Zakariya 11:6 - Bhiblia Yo Sawuleka

⁶ Kha ditshuri kha ni na mbi ngadi ni pfela wusiwana vahanyi va ditiko diya, kuwomba Mkoma, aniko wona taku ni na ningela vathu, mmwani ni mmwani manzani ka mkwawe, ni ka dianza da mfumeli wakwe; vona va na onhetela mafu, kambe kha ni na mbi va txhatxhisa manzani kwawe.

Zakariya 11:6 Referans Kwoze

Jeremiya 13:14

Ni na va phwatisa ve gumulana, vatate ni vanana, kuwomba Mkoma. Kha ni na mbi va divalela, hambi ku va tsetsa. Kha ni na mbi va ni wumbilu ha ka ku ni si va lovisi.

Matewu 22:7

Se mfumeli a di ti pfite eto, a to henya ngutu e ruma tiyimbi takwe kuya fuvisa sigevenga sile, ve hisa didhoropa da sona.

Mika 5:8

Se miboti ya ka Jakobe yi na va hagari ka matiko, hagari ka vathu vavangi, kufana ni ngonyamo hagari ka sihari sa txitinga, ku nga txingonyamoana hagari ka mitxhambi ya tinvuta, ngako txi txi pinda, txi na ti ganyatela ni ku ti phatulela, ku si maneki ni wo ti lwela.

Masalmo 50:22

Engisani ta tinene, anu mi divalako Txizimu; kasiku ni si mi phatuleli, ku si maneki ni wammweyo wo mi hulukisa.

Jakobe 2:13

Nguko kulamulwa kha ku na mbi va ni wumbilu, ka wule a ku si nga ni wumbilu; aniko wumbilu wa humelela kulamulani.

Vahebheru 2:3

se athu hi na hulukisa kutxani, ngako hi txi kanyisa kuhanyiswa kuwa kwathu ka hombe kani? Kuhanyiswa kuwa ku khatile kuhuwelelwa ngu Mkoma, ngu msana ku txi tsaniswa kwathu ngu va va nga tipfa,

1 Vatesalonika 2:16

Va hi tsimbisela kutxhumayela Evhangeli yo hanyisa ka vamatiko. Se ngu toneto, va to tatisela sionho sawe si va nga si maha. Se konkuwa ngu kugwitisa, kuhenya ka Txizimu kuwite txitimwi kwawe.

Johani 19:15

Kambe vona va to khata kukwangula, va txi kha vona: “A na fe! A na fe! Mu bethele ha txihambanoni!” Konaho Pilato a to khene: “Ni na bethela ha txihambanoni mfumeli wanu kani?” Aniko vaphaxeli va hombe va to xamula, va txi kha vona: “Athu kha hi nga ni mmwani mfumeli, hahanze ka Khezari.”

Matewu 24:10

Ka yoneyo mbimo, vavangi va na thindeka, va txi ningelana ni kuvengelana.

Matewu 10:21

“Mwanawe a na ningela mmwani mwanawe kudawani; ni tate a na ningela mwanana wakwe; vanana va na wukela vaveleki vawe, va txi va daya.

Malakiya 4:6

Se a na hundulusa timbilu ta vatate ka vanana vawe, ni timbilu ta vanana ka vatate vawe; kasi ku ni si ti ni ta peka ditiko ngu txiruko.

Zakariya 14:13

Ka ditshiku donedo, ku na maheka ti to ku va ni pfilu-pfilu ya hombe ya Mkoma, hagari kwawe; nguko mmwani ni mmwani a na ñola dianza da mkwawe, mmwani ni mmwani a na nawuluta diwoko e lwisa mkwawe.

Zakariya 11:14

Sekoko ni to funya ndonga yangu ya wumbidi, yi i ku Kupfana, ti to ni hangalasa wuxaka hagari ka Judha ni Israyeli.

Zakariya 11:9

Se ani ni ti khani: Na mbi ngadi ni txi mi dyisa kambe; ayi yifako, yi na fe, ayi yi fuviswako, ti nave, se atile ti no sala ti nadye, yimwani ni yimwani yi nadye nyama ya yimwani.

Zakariya 11:5

eto vaxavi va tona va dayako, na va si thavi kumana mnandu; ni vaxavisi va tona va ku kha vona: A na bongwe Mkoma, nguko ni fumisilwe, hambi vadyisi va tona kha va tsetsi tinvuta tile.

Zakariya 8:10

Nguko ma sinzi kuhoka masiku awa, ku si nga ni kuholelwa ka vathu, hambi ni kudihelwa ka sifuyo; kambe ku ti si nga ni kudikha ka wule a nga ti ti wulela, ni ka wule a nga ti ti huma, ngu mhaka ya mlala, nguko ani ni kujetete votshe vathu, ti to mmweyo ni mmweyo e wukela mmwani m'thu.

Hagayi 2:22

se ni na hoxota txikhalo txa wukoma txa mifumo, kambe ni na khundumusa mitamo ya mifumo ya matiko; ni khundumusa txikotxikani, ni vale va khalahatshako ka txona; se mahantxhi ni vagadhi va ona, va na wa, mmwani ni mmwani ngu ditxhari da mwanawe.

Mika 6:14

Awe u na dya aniko khu na mbi khura; kambe kutxipiswa kwako ku nava mndani kwako; u na sengeletela aniko kha si na mbi huluka; se ni si u no si hulukisa, ani ni na si ningela ka ditxhari.

Hoseya 2:10

Se konkuwa, ni na vhunungula wumbwiri wakwe masoni ka sigango sakwe, kambe kha ku na wu a no mtxhatxhisa manzani kwangu.

Hoseya 1:6

Se a to tshumela e mana txirumbu e veleka mwanana wa dihorana; se Mkoma a to khene: “Mraye ditina daku i Lo-Ruwama; nguko ani kha ni na mbi tshumela kambe ni pfela wumbilu va nyumba ya ka Israyeli, aniko ni na va tekela sotshe.”

Ezekhiyele 9:10

Kwangu koko, ngu dangu didhawa, diso dangu kha di na mbi tsetsa, kambe kha ni na mbi maha wumbilu; mithumo yawe yo biha yi na wa txitimwi ka misungo yawe.

Ezekhiyele 8:18

Ngu kumaha keto, nani ni na va henyela; diso dangu kha di na mbi va tsetsa, kambe kha ni na mbi va ni wumbilu; hambi va txo kwangula tinzeveni kwangu ngu dipswi da hombe, kha ni na mbi va engisa.

Isaya 27:11

Mbimo yile madhavi a kona ma no oma, ma na funywa; vavasikati va nata ma dhivela, nguko vathu vava, hi nga vathu vo pfisisa; ngu toneto, wule a nga m'va nga kha na mbi mpfela wusiwana, ni wule a nga muwumba, kha na mbi va mahela wumbilu.

Isaya 3:5

Se vathu votshe va na xanisana, hambi vaakelani va na xanisana, ni mwanana a na xanisa didhota, vanyalidede va na xanisa vo thaviseka.

Sidilo 2:21

Mazambi ni vathu vahombe va mwalate, ha lithuluni ka magondo. Majaha ni votuma vangu, va datwe ngu matxhari. Ditshiku dile u nga ti henyile, u txi dayela u si divaleli.

Sidilo 5:8

Athu hi fumwa ngu sithumi; kha ku nga ni wu a hi hulukisako manzani kwawe.