Biblia Todo Logo
Bib sou entènèt

- Piblisite -




Zakariya 12:10 - Bhiblia Yo Sawuleka

10 Se ni na thela Moya wa wumbilu ni wa mikombelo txitimwi ka nyumba ya ka Dhavhidha, ni txitimwi ka vaaki va Jerusalema; va na wonetela kwangu, ani va nga ni thola; kambe va na m'dilela ku nga vo dilela mwanana wammweyo dwe; kambe va na dila ngu txiviti ngu mhaka yakwe, kufana ni tile ku diliswako tona mwanana wa matiwula.

Gade chapit la Kopi




Zakariya 12:10
39 Referans Kwoze  

Ndiyo wata a di txitimwi ka marefu. Maso a votshe vathu ma na mu wona, hambi vona va va nga m'daya ngu ditxhari: Totshe tihunzu ta ha mafuni ti na dila ngu ku mu wona. Ina! Amen!


Kha ni na mbiswa ni va sisela kambe khohe yangu, mbimo yi ni no va ni di tshakunutile Moya wangu txitimwi ka nyumba ya ka Israyeli, kuwomba Mkoma Txizimu.


Awe m'horana wa vathu vangu, ti ambeke disaka, u pulukuta dikhumani; peka huwa yo nga yo dilela mwanana wammweyo ekha, xomulo ya txiviti. Nguko muhasamuli a na hi tela ngu txidhukisa.


Se ngako a di guletilwe ngu diwoko da txinene da Txizimu, Jesu a amukete ka Tate txithembiso txa Moya wo Sawuleka, awu a nga wu rumela, nga ti mi ti wonako ni ku tiengisa.


Mahani totshelele tiya na mi txi khongela, mi txi kombela kuvhunwa ngu Txizimu. Khongelani yotshe mbimo, nga ti Moya wu mi leletisako tona. Ngu konaho, zumbani mi di ti lulamisete, mi txi khongela mi si karali, mi txi kombelela vasawuleki votshe va Txizimu.


Ngu mhaka ya toneto, Moya wo Sawuleka ni wona wata wuta hi vhunetela amu ka mikaralo yathu, nguko kha hi ti zivi ati hi fanelako ku khongelisa tona mikombeloni kwathu; ngu wona wupune wu hi kombelelako, ngu tingumo to mbi balwa.


Ngu toneto, anu kha ma amukela moya wa wukhumbi ti to mi txi telwa ngu kuthava; aniko mi amukete moya wa ku mi maha vanana va mafuyiwa va Txizimu, moya wu wu hi ningako kutsana hi m'dhana ku: “Abba! Tata!”


Sekoko ku na woneka txikombiso txa Mwanana wa M'thu nzumani; se totshe tihunzu ta ha mafuni ti na dila, ngako ti txi wona Mwanana wa M'thu a txi ta a di txitimwi ka marefu a nzumani ni mtamo ni wudhundo wa hombe.


Na phindula mibuso yanu yi maha txidilo, kotshe kuembelela kwanu ku na maha kutitsetsa, kuhumelela masaka ka makata anu ni ligwayi ha misungo kwanu, ni maha ti to a siya si txi nga mizila ya mwanana mmweyo wa dizambi, se magwitelo akwe ma na nga ditshiku da kupandiseka.


Na hi txi wonetela Jesu, m'vangi ni muhetisekisi wa likholo lathu, awu a nga leka litsako li a nga velekwa ka lona, a txi langa sixaniso sa kurwala txihambano, asi khatali ngu kurukwa. Se konkuwa, a maneka a di khalahatshile txineneni ka txikhalo txa wukoma txa Txizimu.


Se ngako ni txi khata kuwombawomba, Moya wo Sawuleka wu to txhikela txitimwi kwawe, nga ti ti nga maheka kwathu kukhatani.


Se otshe makholwa a lixaka la vale va nga ti londetela mlayo wa wukwera, va nga ti tile kumweko ni Pedro, va to xamala ngu kuwona Moya wo Sawuleka wu txi amukelwa ngu vamatiko ni vona.


‘Ngu masiku a magwito, kha Txizimu, ni na thela txitimwi ka votshe vathu, Moya wangu; vanana vanu va mazambi ni vamahorana va na profeta, vavaphya vanu va na wona siwoniso; ni sikosana sanu si na lora miloro.


Ka masiku onayo ni ka yona yile mbimo, kuwomba Mkoma, vanana va ka Israyeli va nata, kumweko ni vanana va ka Judha; va na wuya va txi dila, va na lava Mkoma, Txizimu txawe.


Va na wuya va txi dila, ni txi va heleketa na va txi khongela; ni na va thangela minamboni ka mati, ngu nzila yo basa, eyo va na kwa mbi huma ka yona; ngu ku ni ku tate ka Israyeli, matiwula angu ngu Efrayime.


Kala kuza wu txhika txitimwi kwathu Moya wa txitimwi; sekoko txiwula txi na hinduka txi maha thembwe yo nona, kambe thembwe yo nona yi na maha txitinga.


Aniko anu, vorandeka, kulani amu ka likholo lanu lo sawuleka ngutu, khongelani mi di ti tshanganisile ni Moya wo Sawuleka,


Ngako vona va di engisile mapswi awa, va to pfa kutholwa timbiluni kwawe. Se ve wotisa ka Pedro ni ka vamwanyani Vapostoli, va txi kha vona: “Vanathu, nji txani hi fanelako kumaha kani?”


Hundulukani ngu mhaka ya kukawuka kwangu; wonani taku ni na thela moya wangu txitimwi kwanu, kambe ni na mi maha mi ziva mapswi angu.


Ni wuyisele litsako la kuhanyisa kwako; u txi ni tsanisa ngu moya wako wa mtamo.


Sekoko, Pedro a to alakanya mapswi a Jesu, a nga khene: “Wu sinzi kuemba mkuku, u na ni lamba kararu.” Msana keto, a to huma hahanze e dila ngu kupandiseka.


Mangwanani ka kona, Johani a to wona Jesu, a nga txi ta kwakwe, se a txi khene: “Wonani Txinvutana txa Txizimu atxi txi kuwulako sionho sa ditiko.


Nguko ani ni ti ti mwanana wa tate wangu, tximwananana tximwetxo txo randeka, ka mwamwangu.


Hundulukelani kwangu mi na hanyiswa, anu motshenu mihingano ya mafu; nguko ani ni Txizimu, kha ku na tximwani.


Msana ka kuva ni di hundulukile, ni to ti sola; sekoko aha ni nga tiziva wutumbu, ni pekwa nyonga; ni so koyo tingana, ni txi kanganyiseka, nguko ni rwate txisolo txa wuphya wangu.


Se koneyo mi na alakanya tinzila tanu ni sotshe simaho sanu, asi mi nga ti nyenyezisa ngu sona, kambe mi na ti nyenya mipune, ngu mhaka ya wotshe wubihi wule mi nga wu maha.


Kambe ni na thela kwanu Moya wangu, mi na hanya, se ni na ya mi veka ditikoni kwanu, mi na tiziva taku ani Mkoma, ni wombile eto, kambe ni ti mahile, kuwomba Mkoma.


Se ni na pindisa dile da wuraru ngu ha ka mndilo, ni txi di sawulekisa, ku nga tile yi nga sawulekisa tona silivhela, kambe ni na di duka ku nga ti yi dukiswako tona nzalama, dona di na dhumisa ditina dangu, se ani ni na di engisa; ni na khani: Mbathu vangu; se dona di na kha dona: Mkoma, Njizimu txangu.


Sekoko, Josefa kha sikota kutiñola masoni ka vathu votshe, vale va nga ti mrandete, a to kwangul, a txi khene: “Humani motshe mi ku hawa!” Kutisa sala ni wammweyo wa walo, mbimo yi Josefa a nga ti zivanekisa ka vanawe.


Se ene a to guleta dipswi a txi dila ngutu ahawa ka kuza Vaegipta vavangi ve mu engisa, dipswi di pfala ni m'tini ka Faro.


Se Mosi a to maha mnyoka wa msuku a txi wu hayeka ha phandeni: Se toneto ti to maha taku ngako m'thu a txi lumwa ngu mnyoka e wonetela mnyoka wa msuku e hanya.


Se ku to maheka tito, kukhukhela ka ditshiku dile, dibhokiso di to zumba Kiriyate-Jeyarimi, kupinda masiku o tala, kala kuhoka magumi mambidi a malembe; se yotshe nyumba ya ka Israyeli yi to dila ka Mkoma.


Swiv nou:

Piblisite


Piblisite