Zakariya 11:16 - Bhiblia Yo Sawuleka

¹⁶ Nguko wona taku ni na wusa m'dyisi ditikoni, awu a no mbi xola ti ti lovako, kha na mbi londeta yile yo mwalala, kha na mbi thuma yile yo lwala, hambi kudyisa yile yi hanyako kha kwati; aniko a na dya nyama ya yile yo nona, kambe a na sotela ni syala sa kona.

Zakariya 11:16 Referans Kwoze

Jeremiya 23:2

Ngu konaho, Mkoma, Txizimu txa Israyeli, a khene xungetano ni vadyisi va vathu vangu: “Anu mi hangalasile tinvuta tangu, mi txi ti tutumisa, kha ma khatala ngu tona. Ni na mi tsayisa ngu mhaka ya kubiha ka simaho sanu, kuwomba Mkoma.”

Johani 10:1

“Ngu ditshuri, ngu ditshuri, na mi gela ti to awule asi wuleliko ngu ha txikeni, txibalani ka tinvuta, kambe a wulelako ngu wumwani wukhalo, ndikhamba, didhawa njigevenga.

Ezekhiyele 34:21

Ta woneka taku ngu didhawa ni dikata, ma ti rethetela tinvuta, kambe ngu titxheho tanu ma dhinetela tile ta kwa mbi na mtamo, kala miza mi txi tihangalasa hahanze,

Ezekhiyele 34:16

Ni na tsimbila ni lava yile yo mwalala, kambe ni na wuyisa yile yo penga, ni txi tsanisa yile yo khudukiswa, ni kuthuma yile yo lwala; aniko ayile yo ena ni yile ya mtamo ni na ti khundumusa; tona ni na ti dyisa ngu wululamo.

Ezekhiyele 34:10

Mkoma Txizimu a khene: Wonani taku na wukela vadyisi, kambe ni na lava tinvuta tangu manzani kwawe; se va na leka kudyisa tinvuta, kambe kha va na mbi ti dyisa vona vapune; ni na txhatxhisa tinvuta tangu mkanani kwawe, kha ti na mbi ngadi ti txi dyiwa ngu vona kambe.

Jeremiya 23:22

Aniko, i tiku va ti ti emile banzani kwangu, nga va di zivisile ka vathu vangu timhaka tangu, ve va hundulusa nzilani kwawe ko biha, ni ka simaho sawe so biha.

Isaya 40:11

A na dyisa mtxhambi wakwe kufana ni m'dyisi; a na sengeleta sinvutana mawokoni kwakwe, e si khutarela hakhana kwakwe; a na gola kha kwati ati ti mamisako.

Genesisi 33:13

Aniko Jakobe a ti khene: “Mkomwangu wa tiziva ti to vanana i ngadi vadotho, nani ni fanete kualakanya tinvuta ni tihomu ati ti mamisako; ngako ni txi ti khurisa, hambi i ti ditshiku dimwedo dwe, wotshe mtxhambi wu na fa.

Genesisi 31:38

Nguko ni zumbile ni nawe mndani ka magumi mambidi a malembe, kambe tinvuta tako ni tiphongo tako kha ta txhisa, hambi ani kha na dya sinvutana sa mtxhambi wako.

Dhaniyeli 11:36

Se mfumeli wuwa a na maha madingano ni kuranda kwakwe, a na tiguleta, e tikulisa txitimwi ka sotshe sizimu; a na womba-womba wubihi ngu Txizimu txa sizimu, kambe a na humelela an'ze magwito ka kuhenya; nguko ti ti nga vekiswa ti na maheka.