koporo, na a di ni ngoti ya linyu manzani kwakwe, ni litshava lo pima ngu lona, a di emile ha txikeni.

Zakariya 1:16

Ngu toneto, Mkoma a womba tiya: Ngu wumbilu ni tshumelete Jerusalema; nyumba yangu yi na akwa kona, kuwomba Mkoma wa Mabutho a Tiyimbi, se ngoti yi na gwimbwa txitimwi ka Jerusalema.

Mtuletelo 21:15

Ngelozi yi yi nga txi womba-womba ni nani yi ti ni ndonga ya nzalama kasi kupima ngu yona didhoropa, ni matimba a dona ni diguma da dona.

Mtuletelo 11:1

Msana keto, va to ni ninga litshava lo fana ni ndonga, va txi ni gela va txi kha vona: “Khukha u txi pima Dithepele da Txizimu, ni txiluvelo kumweko ni va va khozelako kona.

Ezekhiyele 47:4

A to pima kambe 1.000, a txi ni tshawunyetisa ngu ka mati, o hoka txiwununi.

Ezekhiyele 40:5

Se ku ti ti ni diguma do ranganyeta nyumba, ni litshava manzani ka wule wamwamna, lo pima ngu lona, lo dingana mtxhanu wa mikono ni wumwewo, la mkono ni mune wa titiho limwelo ni limwelo; se a to pima kuanama ka nyumba: Litshava limwelo kuanama, ni litshava limwelo kuguleka.

Zakariya 1:18

Se ni gute maso angu, ni wona mune wa titxheho.

Jeremiya 31:39

Se m'hingano wa lipimo wu na ya masoni kala tximangwanani ka Garebhi, wu na jika wu ya Gowa.

Ezekhiyele 47:3

Wamwamna wule a to huma e komba wutxani, manzani kwakwe a ti ti ni ngoti yo pima ngu yona; se a to pima 1.000 wa mikono, a txi ni tshawunyetisa ka mati, o gwitile ka tikhunguti ta mikondo.

Isaya 54:16

Wona taku ani ni vangile mtshuli, wule a futetako makala ka mndilo; a mahako matxhari a mthumo wakwe; kambe ni vangile muhoxoti, kasi kukhundumusa.

Jeremiya 48:25

Mtamo wa Mowabhi wu wilekile, ni kufunywa diwoko dakwe, kuwomba Mkoma.

Dhaniyeli 7:7

Msana keto, ni toya masoni ngu kuwona siwoniso sa wusiku, ni to wona txihari txa wumune, txo thisa ngutu ni kuxamalisa, txa mtamo ngutu, txi nga ti ni makwasa a hombe a tisimbi; txona txi ti ti khadamula ni kuphatulela, txi ganyatela ngu mikondo asile si nga tisala; txi ti hambana ni sotshe sihari sile si nga khata si humelela na txi si se vaho txona, kambe txi ti ni digumi da titxheho.