Zakariya 12:4 - Bhiblia Yo Sawuleka

⁴ Ka ditshiku donedo, kuwomba Mkoma, ni na dhukisa otshe mahantxhi, ni kuxangisa vagadhi va ona; se maso angu ma na wonetela txitimwi ka nyumba ya ka Judha, kambe ni na maha ti to otshe mahantxhi a matiko a kona meva mabhofu.

Zakariya 12:4 Referans Kwoze

Zakariya 12:3

Ka ditshiku donedo, ku na maheka tito, ni teka Jerusalema eva dirigwi do nemela ka otshe matiko; votshe vale va no di rwala, ngu ditshuri, va na phwaraselwa, se otshe matiko a ha mafuni ma na patana me di wukela.

Dhewuteronome 28:28

Mkoma a na kutsayisa ngu lizungu, ni wubhofu, ni wuhundwa;

Zakariya 12:6

Ka ditshiku donedo, ni na veka vathangeli va ka Judha va txi nga dikala di turako hahatshi ka tikhuni, ni ku nga dituro hagari ka milumbi; se ngu txinene ni txibhabha vona va na lovisa votshe vathu vale va ku madhawani kwawe, kembe Jerusalema a na aketwa ka wukhalo wakwe, kona Jerusalema kupune.

Mithumo 17:30

Hambi keto. Txizimu txi lekile kupimisa ngu ta mbimo ya kupwata kuziva yi nga pinda, se konkuwa txi zivisa votshe vathu va otshe matiko tito, va na hunduluke.

Zakariya 14:15

Mtungu wa kona wu na va wa mahantxhi, wa mamula, wa makamelu, ni wa timbongola, ni wa sotshe sihari sile si manekako ka mtalo wule, ku nga wule wo khata.

Zakariya 12:11

Ka ditshiku dile, Jerusalema ku nava ni huwa ya hombe, nga huwa ya Hadhad-Rimoni, mkovani ka Megidhu.

Zakariya 10:5

Se va na nga tindena ti ganyatako valala va tona, amu ka madhaka a tinzilani, kulwani, va wulelako kulwani ngu madhakani ka tinzila, ve tshinda valala, nguko Mkoma a na va navo, se vona va na thela tingana vale va tsimbilako va di gadhile mahantxhi.

Zakariya 9:8

Se ani ni na riyela mabutho akwe, madhawani ka nyumba yangu, kasi ku si pindi ni wammweyo, ni ti to ku si tshumeli ni wammweyo; a ti to ku sisuri kupinda mlala ni wammweyo, nguko konkuwa ni ti woni.

Dhaniyeli 9:18

Awe Txizimu txangu, namisa tinzeve tako u engisa; tula maso ako u wona marumbi athu, ni didhoropa di di dhanwako ngu ditina dako, nguko kha hi ya tisa kudila kwathu masoni kwako, ngu kululama kwathu, kambe ngu mhaka ya wumbilu wako wo tala.

Ezekhiyele 39:20

Ha mezani kwangu mi na khura, mahantxhi, sikotxikani, tindena, ni votshe vavamna va yimbi, kuwomba Mkoma Txizimu.

Ezekhiyele 38:4

Se ni na ku horolokisela, kambe ni na vekela simemba titshayani kwako, ni txi kuteka awe ni dotshe dibutho dako da yimbi, mahantxhi ni vagadhi va ona, votshe va di ambate sa yimbi, msengeletano wa hombe, na wu di ni sitxhavangu, votshe va na xoma matxhari;

Jeremiya 24:6

Ni na va wona ngu wunene, ni na tshumela ni va wuyisa ka diya ditiko. Ni na va akisa, ni si va wisi hahatshi; ni na va phaya ni si va duli.

Isaya 37:17

Namisa nzeve yako awe Mkoma, u engisa; tula maso Mkoma u wona; kambe pfana otshe mapswi a Senakeribhe, ale a nga ma rumela ku ta sola Txizimu txa kuhanya.

Isaya 24:21

Se ku na maheka taku, ka ditshiku dileya, Mkoma a na endela mabutho a txitimwi nzumani, ni vafumeli va mafu, txitimwi ka mafuni.

Nehemiya 1:6

Ti na pfisise koko tinzeve tako, ni maso ako ma na tuleke, kasi ku u engisa mkombela wa txithumi txako, awu ni wu mahako masoni kwako, wusiku ni mitshikari, ngu vanana va ka Israyeli, sithumi sako; kambe na ti veka hahatshi ngu mhaka ya sionho sa vanana va ka Israyeli, si hi nga kuonhela ngu sona; hambi ani ni nyumba ya tate wangu hi onhile.

2 Makronika 7:15

Konkuwa, maso angu ma na tuleka ni tinzeve tangu ti na engisa mikombelo yi yi no mahwa ka wukhalo wuwa.

2 Makronika 6:40

Konkuwa, awe Txizimu txangu, hi wone u engisa mikombelo yathu yi hi mahako ka wukhalo wuwa,

2 Makronika 6:20

Kasi ku maso ako me wonelela txitimwi ka nyumba yiya wusiku ni mitshikari, txitimwi ka wukhwlo wuwa, aha u nga womba ngu yona ku khawe: Ditina dangu di nave hale; kasi u engisa mkombelo wu txithumi txako txi no maha ka wukhalo wuwa.

2 Vafumeli 6:18

Se mbimo yile va nga relela va txi yela Elixa, a to khongela ka Mkoma a txi khene: Na ku kombela, va mahe mabhofu vathu vava! Se a to va maha mabhofu, madingano ni txikombelo txa Elizewu.

2 Vafumeli 6:14

Sekoko a to rumela mahantxhi ni sikotxikani, ni dibutho da hombe da masotxhwa, va to ya hoka ni wusiku ve randela didhoropa.

1 Vafumeli 8:29

Kasi ku maso ako me wonelela txitimwi ka nyumba yiya wusiku ni mitshikari, txitimwi ka wukhalo wuwa, aha u nga womba ngu yona ku khawe: Ditina dangu di nave hale; kasi u engisa mkombelo wu txithumi txako txi no maha ka wukhalo wuwa.

Zakariya 12:5

Sekoko vathangeli va ka Judha va na kha vona timbiluni kwawe: Vahanyi va Jerusalema ngu vona i ku mtamo wangu, se Mkoma wa Mabutho a Tiyimbi, Njizimu txawe.