Zakariya 12:5 - Bhiblia Yo Sawuleka

⁵ Sekoko vathangeli va ka Judha va na kha vona timbiluni kwawe: Vahanyi va Jerusalema ngu vona i ku mtamo wangu, se Mkoma wa Mabutho a Tiyimbi, Njizimu txawe.

Zakariya 12:5 Referans Kwoze

Zakariya 10:12

Se ani ni na va tsanisa ka Mkoma, kambe va na tsimbila ditinani kwakwe, kuwomba Mkoma.

Joyeli 3:16

Se Mkoma a na bhonga a di Siyoni. Dipswi dakwe di na pfala Jerusalema, se nzuma ni mafu si na dhudhumela; aniko Mkoma a na va wuthavelo wa vathu vakwe ni mkhokhola wa vanana va ka Israyeli.

Masalmo 18:32

Txizimu ngu txona txi ni mahako wa mtamo ngu txona txi mahako nzila yangu yi va yo hetiseka.

Masalmo 144:1

A na dhumiswe Mkoma i ku dirigwi dangu! Awu a gondisako manza kulwa, ni titiho tangu kuya yimbini.

Masalmo 18:39

Awe u ni ningile mtamo wa kulwa; u khozisile valala vangu masoni kwangu.

Isaya 28:6

Kambe ku nava ni moya wa wululamo, ka wule a khalahatshako e lamula, ni mtamo ka vale va tshumetako yimbi ngu msana, kala ha txikeni.

Zakariya 12:6

Ka ditshiku donedo, ni na veka vathangeli va ka Judha va txi nga dikala di turako hahatshi ka tikhuni, ni ku nga dituro hagari ka milumbi; se ngu txinene ni txibhabha vona va na lovisa votshe vathu vale va ku madhawani kwawe, kembe Jerusalema a na aketwa ka wukhalo wakwe, kona Jerusalema kupune.

Zakariya 10:6

Se ni na tsanisa nyumba ya ka Judha, ni hanyisa nyumba ya Josefa, ni na tshumela ni va phaya, nguko ni va pfete wusiwana; se va na nga kha ni khali ku va lamba; nguko ani ngani Mkoma, Txizimu txawe, kambe ni na va engisa.

Jeremiya 33:26

ni na leka liveleko la Jakobe ni la Dhavhidha txithumi txangu, ti taku ni si dhuki ni teka hagari ka vanana vakwe awu a no fumela liveleko la Abrahama, Isaake ni Jakobe, nguko ni na wuyisa va vo ñolwa vawe ni txi va hawukela.

Jeremiya 30:21

Mthangeli wawe a na huma ngu ka vona vanyamne, ni mfumeli wawe, a na huma hagari kwawe vapune. Ni na mtshuketisa, a nata kwangu; nguko i mani a khalako kutshuketa kwangu kani? Kuwomba Mkoma.

Isaya 60:17

Wukhaloni ka koporo ni na tisa nzalama, ni wukhaloni ka simbi ni na tisa silivhela, wukhaloni ka mapulango ni na tisa msuku, wukhaloni ka marigwi, ni na tisa simbi; se ni na maha ti to vafumeli vako ve dikha, ni vathumi vako veva vo lulama.

Isaya 32:1

Mfumeli a na fuma ngu kululama, se vathangeli va na fuma madingano ni wulamuli.

Isaya 29:10

Nguko Mkoma a mi thete moya wa wukohe wa hombe, kambe a tsivile maso anu, i ku vaprofeti, a fenengetile vathangeli vanu, i ku vahuti.

Isaya 1:26

Se ni na kutshumetela valamuli vo fana ni vale va kale; ni madhota o fana ni ale o khata; sekoko, u na dhanwa ku u didhoropa do lulama, didhoropa do thembeka.

Isaya 1:23

Vathangeli vako va ni eyisa, va timaha vangana va makhamba; votshe va dhunda kuxavelelwa ni kuhakelwa; kha va mahi wunene ka vo felwa ngu vaveleki, ni timhaka ta tinoni kha ti hoki masoni kwawe.

Isaya 1:10

Engisani dipswi da Mkoma, anu vathangeli va Sodhoma; riyani tinzeve anu vathu va Gomora mi engisa mlayo wa Txizimu txathu.

Masalmo 46:1

Txizimu mbuthavelo wathu ni mtamo wathu; ngu txona txi hi vhunako ka timbimo ta kuxaniseka.

Valamuli 5:9

Mbilu yangu yi bonga vathangeli va ka Israyeli, a vale va nga ti ningela ngu kuranda kwawe kasi kuthumela ditiko. Dhumisani Mkoma!

Zakariya 12:4

Ka ditshiku donedo, kuwomba Mkoma, ni na dhukisa otshe mahantxhi, ni kuxangisa vagadhi va ona; se maso angu ma na wonetela txitimwi ka nyumba ya ka Judha, kambe ni na maha ti to otshe mahantxhi a matiko a kona meva mabhofu.

Zakariya 14:14

Se nene Judha a na lwa a di Jerusalema, kambe tithomba ta matiko otshe ale ma nga gwatama ni Jerusalema, ti na sengeletelwa, nzalama, ni silivhela, ni syambalo so tala ngutu.

Isaya 28:5

Ka ditshiku dile, Mkoma wa Mabutho a Tiyimbi, a na va i ti m'bhoti wa wudhumo, ni m'bhoti wo tshura ka misalelwa ya vathu vakwe.

Isaya 45:24

Va na kha vona ngu ngani: Kululama ni mtamo si ka Mkoma dwe; va nata kwakwe, aniko kha va na mbiwa tingana, votshe vale va no henya va txi mwukela.