Zakariya 10:8 - Bhiblia Yo Sawuleka

⁸ Ani ni na va dhana ngu mloti, ni va sengeleta, nguko ni va tirute, se va na talelana, nga tile va nga ti talisile tona.

Zakariya 10:8 Referans Kwoze

Isaya 5:26

A na guleta m'jeke wo dhana matiko a kule, a na va vetela mloti, ti to ve khukha magwito ka mafu, se vona va nata ngu kukuluveta.

Isaya 7:18

Nguko ku na maheka taku, ka ditshiku dileya, Mkoma a na vetela mloti tiphuka ti tiku magwito ka mnambo wa Egipta, ni tinombe ti ti tsimbilako ditikoni da Asiriya.

Jeremiya 33:22

Ni na engetela mtengo wa liveleko la txithumi txangu Dhavhidha ni wa Valevhi i ku vaphaxeli, nga ku mtengo wa yimbi ya nzuma wu si balwiko, hambi ni mtxhefa wa linene.

Hoseya 1:10

Ngu kumaha keto, mtengo wa vanana va ka Israyeli u na nga mtxhefa wa lineneni, awule wu si pimwiko mwendo kubalwa; se ku na maheka tito, ka wukhalo wu va nga gelwa ku kha vona: Anu kha mi nga vathu vangu, va na kha vona: Anu mi vanana va Txizimu txi txi hanyako.

Mtuletelo 22:17

Moya ni txiwutwa va womba va txi kha vona: “Ngono!” Awule a engisako a na wombe nene a txi khene: “Ngono!” Awule a ku ni ditora, a na te. Awule a ti lavako a na amukele mahala mati a wutomi.

Matewu 11:28

Ngonani kwangu, motshenu mi nga karala, mi nemelwako ngu mrwalo, ani ni na mi humuta.

Zakariya 9:11

Kasi i di awe ngu mhaka ya mnoha wa txitumelelano txako, ni humisile tikhumbi tako ngu diphalani mu ku nga si nga ni mati.

Isaya 51:11

Ngu kumaha keto, va na wuya vale va nga tirulwa ngu Mkoma, kambe va na tshumelela Siyoni ngu kutsaka ka hombe, ni kutsaka ka kwa mbi gwita ku nava txitimwi ka misungo yawe; va na mana kuzumbiseka ni litsako, kupandiseka ni kuketa si na tutuma.

Isaya 44:22

Na hangalasa sihambunyeto sako kufana ni hunguva, ni sionho sako kufana ni direfu; tshumelela kwangu nguko ni ku tirute.

1 Vafumeli 4:20

Kunene, va ka Judha ni va ka Israyeli i ti vavangi, kufana ni mtxhefa wa mabambe ka linene, ngu wungi wawe, vedya, ve sela, ni kutitsakela.

Eksodha 1:7

vanana va ka Israyeli va to velekelana ve anda ngutu; kambe va manekile va txi tala, ni kuva ni mtamo, aha koza ditiko da Egipta di txi tala ngutu ngu vona.

Mtuletelo 7:9

Msana keto, ni woni dibutho da hombe da vathu, ava ni mmweyo asi sikotiko ku va bala, va otshe matiko, totshe tixaka, yotshe mixowo, ni totshe tidimi. Va ti ti emile masoni ka txiluvelo ni masoni ka Txinvutana, va di ni syambalo so basa, na va di ñote mijindo manzani kwawe.

Isaya 7:19

Totshe ti nata khandamela amu ka yotshe mikova ya siwula, ni mu ka tifa ta marigwi, amu ka mipa, ni ka sotshe sitinga.

Isaya 48:20

Humani amu Bhabhilona, tutumela kule ni Vakaldheya. Kambe zivisani ngu dipswi da kutsaka ka hombe, ti maheni ti pfiwa eto, mi ti hokisa magwito ka mafu; i nda ni khanu: Mkoma a tirute txithumi txakwe Jakobe.

Mika 2:12

Kha ditshuri ni na kusengeleta awe Jokobe; kha ditshuri ni na sengeleta votshe vale va nga sala va ka Israyeli; votshelele, ni na va veka ka wukhalo wumwewo, kufana ni tinvuta ta Bhozira; nga mtxhambi txibalani ka wona, va na maha diguwa ngu mhaka ya kutala kwawe.