Zakariya 11:3 - Bhiblia Yo Sawuleka

³ Ndidedo dipswi da huwa ya vadyisi, nguko wudhundo wawe wa fuviswa! Dipswi da kubhonga ka singonyamwana, nguko kutikulisa ka Jordhani kufuvisilwe!

Zakariya 11:3 Referans Kwoze

Jeremiya 50:44

Wonani ti taku mmweyo wa ku nga ngonyamo a na humelela likasani ka Jordhani, e wukela dizumbo da mtamo, aniko ngu mbimo yokari ni na mtutumisa hale; se awule ni nga msawula a na mwukela: Nguko i mani wo fana ni nani kani? Se i mani wo a nga ni randela kani? I mani m'dyisi wo a nga tsana masoni kwangu kani?

Mithumo 7:52

Ngu wuhi mprofeti wu vatate vanu va nga mbi mxanisa kani? Va date ni vava kukhatani va nga zivisa kuta ka Mlulami, awu anu konkuwa mi nga mningela ni ku m'daya;

Matewu 15:14

Va lekeni! Mabhofu ma thangelelako mabhofu-kulowe; se ngako dibhofu di txi ñoleta lisole dimwani dibhofu, votshe va na wela diphalani ngu wumbidi wawe.”

Zakariya 11:8

Ni hoxotile vadyisi vararu ngu mtxima wumwewo, nguko moya wangu wu ti va henyete, ni moya wa tona wu to swihala ngu ngani.

Zefaniya 3:11

Ka ditshiku dile, khu na mbi wa tingana ngu mthumo wako ni wawumwewo, awu u nga ni lwisa ngu wona; sekoko ni na thavisa hagari kwako, ava va giyako ngu kutikulisa, se awe khu na mbi ngadi u txi ti kukumukisa kambe, mmangoni kwangu ko sawuleka.

Zefaniya 3:3

Vathangeli va dona ndingonyamo ti bhongako hagari ka dona; valamuli va dona maxolwa a mbimo ya minova, ma si siyiko marambu a kutadya mangwana.

Zefaniya 1:10

Se ka edo ditshiku, kuwomba Mkoma, ku na pfala huwa kukhukhela ka Txike txa Sihaka; ni xomulo kukhukhela ka didhawa da diphya, ni huwa ya hombe, kukhukhela mimangoni.

Amosi 8:8

Ditiko di na mbi zinginika ngu kona ha ka tiya kani? Kha va na mbi dila votshe va va hanyako ka dona kani? Kha ditshuri dotshe ditiko di na guleka ku nga mnambo wa hombe, di na ginyalatwa, di na nyuvela ku nga mnambo wa Egipta.

Joyeli 1:13

Ti khutareleni mi ti dilela anu vaphaxeli; kumani anu vathumeli va txiluvelo; wulelani mi pinda mi di ambate masaka, ni wusiku anu, vathumeli va Txizimu txangu; nguko miningelo ya sakudya ni sa kusela si nga wilwa, nza nyumbani ka Txizimu txanu.

Hoseya 10:5

Vahanyi va Samariya va dhuswa ngu dirole da Bheti-Avheni, ngu kumaha keto, vathu va kona va na tilaya ngu mhaka yakwe, kufana ni vaphaxeli vawe (va nga ti tsaka ngu dona), se ngu mhaka ya wudhumo wu nga khukha ka dona.

Jeremiya 49:19

A na woneka sixaxani Jordhani nga ngonyamo, a txi lwisa wukhalo wa mtamo; nguko, ngu mbimwanyana, ni na mtutumisa hale; niku i mani ni no msawula ni txi m'veka txitimwi kwakwe kani? Nguko i mani a fananako ni nani! I mani a no ni vekela mbimo kani? I mani m'dyisi wu a no ni tsiveta kani?

Jeremiya 26:6

ani ni na maha ti to nyumba yiya yi txi nga Silo, ni didhoropa diya ni na di maha txiruko ka totshe tihunzu ta mafu.

Jeremiya 7:4

Mi nga thembeni timhaka ta makuhu, mi txi khanu: Dithepele da Mkoma, Dithepele da Mkoma, Dithepele da Mkoma ngu dona diya!

Jeremiya 2:30

Ni pekile walo vanana vanu, kha va tumela kukawukwa. Ditxhari danu di date vaprofeti vanu nga ngonyamo yi hasamulako.

Jeremiya 2:15

Tingonyamo tiwete txitimwi kwakwe ti txi bhonga-bhonga ngu dipswi da tona, ti bhandelela ditiko dakwe; miti yakwe yi hisilwe; kha ku na m'thu a zumbako ka yona.

Isaya 65:15

se mi na leka ditina danu di maha txiruko ka va sawuleki vangu; Mkoma Txizimu a na mi daya; se sithumi sakwe a na si dhana ngu dimwani ditina.

Masalmo 22:21

Ni hulukise ka sisofu sa tingonyamo toneto; u txi ni hulukisa ka titxheho ta tinyari ta vamatune.

Isaya 5:29

Kubhonga kwawe kufana ni ka ngonyamo; va na bhonga kufana ni singonyamwana; Ina, va na bhonga va txi ñola mipfimba yawe, kha ku na wule a no yi txhatxhisa.

Zakariya 11:2

Dilani anu mikipresi, nguko mikedhari yi wite, nguko ayile yo tshura ngutu ya fuviswa; dilani anu mikusu ya Bhasani, nguko txitinga txo khwela txa hoxotwa.

Ezekhiyele 19:2

u txi khawe: I mani mame wako kani? Ngonyamo ya makati hagari ka tingonyamo, yi wunjile vanana va yona hagari ka singonyamwana.