Zakariya 11:7 - Bhiblia Yo Sawuleka

⁷ Se ani ni na dyisa tinvuta tile tiyako kudawani, tinvuta ta mtxhambi ta wusiwana; se ni to teka tindonga timbidi: Ndonga yimweyo ni to yi raya ku khani Wunene, se yimwani ni yi raya ku khani Kupfana; se ni to dyisa tinvuta.

Zakariya 11:7 Referans Kwoze

Zakariya 11:14

Sekoko ni to funya ndonga yangu ya wumbidi, yi i ku Kupfana, ti to ni hangalasa wuxaka hagari ka Judha ni Israyeli.

Zakariya 11:4

A womba tiya Mkoma, Txizimu txangu: Dyisa tinvuta ti tiyako kudawani,

Isaya 11:4

kambe a na lamula sisiwana ngu kululama, ni timhaka ta vale vo thutha ha mafuni, a na wila ngu kululama, a na peka mafu ngu donga ya txisofu txakwe, e fuvisa vabihi ngu kufuteta ka txisofu txakwe.

Zefaniya 3:12

Aniko hagari kwako ni na siya vathu vo ti veka hahatshi, va sisiwana, se vona va na themba ditina da Mkoma.

Isaya 61:1

Moya wa Mkoma Txizimu, wu txitimwi kwangu, nguko Mkoma a ni totile, kasi kuya txhumayela mahungu amanene ka sisiwana, a ni rumete kuya tirula vale va ku ni kuxaniseka mbiluni, ni kuya nuwela mhaka ya kuthukunyulwa ka va vo sungwa, ni kutulelwa ka vale vo ñolwa;

Jakobe 2:5

Engisani, vanathu vo randeka: Ina kasi Txizimu kha txa langa vathu va sisiwana ditikoni muwa, kufela kuve maha vanyatithombe mu ka likholo, ni vadyi va thomba ya Mfumo wu txona Txizimu txi nga wu thembisa ka vale va txi randako, kani?

Johani 10:16

Nina ni timwani tinvuta kambe, ti sinziko kuvata txibala txiya, aniko kulaveka ti to ni ti tshanganisa, ti ta engisa dipswi dangu, se ku nava ni mtxhambi wumwewo ni M'dyisi mmweyo.

Marku 12:37

Se akuwa Dhavhidha a m'dhanako ku i Mkoma, a nga va mwanakwe ngu ha ko txani kani?” Se dibutho di da hombe di ti mu engisa ngu kutsaka.

Matewu 11:5

Mabhofu ma wona; sidiya sa tsimbila; vatshekela va basiswa; maphanzeve ma engisa; vakufa va wuswa ve hanya; sisiwana sa txhumayelwa Evhangeli.

Masalmo 23:4

Hambi ni txo tsimbila mkovani ka mtsudi wa lifo, nga ni si thavi txilo, nguko awe, Mkoma, u ni nani. Nguko ndonga yako ni mtxheketelo wako, sa ni tsanisa.

1 Samuwele 17:43

A to khene koko, Mufilista ka Dhavhidha: Ina ani no va yimbwa, aku u ni telako ni tindonga kani? Se Mufilista a to ruketela Dhavhidha ngu sizimu sawe.

1 Samuwele 17:40

Se a to teka ndonga yakwe manzani, eya ti sawulela mtxhanu wa marigwi txinambwanani, e ma veka amu ka mrava wa wudyisi, wu a nga ti ti nawo; e teka txibhalakaza txakwe manzani, e tshuketela ka Mufilista.

Levhi 27:32

Aniko sotshe sa wugumi ngu didhawa da tihomu ni tinvuta, ka sotshe sile i ku so dyiswa, sa wugumi sa kona si na lumba Mkoma.

Masalmo 27:4

Tximaha tximwetxo ni kombelako ka Mkoma, tximaha tximwetxo ni txi navelako; ni navela kuzumba Nyumbani ka Mkoma otshe masiku a kuhanya kwangu, ti to ni txi pfa lirando la Mkoma ni mkhozela Nyumbani kwakwe.

Masalmo 90:17

Wu nate txitimwi kwathu wunene wa Mkoma, Txizimu txathu. Tsanisa Mkoma, mithumo ya manza athu, ina, tsanisa mithumo ya manza athu!

Jeremiya 39:10

Aniko sisiwana ni vathu va hahatshi, Nebhuzaradhani mthangeli wa vawoneleli a to va leka amu ditikoni ka Judha, e va ninga ka donedo ditshiku mivhina ni tithembwe.

Isaya 40:11

A na dyisa mtxhambi wakwe kufana ni m'dyisi; a na sengeleta sinvutana mawokoni kwakwe, e si khutarela hakhana kwakwe; a na gola kha kwati ati ti mamisako.

Mika 7:14

Dyisa vathu vako ngu ndonga yako, i ku mtxhambi wa thomba yako wu zumbako wokha txitingani, hagari ka ditiko do nona; wu na dyiselwe Bhasani ni Gileyadhi, kufana ni masiku a kale.