Zakariya 14:5 - Bhiblia Yo Sawuleka

⁵ Se mi na tutuma ngu mkova wa mimango yangu (nguko mkova wa mmango wu na hoka kala Azeli), se mi na tutumisa ku nga tile mi nga tutumisa tona, ngu kuzinginika ka mafu, ka masiku a Uziya, mfumeli wa ka Judha; sekoko a nata Mkoma, Txizimu txangu, ni votshe vasawuleki, awe Mkoma.

Zakariya 14:5 Referans Kwoze

Amosi 1:1

Mapswi a Amosi, i ku mmweyo wa vadyisi va Tekowa, ati a nga ti wona madingano ni Israyeli, ka masiku a Uziya, mfumeli wa ka Judha, ni ka masiku a Jerobhowamu, mwana Jowasi, mfumeli wa ka Israyeli, malembe mambidi ku sinzi ku deka-deka mafu.

Matewu 25:31

“Mbimo yi a nota Mwanana wa M'thu ni wudhumo wakwe, kumweko ni tingelozi takwe, ene a nata khalahatsha ha txikhaloni kwakwe ka wukoma.

Matewu 16:27

Nguko Mwanana wa M'thu a nata ni wudhumo wa Tate wakwe, kumweko ni tingelozi takwe, se a nata hakela mmwani ni mmwani kota nga ti a nga hanyisa tona.

1 Vatesalonika 3:13

Mkoma a na tsanise timbilu tanu amu ka wusawuleki wo mbina dikhwiti masoni ka Txizimu, Tate wathu, ngu mbimo ya kuta ka Mkoma wathu Jesu, kumweko ni votshe vasawuleki vakwe.

Isaya 29:6

U na endelwa ngu Mkoma wa Mabutho a Tiyimbi, ngu kudhinda, ni kuzinginika ka mafu, ni diguwa da hombe, ni kupeka ka txihuhuri, ni txingulu, ni m'dhikila wa mndilo wo tshokomisa.

Mtuletelo 20:4

Konako ni to wona sikhalo sa wukoma. Se avava va nga ti khalahatshile ka sona va to ningwa mtamo wo lamula. Ni to wona kambe mimoya ya vale va nga wilwa misungo ngu mhaka ya wufakazi wa Jesu ni Dipswi da Txizimu; ni vale va nga mbi khizamela txikalani ni txithombe txa txona. Kambe kha va amukela txixambanyo txa txona ha timbanza kwawe mwendo manzani kwawe. Vona va tshumete ve hanya ve fuma kumweko ni Kristu, txipimo txa 1.000 wa malembe.

Mtuletelo 11:13

Ka txona txile txikhati ku to humelela kutsekatseka ka hombe ka mafu: Didhawa da wugumi da didhoropa di to khundumuka, se ve fa 7.000 wa vavamna. Ava va nga huluka va to tala ngu kuthava, ve dhumisa Txizimu txa nzumani.

2 Vatesalonika 2:8

Se konako, a na wonekiswa ha kubasani m'bihi; se Mkoma Jesu a na mfuvisa ngu ku mfuteta ngu txisofu txakwe e m'lovisa ngu kuphatima ka kuta kwakwe.

Masalmo 96:13

tsakani masoni ka Mkoma, nguko wata nguko a tela ku ta vhuna mafu; a na lamula ditiko ngu kululama, ni vathu ngu ditshuri dakwe.

Dhewuteronome 33:2

“A to khene koko: Mkoma a tile ngu Sinayi, a kwelete na a txi ta ngu Seyiri; a woningile a di mmangoni ka Parani, a txi ta ni 10.000 wa vasawuleki; txinene kwakwe ku ti ti ni mndilo wa mlayo.

Mtuletelo 20:11

Ngu msana ni to wona txikhalo txa hombe txa wukoma txo basa ni wule a khalahatshako ka txona. Nzuma ni mafu si tutuma si mu thava, ku si sali txikombiso txa hawa si nga ti kona.

Jakobe 5:8

Nga toneto, na nanu timiselani; tsanani timbilu tanu, nguko ku hafuhi kuwuya ka Mkoma.

Luka 21:27

Konako se va na wona Mwanana wa M'thu a txi txhika a di marefuni, ni mtamo ni wudhumo wa hombe.

Matewu 24:3

Jesu, a di khalahatshile txitimwi ka mmango wa Miolivha, va to ta kwakwe, i di vona vokha, va txi ta kha vona: “Hi gele mbimo yi ti no maheka ngu yona totshe tiya ni txikombiso txa kuta kwako ni txa kuguma ka ditiko.”

Masalmo 98:9

masoni ka Mkoma, a tako ku ta lamula ditiko, ku ta lamula ditiko ngu kululama, a txi lamula vathu ngu fanelo.

Mitengo 16:34

Se votshe va ka Israyeli ava va ngadi randete wukhalowo, va to tutuma va txi peka huwa, va txi kha vona: A hi tutumeni, mafu ma nga thuka me hi mita nanathu!

Joyeli 3:11

Patanani mi txi ta motshenu anu matiko a madhawani sengeletanani (Mkoma txhikisa tindena tako koneho);

Zakariya 4:7

U mani awe, mmangowe wa hombe kani? Masoni ka Zorobhabheli u na va libala; nguko ene a na tisa dirigwi do khata, se vathu va na kwangula, va txi kha vona: Wumbilu, wumbilu wu nave kwakwe.

Mika 1:11

Pinda awe u hanyako Safiri, ni tingana tako ta kwa mbi ambala txilo; awule a zumbako Zahana kha huma; huwa ya Bheti-Ezeli yi na mi tutumisa mi huma ditikoni kwanu.