Zakariya 11:9 - Bhiblia Yo Sawuleka

⁹ Se ani ni ti khani: Na mbi ngadi ni txi mi dyisa kambe; ayi yifako, yi na fe, ayi yi fuviswako, ti nave, se atile ti no sala ti nadye, yimwani ni yimwani yi nadye nyama ya yimwani.

Zakariya 11:9 Referans Kwoze

Jeremiya 43:11

A nata peka ditiko da Egipta; awu a dinganwako ngu kudawa a na dawa, awu a dinganwako ngu wukhumbi a na va khumbi, awu a dinganwako ngu ditxhari a na dawa ngu ditxhari.

Mtuletelo 22:11

Awu a nga mbi lulama a na simamise e maha ku ambi lulama kwakwe; awu i ku wa nzambwa a na simame nzambwani kwakwe; ani mlulami a na simamise e maha kululama, ani msawuleki a na simame e ti sawulekisa.”

Johani 12:35

Se Jesu a to va xamula a txi khene: “Liwoningo li ngadi ni nanu ngu mbimoanyana. Tsimbilani mi di ngadi ni liwoningo, kasiku txidema txi si mi mani, nguko awu a tsimbilako txidemani, kha kuzivi amu a yako kona.

Johani 8:24

Ngu toneto, ni nga mi gela ni txi khani: ‘Mi na fela sionhoni kwanu’, nguko, ngako mi si kholwi ti to ‘Ngani wuwa’, mi na fela sionhoni kwanu.”

Johani 8:21

Jesu a to tshumela a txi va gela ku khene: “Ani na tsula, se mi na ni lava, aniko mi na fela txionhoni kwanu. Amu ni yako kona, anu kha mi na kusikota kuta.”

Matewu 21:43

Ngu toneto, na mi gela ku khani: Mfumo wa Txizimu wu na thaviswa kwanu, wu ningelwa ka dimwani ditiko, adi di no sikota kuhumisa mihando ya wona.

Matewu 21:19

Se a to wona mkuwu hafuhi ni nzila, a txi wu tshuketela, aniko kha mana txilo ka wona, hahanze ka mazokoro. Konaho, a to womba, a txi khene: “Yi nge ngadi yi velekwa mihando kwako!” Se kunukunuko mkuwu wu so oma.

Matewu 15:14

Va lekeni! Mabhofu ma thangelelako mabhofu-kulowe; se ngako dibhofu di txi ñoleta lisole dimwani dibhofu, votshe va na wela diphalani ngu wumbidi wawe.”

Ezekhiyele 5:10

Ngu kumaha keto, vatate va na dya vanana vawe hagari kwanu, ni vanana va na dya vatate vawe; se ni na maha wulamuli wangu kwako, votshe vale va no sala, ni na va hangalasa ka otshe madhawa.

Jeremiya 23:39

ngu ditshuri ani ni na mi divala da magwito, ni txi mi tutumisa masoni kwangu, anu ni didhoropa diya ni nga mi ninga, ni ka vatate vanu.

Jeremiya 23:33

Ngako vathu vava, mwendo mprofeti, mwendo mphaxeli, va txi ku wotisa, va txi kha vona: Ngu wuhi mrwalo wa Mkoma kani? Sekoko u na va xamula, u txi khawe: Nganu mrwalo wa kona! Ni na mi ginyalata, kuwomba Mkoma.

Jeremiya 19:9

Ni na va maha vedya nyama ya vanana vawe va txiwamna ni va txisikati, mmweyo ni mmweyo a na dya nyama ya dixaka dakwe, ka mbimo ya kurandelwa ni ku kuretwa kwawe, eho va na so mwa tshim ngu valala va va xotako wutomi wawe.

Hoseya 4:6

Vathu vangu va lovisilwe, ngu kule va nga pwata wuzivi; nguko awe u lambile wuzivi, se nani na kulamba, kasiku u si mahi mphaxeli masoni kwangu; akule u nga divala mlayo wa Txizimu txako, nanani ni na divala vanana vako.

Zakariya 13:8

Se ku na maheka ka otshe mafu, kuwomba Mkoma, taku madhawa mambidi a vathu, ma na dawa, me lova; aniko da wuraru di na sala.