Zakariya 10:7 - Bhiblia Yo Sawuleka

⁷ Se va ka Efrayime va na nga tindena, mbilu yawe yi na tsaka nga va to sela vhinya, se vanana vawe va na wona ve tsaka, timbilu tawe ti na tsakela Mkoma.

Zakariya 10:7 Referans Kwoze

Zakariya 9:15

Mkoma wa Mabutho a Tiyimbi a na va vhikela; se va na dya msana ka kuva va di xute valala ngu marigwi a txibhalakaza; kambe va na sela ve maha diguwa nga va to leviswa ngu vhinya; se va na tala nga majingo txiluveloni.

1 Pedro 1:8

Ene wu mi mrandako, hambiko mi sinziko ku mu wona; ene wu mi kholwako kwakwe, atiya ti na mi ninga kutsaka ko mbi balwa ni kutala ni wudhumo;

Vafilipiya 4:4

Tsakani ka Mkoma yotshe mbimo! Na engeta ni mi gela: Tsakani!

Mithumo 2:26

Ngu kota yeto, mbilu yangu ya tsaka ni lidimi langu la nengela hambi mmidi wangu ni wona wu na zumba wu di ni txithembo,

Johani 16:22

Ngu toneto, nanu konkuwa ma pfa kupanda timbiluni kwanu, kambe na tshumela ni txi mi wona, se timbilu tanu ti na tala ngu litsako, kambe awalo wu a no mi honyola litsako lanu.

Luka 1:47

ni moya wangu wu tsakela Txizimu, Muhanyisi wangu,

Zakariya 9:17

Nguko nga tona ti wu nga kulisa tona wunene wawe! Ni ti va nga tshurisa tona! Se fulaho yi na tshurisa majaha, ni vhinya ya yiphwa yi na tshurisa mahorana.

Zefaniya 3:14

Embelela ngu kutsaka awe dihorana da Siyoni; Tsaka kambe awe Israyeli; ti tsakele u txi peka mikulungwani ngu mbilu yako yotshe, awe dihorana da Jerusalema.

Habhakuki 3:18

Hambi keto, ani na tsaka ka Mkoma; ni na guleta Txizimu txa kuhanyiswa kwangu.

Jeremiya 32:39

Ni na vaha mbilu yimweyo ni va gondisa nzila yimweyo ya ku ni thava kala kupinduka; va na kateka vona ni vanana vawe msana kwawe.

Isaya 66:14

Eto mi na ti wona, kambe timbilu tanu ti na tsaka, ni marambu anu ma na mana mtamo, kufana ni mwasi wa wuphya; sekoko dianza da Mkoma di na woneka ka sithumi sakwe, se ene a na henyela valala vakwe.

Isaya 38:19

Ava va hanyako, va va hanyako, evo va na ku dhumisa, kufana ni ti ni mahako nyamsi; tate a na gondisa ditshuri dako ka vanana.

Masalmo 104:15

Vhinya yi yi va tsakisako timbilu, mafura awa ma va tshurisako tikhohe ni sakudya si si va ningako mtamo.

Masalmo 102:28

Vanana va vathu vako va na hanya ha mafuni, ni liveleko lako li na tsaniswa masoni kwako.

Masalmo 28:7

Mkoma ngene m'vhikeli wangu wa mtamo; ni themba ene ekha, ene a ni vhuni, ngu toneto mbilu yangu yi tsakile, se ni na dhumisa ngu kuembelela tindando.

Masalmo 13:5

Ani ni themba wumbilu wako; mbilu yangu yi tsakela kuhanyisa kwako.

1 Samuwele 2:1

Sekoko Ana a to kombela, a txi khene: Mbilu yangu yi tsakela Mkoma, ni mtamo wangu u guletilwe ka Mkoma; Txisofu txangu txi asamile txitimwi ka valala vangu, nguko na tsaka kuhanyisani kwako.

Genesisi 43:34

Aniko ene a to phamela vanawe sakudya sakwe sa ha mezani kwakwe, a txi phamela Bhenjamini sakudya sa kupinda mtxhanu wa kona asi a nga phamela mmweyo ni mmweyo ka votshe vamwanyani vanawe. Se vona ve sela, va txi busa nayo.

Genesisi 18:19

Nguko ani ni msawute kasi ku a txi gondisa vanana vakwe, ni votshe va ka kwawe msana kwakwe, kasiku ve maha kuranda ka Mkoma, ni kumaha kululama ni wunene, se ngu mhaka yeto, ani Mkoma, ni na maha ka Abrahamu ati ni nga mthembisa.”

Mithumo 13:33

Txizimu txi tatisile txithembiso txiya kwathu, vanana vawe, ngu kuwusa Jesu, nga ti ti nga bhaliswa tona amu ka dibhuku da Masalmo, va txi kha vona: ‘Awe u mwanana wangu, ni ku velekile nyamsi.’ ”

Mithumo 2:39

Nguko awule a nga thembiswa a lumba anu ni vanana vanu, ni vale va ku kule, votshe vale va no dhanwa ngu Mkoma, Txizimu txathu.”

Masalmo 90:16

Komba mtamo wako wa hombe ka sithumi sako ni wudhumo wako wa hombe ka vanana vawe!

Masalmo 33:21

Mkoma ngene kutsaka ka timbilu tathu; nguko hi themba ditina dakwe do sawuleka.

Isaya 54:13

Se votshe vanana vako va na maha vagondiswa va Mkoma; ni kudikha ka vanana vako ku na maha ko enela.

Ezekhiyele 37:25

Va na zumba ka ditiko dile ni nga ninga txithumi txangu Jakobe, emo va nga ti zumbile kona vatate vanu; se va na zumba ka dona, vona ni vanana vawe, ni vatukulu vawe, yotshe mbimo; kambe txithumi txangu Dhavhidha a na va mthangeli wawe, ngu ha ku si gwitiko.

Joyeli 2:23

Se anu vanana va Siyoni tsakani ngutu, mi tsaka ka Mkoma, Txizimu txanu, nguko ene a na mi ninga m'gondisi wa wululamo, kambe a na txhikisa mati a nzuma, mati a kukhata ka mtxima, ni o gwitisa.

Isaya 25:9

Se ka ditshiku donedo, va na kha vona: Wonani Txizimu txathu, hi nga ti txi verela, txi na hi hulukisa; awuwa ngene Mkoma, wule hi nga txi m'verela; hi na m'guleta ni kutsaka, kuhanyisani kwakwe.

Zakariya 12:8

Ka ditshiku donedo, Mkoma a na vhikela vahanyi va Jerusalema, se awule hagari kwawe a no humbwa ka ditshiku donedo, a na nga Dhavhidha, kambe nyumba ya Dhavhidha yi na nga Txizimu, kufana ni Ngelozi ya Mkoma, masoni kwawe.