Zakariya 11:8 - Bhiblia Yo Sawuleka

⁸ Ni hoxotile vadyisi vararu ngu mtxima wumwewo, nguko moya wangu wu ti va henyete, ni moya wa tona wu to swihala ngu ngani.

Zakariya 11:8 Referans Kwoze

Johani 15:18

“Ngako ditiko di txi mi vengela, ti ziveni ti to di thangile ngu ngani di txi ni vengela.

Johani 7:7

Ditiko kha di na ku mi vengela, kambe ani da ni vengela, nguko na fakaza ti to mithumo ya dona yi bihile.

Isaya 49:7

Mkoma a womba tiya, Mtiruli wa Israyeli, Msawuleki wakwe, ka dihika do eyiswa, do yenywa ngu matiko, ka txithumi txa vale va fumako: Vafumeli va na mu wona va txi khukha, ve ema; vathangeli va na nama masoni kwako, ngu lirando la Mkoma, i ku wo thembeka, ni Msawuleki wa ka Israyeli, a nga kusawula.

Luka 19:14

Aniko vathu va ditiko dakwe va ti mu vengela, ve ruma mitumi msana kwakwe, kuya womba tito: ‘Kha hi ti lavi kufumwa ngu m'thu wuwa.’ ”

Hoseya 5:7

Ngu wubihi va ti hambukisile ka Mkoma, nguko va velekile vanana va wugango; se konkuwa, mtxima wo ngadi kumeka, u na va lovisa ni tithembwe tawe.

Vahebheru 10:38

Mlulami a na hanya ngu likholo, aniko ngako a txi tshumelela msana, moya wangu kha wu na mbi mtsakela.”

Hoseya 9:15

Wotshe wubihi wawe wu maneka Giligali nguko nguho ni nga va nyenyela kona; ngu mhaka ya wubihi wa mithumo yawe, ni na va tshotsha hahanze ka nyumba yangu, kha ni na mbi va randa kambe; votshe vathangeli vawe mba kutitsimba.

Jeremiya 14:21

Ngu mhaka ya ditina dako, u nga swireke ngu ngathu, u nga wise tingana txikhalo txako txa wukoma: Alakanya txitumelelano txako ni nathu, u nga txi funye;

Jeremiya 12:8

Thomba yangu yi ni wukela ku nga ngonyamo amu txitingani; yi ni bongela, ngukonaho, ni swirekile ngu yona.

Masalmo 106:40

Ngu toneto, Mkoma a to henyela vathu vakwe, e tsukula vathu va i kuthomba yakwe.

Dhewuteronome 32:19

Mkoma a ti woni toneto, e henya, a txi xamukiswa ngu vanana vakwe vavafana ni vamahorana;

Levhi 26:44

Hambi ka toneto, ngako va di payutwe veya maneka ditikoni ka valala vawe, kha ni na mbi va leka, kha ni na mbi va tsukula aha koza ni txi va fuvisa, ni divala txitumelelano txi ni nga txi maha navo, nguko ani ngani Mkoma, Txizimu txawe.

Levhi 26:30

Ni na haxulela makhalo anu o guleka, ni txi fayetela sithombe sanu sa ditambo, se ni na tshotsha sirumbi sanu txitimwi ka sirumbi sa sithombe sa sizimu sanu; moya wangu wu na karala ngu nganu.

Levhi 26:11

Ni na aka nyumba yangu hagari kwanu, ni moya wangu kha wu na mbi hambana ni nanu.

Luka 12:50

Ka ho kubhabhatiswa kuwa ni fanelako ku kuamukela, aniko eto ni xanisekisako tona kala mbimo yi ku no tatiseka ngu yona!

Masalmo 78:9

Vathu va nyumba ya ka Efrayime, va nga ti xomile malaho ni tingove, va to tutuma ve thava ka ditshiku da yimbi;

Masalmo 5:5

Avale va ti kulisako kha va na wukhalo hafuhi kwako nguko awe wa nyenya votshe vale va mahako kubiha

Jeremiya 6:30

Vona va na wombwa ku i silivhela yo lekwa, nguko Mkoma a va lekile.

Ezekhiyele 14:5

kasi kuñola nyumba ya ka Israyeli mbiluni kwakwe, va to tsula kule ni nani, ve londeta sithombe sawe.

Ezekhiyele 16:45

Awe u mwanana wa dihorana wa mwamwako, a nga ti ti lekile mwamna wakwe ni vanana vawe; se awe u mwanawe wa vananu, vale va nga ti ti lekile vamna vawe ni vanana vawe; mwamwanu i ti ti Muheti, kambe tate wanu i ti ti Muamori.

Hoseya 4:6

Vathu vangu va lovisilwe, ngu kule va nga pwata wuzivi; nguko awe u lambile wuzivi, se nani na kulamba, kasiku u si mahi mphaxeli masoni kwangu; akule u nga divala mlayo wa Txizimu txako, nanani ni na divala vanana vako.

1 Vafumeli 11:25

Rezomi a mahile mlala wa Israyeli ka otshe masiku a Solomoni, totsheto, hahanze ka wubihi wule a nga ti wu maha, nguko a ti venga Israyeli, e fumela Siriya.