Zakariya 14:2 - Bhiblia Yo Sawuleka

² Nguko ani ni na tshanganisa otshe matiko, me wukela Jerusalema, se didhoropa di na tekwa, tinyumba ti na handwa, vavasikati va na gimwa; hafu ya vathu va didhoropa yi na huma yi yiswa wukhumbini, aniko miboti ya vathu kha yi na mbi tutumiswa didhoropani.

Zakariya 14:2 Referans Kwoze

Isaya 13:16

Vanana vawe va na phwaraselwa va txi si wona; tinyumba tawe ti na honyolelwa, ni vasikati vawe va na pfinyetelwa.

Marku 13:14

“Ngako mi txi wona manyala a kuthisa ma di zumbile ahawa ku si faneliko (awu a gondako a na pfisise), ka yoneyo mbimo, ava va ku Judheya va na tutumele mimangoni.

Matewu 22:7

Se mfumeli a di ti pfite eto, a to henya ngutu e ruma tiyimbi takwe kuya fuvisa sigevenga sile, ve hisa didhoropa da sona.

Amosi 7:17

Ngu toneto, Mkoma a womba tiya: Msikati wako a na geleza a di didhoropani, vanana vako vamahorana ni vanana vako va mazambi, va na wa ngu ditxhari, ditiko dako di na abaniswa ngu ngoti yo songa, awe u na fa ka ditiko do nyenyeza, aniko va Israyeli, ngu ditshuri va na tsuliswa wukhumbini, hahanze ka ditiko dawe.

Joyeli 3:2

Ni na tshanganisa otshe matiko, ni txi ma releta mkovani ka Josafati, ni wulela nawo kulamulani, ngu mhaka ya vathu vangu ni thomba yangu Israyeli, awu vona va nga mu hangalasa hagari ka matiko, va txi ambanisa ditiko dangu.

Isaya 5:26

A na guleta m'jeke wo dhana matiko a kule, a na va vetela mloti, ti to ve khukha magwito ka mafu, se vona va nata ngu kukuluveta.

Luka 2:1

Ka ale masiku, kuhumile mthetho wa Khezari Awugustu, wa bhalela ya dotshe ditiko.

Marku 13:19

Nguko ka oneyo masiku ku nava ni sixaniso sa hombe ngutu, saku kukhukhela makhatoni ka ditiko di Txizimu txi ngadi vanga kala konkuwa, kha si khali ku va ho, kambe kha si na mbi nga vaho.

Sidilo 1:10

Mlala wakwe a mtekete tithomba takwe; nguko a woni matiko ma txi wulela ka wukhalo wakwe wo sawuleka, eyo awe Mkoma, u nga ti ma tsimbile kuwulela ka msengeletano wako.

Jeremiya 34:1

Dipswi di di nga ta ka Jeremiya ngu ka Mkoma, ahawa Nebhukodhonosori, mfumeli wa Bhabhilona, ni yotshe yimbi yakwe, ni yotshe mifumo ya mafu, aawa ma nga ti fumwa ngu ngene, ni otshe matiko ale ma ngalwa, me wukela Jerusalema, ni otshe madhoropa a kona, di txi kha dona:

Isaya 65:18

Aniko mi na tsaka mi pfalisa, ngu ha ku si gwitiko, ngu si ni si vangako; nguko wonani taku, ani na vangela litsako Jerusalema, ni kuzumbiseka ka vathu vakwe.

Jeremiya 21:4

“Mkoma, Txizimu txa ka Israyeli, a khene: Wonani, ni na tshumetela matxhari awa ma ku manzani kwanu, awa milwako ngu ona hahanze, mi txi wukela mfumeli wa Bhabhilona ni Makhaldheya, ava va nga mi randela, ni na ma sengeletela ka didhoropa diya.

Ezekhiyele 5:8

ngu mhaka yeto, Mkoma Txizimu a khene: Wonani taku ani, ina, ani nipune, na kusola; ni na kutsayisa ma txi kuwona matiko.

Joyeli 3:9

Huwelelani eto ka matiko sawulekisani yimbi yokari; humisani tindena; kwelani mi tshuketelana, anu motshenu vavamna va yimbi.

Zakariya 12:2

Wonani, ni na maha ti to Jerusalema, eva digombe di di dhedherekisako otshe matiko ale ma ngadi ranganyeta, ngu toneto kambe ni ka Judha, mbimo yile va no randela Jerusalema, ve mu wukela.

Zakariya 12:3

Ka ditshiku donedo, ku na maheka tito, ni teka Jerusalema eva dirigwi do nemela ka otshe matiko; votshe vale va no di rwala, ngu ditshuri, va na phwaraselwa, se otshe matiko a ha mafuni ma na patana me di wukela.

Zakariya 12:9

Se ka ditshiku donedo, ku na maheka tito, ni na lava kukhundumusa otshe matiko ale ma nota wukela Jerusalema.

Isaya 4:3

Se wule a no sala Siyoni ni wule a no zumba Jerusalema, va na dhanwa ku “vasawuleki”: Votshe vale va nova va di bhatwe hagari ka vahanyi va Jerusalema.