Zakariya 11:5 - Bhiblia Yo Sawuleka

⁵ eto vaxavi va tona va dayako, na va si thavi kumana mnandu; ni vaxavisi va tona va ku kha vona: A na bongwe Mkoma, nguko ni fumisilwe, hambi vadyisi va tona kha va tsetsi tinvuta tile.

Zakariya 11:5 Referans Kwoze

Jeremiya 50:7

Votshe va va nga txi ti mana va dayete; se valala vawe va txi kha vona: Ni mnandu wumwewo kha hi na mbi wu mana; nguko va onhete Mkoma, amu kuzumbako kona wululamo; ina, Mkoma, i kuthemba ya tate wawe.

Hoseya 12:8

Se Efrayime a khene: Hambiketo, ani na ti fumisa, kambe na ti manela tithomba ta hombe; Ka yotshe mithumo yangu, kha va na mbi mana wubihi ni wawumwewo, i ku txionho.

2 Pedro 2:3

Se ngu mhaka ya timbiti tawe, va na lava mabhindu ngu nganu, ngu kuthumisa mawombawombelo a kukanganyisa. Aniko, kulamulwa kwawe i kale ku di lulamisilwe, ni kulova kwawe kha ku na mbi swela.

Johani 16:2

Va na mi tovela masinagogani. Kambe ya ta mbimo yi, awu a no mi daya, a no pimisa ti to a thumela Txizimu.

Matewu 23:13

“Mi na ni dikhombo, anu vabhali ni nanu Vafarisi, vaxengeteli! Nguko ma tsivela vathu kuwulela Mfumoni ka nzumani, kha mi wuleli anu, kambe kha mi tuleli vale va lavako kuwulela.

Ezekhiyele 34:21

Ta woneka taku ngu didhawa ni dikata, ma ti rethetela tinvuta, kambe ngu titxheho tanu ma dhinetela tile ta kwa mbi na mtamo, kala miza mi txi tihangalasa hahanze,

Ezekhiyele 34:10

Mkoma Txizimu a khene: Wonani taku na wukela vadyisi, kambe ni na lava tinvuta tangu manzani kwawe; se va na leka kudyisa tinvuta, kambe kha va na mbi ti dyisa vona vapune; ni na txhatxhisa tinvuta tangu mkanani kwawe, kha ti na mbi ngadi ti txi dyiwa ngu vona kambe.

Ezekhiyele 34:6

Tinvuta tangu ti pengete ka yotshe mimango ni ka simangwana; ina, tinvuta tangu ti hangalakile, kotshe ha mafuni, ku si maneki wa ku ti wuyisa hambi kutsimbila e ti lava.

Jeremiya 2:3

Sekoko Israyeli i ti ti msawuleki wa Mkoma Siyalo so khata sa kufunyela kwakwe; votshe vale va mvandamulako va ni mnandu va na welwa ngu dikhombo, kuwomba Mkoma.”

Nehemiya 5:8

Se ni txi khani: Athu hi hulukisile Vajudha, madingano ni mtamo wathu, i ku vanathu, avale va nga xaviswa ka vamatiko, se anu kambe mi lava kuxavisa vananu, kasi kuveta xaviswa kwathu kani? Sekoko va to malala, va txi kayee.

2 Vafumeli 4:1

Se mmweyo hagari ka vasikati va vanana va vaprofeti, a to peka huwa ka Elixa a txi khene: Mwamna wangu, i ku txithumi txako, a fite. Kambe awe wa tiziva ti to txithumi txako, txi ti ti ni txithavo ka Mkoma, se awule a ngadi ni mnandu kwakwe a ti ta teka vanana vangu vavambidi, kuya va maha tikhumbi takwe.

Mtuletelo 18:13

kinamoni, i ku mafura o bhumula, mira ni dibaselo, vhinya ni mtona, mpupu wa mafaka ni fulaho, tihomu ni tinvuta, mahantxhi ni sikotxikani, tikhumbi ni mimoya ya vathu.

Johani 10:1

“Ngu ditshuri, ngu ditshuri, na mi gela ti to awule asi wuleliko ngu ha txikeni, txibalani ka tinvuta, kambe a wulelako ngu wumwani wukhalo, ndikhamba, didhawa njigevenga.

Mtuletelo 3:17

Nguko u khawe: ‘Ni nyatithombe, ni humelete, kha ni pwati txilo.’ Aniko khu ti zivi ti to ngawe mxaniseki: Nyantshanzale, u txisiwana, u dibhofu, khwa ambala txilo!

Hoseya 12:9

Aniko ani ngani Mkoma, Txizimu txako, kukhukhela ditikoni ka Egipta; ani ni ngadi ni txi na ku zumbisa matendani, kufana ni masiku a mitshangano ya kudikha.

Amosi 2:6

Mkoma a womba tiya: Ngu kuhambunyeta kuraru ka Israyeli ni ka wumune, kha ni na mbi thavisa txitsayiso, nguko va xavisa mlulami ngu male, ni txisiwana ngu mpatwa wa tikathula.