Zakariya 12:7 - Bhiblia Yo Sawuleka

⁷ Se kukhata, Mkoma a na hulukisa matenda a ka Judha, ku mahela tito, wudhundo wa nyumba ya Dhavhidha ni wudhundo wa vaaki va Jerusalema, wu si guletwi kupinda wa ka Judha.

Zakariya 12:7 Referans Kwoze

Jeremiya 30:18

Mkoma a khene: Ni na wuyisa vo ñolwa va matenda a Jakobe, ni na pfela wusiwana dizumbo dakwe; didhoropa di na aketwa txizani ka dona, nyumba ya wukoma yi na nga tontile ta kale.

Varoma 3:27

Se ku ti dhumisa kwathu ku ka tihi kani? Kufuvisilwe! Ngu mlayo muni kani? Ngu mlayo wa mithumo kani? Ahim-him. Kambe kufuvisilwe ngu mlayo wa kukholwa.

Zakariya 11:11

Se txitumelelano txi funyilwe ka dona ditshiku dile, mtxhambi wule wa wusiwana wu nga ti ti ni verela, wu ti zivisile toneto, ti to edo i ti ti dipswi da Mkoma.

Zakariya 4:6

Se a to xamula a txi khene kwangu: Adiya dipswi da Mkoma ka Zorobhabheli, do khene: Hi nga ngu mtamo, hambi ngu yimbi, aniko ngu moya wangu, kuwomba Mkoma wa Mabutho a Tiyimbi.

Amosi 9:11

Ka ditshiku dile, ni na tshumela ni guleta ditenda da Dhavhidha, di nga wa, ni vhaletela amule ku nga vharuka, ni tshumela ni wusa marumbi, ni ma aketa kufana ni masiku a kale;

Isaya 23:9

Mkoma wa Mabutho a Tiyimbi, ngene a nga lulamisa txikungo txiya, kasi kuonha ku tikulisa ka sotshe siphatiphati, ni kuveka hahatshi vale vo dhundeka ngutu va ha mafuni.

Masalmo 55:12

Idiku awule a nga ni onhela i mlala, ani ni ndi na timisela ngu ngene; idiku awule a nga ni wukela ngu wule a ni vengelako, nga ni txi sikota kusisala.

Masalmo 38:16

Ni kukombela txilo tximwetxo, Mkoma: U nga tumele ti to vathu ve tsakiswa ngu dikhombo dangu; u nga va leke ve ti kulisa ngu mhaka ya kuhumbwa kwangu.

Masalmo 35:26

Va na vhilinganyiswe ve thelwa tingana votshe vale va tsakako ngu kuxupheka kwangu; va na tale ngu kuxowoka ni tingana votshe vale va ti guletako va txi ni wukela.

Jobe 19:5

Ngako mi txo ni wukela mi ni lwisa, mi txi ni sola ngu wuhambunyeti wangu.

Jakobe 4:6

Txona Txizimu txa hi ninga tikateko ta tingi ngutu, madingano ni dipswi da mibhalo, adi di wombako tito: “Txizimu txi lambela ava va ti kulisako, aniko txi ninga tikateko ta txona ava va kutiveka hahatshi.”

Jakobe 2:5

Engisani, vanathu vo randeka: Ina kasi Txizimu kha txa langa vathu va sisiwana ditikoni muwa, kufela kuve maha vanyatithombe mu ka likholo, ni vadyi va thomba ya Mfumo wu txona Txizimu txi nga wu thembisa ka vale va txi randako, kani?

Luka 10:21

Ka yoneyo mbimo, Jesu a to tala ngu kutsaka, ngu Moya wo Sawuleka, a txi khene: “Na ku bonga, Tata, Mkoma wa nzuma ni mafu, nguko u sisete titxhari ni va va pimako timhaka tiya, u txi ti wonekisa ka va vavadotho. Ina, Tata, nguko u ti lavisile toneto.