Zakariya 13:8 - Bhiblia Yo Sawuleka

⁸ Se ku na maheka ka otshe mafu, kuwomba Mkoma, taku madhawa mambidi a vathu, ma na dawa, me lova; aniko da wuraru di na sala.

Zakariya 13:8 Referans Kwoze

Ezekhiyele 5:12

Ka mitengo yiraru ya vathu vako, wo khata wu na fa ngu mitungu, ni kuhetwa ngu nzala; se mtengo wa wumbidi wu na dawa ngu ditxhari madhawani kwako; se wumwani mtengo ni na wu hangalasa ka otshe madhawa, na ni txi vatutumisa ngu ditxhari.

Mtuletelo 16:19

Didhoropa da hombe di to abaneka ngu madhawa mararu, se madhoropa a mifumo ma to wa, konako Txizimu txi to khumbula Bhabhilona, Didhoropa da Hombe, kasiku txi di ninga digombe da vhinya ya txiviti txa kuhenya ka txona.

Marku 13:20

Idiku Mkoma kha komisa masikuyo, nga ku si huluki m'thu; aniko ngu mhaka ya va a nga va sawula, a komisile masikuyo.”

Dhaniyeli 9:27

Aniko ene a na tsanisa txitumelelano ni votala ngu divhiki dimwedo; se ka hafu ya divhiki a na emisa miphaxo ni miningelo ya sakudya; muhoxoti a nata ngu tibhapini ka vanyenyeki, kambe eto ngu ha ku sigwitiko; ni sile si nga emiswa si na theketwa txitimwi ka muxaseli.

Isaya 6:13

Kambe ngako ku txi sala mmweyo hagari ka va digumi, nene a na pinda hagari ka mndilo, kufana ni mndonga wa mkusu ni wa mtshula, hambi yi di witwe, txitsha txa thunga, txi humisa mazokoro. Se mbewu yo sawuleka, i nava kutsana kwakwe.

Matewu 22:7

Se mfumeli a di ti pfite eto, a to henya ngutu e ruma tiyimbi takwe kuya fuvisa sigevenga sile, ve hisa didhoropa da sona.

Malakiya 3:5

Se ni nata hafuhi kwanu, ku ta mi lamula, kambe ni na va fakazi ya livilo yo lwa ni valoyi, ni kuwukela vale va mahako wugango, ni vale va xambanyako ta makuhu, ni vale va kanganyisako mthumi, ve honyola madingano a tinoni, ni vo felwa ngu vaveleki, ni vawuyi, kambe kha va ni thavi, kuwomba Mkoma wa Mabutho a Tiyimbi.

Jeremiya 30:11

Nguko ani ni kumweko ni nawe, kuva ni txi kuhanyisa, kuwomba Mkoma. Nguko ni na heta otshe matiko awa ni nga ti ku hangalasile ka ona; aniko awe kha ni na mbi kuhetisa; ni na kulaya ngu wululamo, kha ni sikoti ku kuleka u sa pekwa.

Isaya 66:24

Se va na huma ve wona sirumbi sa vathu vale va nga ni tshuralela; nguko mbungu yawe kha yi na mbi fa, hambi mndilo wa kona kha wu na mbi timeka; se si na maha ti to votshe vathu ve thava.

Ezekhiyele 20:38

Ni na thavisa hagari kwanu avale va kutitsimba, ni vale va nga ni wukela; ni na va thavisa ka matiko ale va luvelako ka ona, aniko kha va na mbi tshumelela ka ditiko da ka Israyeli; se mi na tiziva taku ani ngani Mkoma.

Amosi 9:10

Votshe vaonhi va ditiko dangu va na fa ngu ditxhari, ava va ku kha vona: Wubihi kha wu na mbi gwatama ni nathu, hambi ku hi mana.

Zefaniya 3:12

Aniko hagari kwako ni na siya vathu vo ti veka hahatshi, va sisiwana, se vona va na themba ditina da Mkoma.