Zakariya 10:5 - Bhiblia Yo Sawuleka

⁵ Se va na nga tindena ti ganyatako valala va tona, amu ka madhaka a tinzilani, kulwani, va wulelako kulwani ngu madhakani ka tinzila, ve tshinda valala, nguko Mkoma a na va navo, se vona va na thela tingana vale va tsimbilako va di gadhile mahantxhi.

Zakariya 10:5 Referans Kwoze

Hagayi 2:22

se ni na hoxota txikhalo txa wukoma txa mifumo, kambe ni na khundumusa mitamo ya mifumo ya matiko; ni khundumusa txikotxikani, ni vale va khalahatshako ka txona; se mahantxhi ni vagadhi va ona, va na wa, mmwani ni mmwani ngu ditxhari da mwanawe.

Zakariya 12:8

Ka ditshiku donedo, Mkoma a na vhikela vahanyi va Jerusalema, se awule hagari kwawe a no humbwa ka ditshiku donedo, a na nga Dhavhidha, kambe nyumba ya Dhavhidha yi na nga Txizimu, kufana ni Ngelozi ya Mkoma, masoni kwawe.

Zakariya 9:13

Nguko ni dombile Judha kwangu, ni tata Efrayime ngu wulaho; ni na wusa vanana vako awe Siyoni, veya lwisa vanana vako awe Gresiya! Se ni na kuveka ku nga ditxhari da ndena.

Masalmo 20:7

Vamwani va themba mimovha yawe ya yimbi vamwani va themba mahantxhi awe; aniko, athu hi themba Mkoma, Txizimu txathu.

2 Timoti 4:7

Ni lwite yimbi ya yinene, ni hetile mnava wa kututuma kwangu, ni veketile likholo.

2 Vakorinto 10:4

Nguko, matxhari awa hi lwako ngu ona hi nga a kuthumiswa ngu vathu, aniko mtamo wa ona wuta ngu ka Txizimu. Athu ha hasamula makungo a mipalavanya;

Mithumo 7:22

Mosi a gondisilwe wotshe wuzivi wa Vaegipta. Se i ti m'thu wa mtamo amu ka mapswi ni mu ka mithumo.”

Luka 24:19

Se Ene a to va wotisisa a txi khene: “Ta txani, kani?” Vona va xamute va txi kha vona: “Atiya ti wombako ngu mhaka ya Jesu wa Nazareta, i nga ti mprofeti wa mtamo mu ka mithumo ni mu ka kuwombawomba, masoni ka Txizimu ni ka votshe vathu.

Matewu 4:3

Sekoko m'duki a to tshuketa hafuhi kwakwe a txi khene: “Ngako u di Mwanana wa Txizimu, gela marigwi awa ti to me phinduka me maha mapawu.”

Zakariya 14:13

Ka ditshiku donedo, ku na maheka ti to ku va ni pfilu-pfilu ya hombe ya Mkoma, hagari kwawe; nguko mmwani ni mmwani a na ñola dianza da mkwawe, mmwani ni mmwani a na nawuluta diwoko e lwisa mkwawe.

Zakariya 14:3

Se Mkoma a na huma e yalwa ni matiko awa, ku nga tile a nga lwisa tona ngu ditshiku da yimbi.

Zakariya 12:4

Ka ditshiku donedo, kuwomba Mkoma, ni na dhukisa otshe mahantxhi, ni kuxangisa vagadhi va ona; se maso angu ma na wonetela txitimwi ka nyumba ya ka Judha, kambe ni na maha ti to otshe mahantxhi a matiko a kona meva mabhofu.

Mika 7:10

Se mlala wangu wa txisikati a na ti wona eto, se a na fenengetwa ngu pfilu-pfilu, awu a ku khene: Ahayi Mkoma, Txizimu txako kani? Maso angu ma na mu wona a txi kadetelwa, kufana ni madhaka a tiruwani.

Amosi 2:15

A wu a nga ñola wulaho kha na mbi ema, ni wu aku ni livilo kha na mbi huluka, hambi ni ka kudotho, a wu a tsulako a di gadhile dihantxhi kha na mbi hulukisa wutomi wakwe.

Ezekhiyele 38:15

U nata koko ngu ka wukhalo wako, ngu didhawa da Wuphemba, awe ni vathu vavangi, motshenu na mi di gadhile mahantxhi, mi di msengeletano wa hombe, ni dibutho da mtengo wa hombe.

Isaya 41:12

U na va lava, aniko khu na mbi va mana, ni vale va no lwa ni nawe, kha va na mbi va va txilo, kufana ni tximaha txo mbi va txilo, avale va no lwa ni nawe.

Isaya 25:10

Nguko dianza da Mkoma, di na humula ka mmango wuwa; aniko Mowabhi a na ganyatelwa hahatshi ka wona, kufana ni kuganyatelwa ka mwasi ditalani.

Isaya 10:6

Ni na mruma ku yalwa ni ditiko da wubihi, ni mleleta kuya wukela vathu vale ni nga va henyela, ku va handa ni ku va honyola siya sawe, se ni va veka ti to ve kandetelwa ku nga ndope ya tinzilani;

Isaya 8:9

Mahani diguwa da kulwa, anu matiko, mi na funyeletelwa; riyani tinzeve motshenu va matiko a kule, tsanani, mi na phatulelwa, tsanani, mi na phatulelwa.

Masalmo 45:3

Awe ndena, khweketa ditxhari dako txiwununi; dona da kuhanela ni ku kupfalisa!

Masalmo 33:16

Mfumeli kha hulukiswi ngu mtalo wa mabutho, hambi wamwamna wa ndena kha xuli ngu mtamo wakwe wa hombe.

Masalmo 18:42

Ni na va kuya ve fana ni lithulu li huhiswako ngu diphuho, nava kandetela nga madhaka a hanzila.

2 Samuwele 22:43

Sekoko ni to va tshinda va txi nga lithule la mafu, ni va kandetela ni ku vafuvisa kufana ni lidhaka la hanzila.

2 Samuwele 22:8

Sekoko mafu ma to zinginika me bandeka, makhato a nzuma ma to zinginika me bandeka, nguko ene a henyile.

1 Samuwele 16:18

Sekoko mmweyo ka majaha a to xamula a txi khene: Wona taku na tolovela kuwona mmweyo ka vanana va Jese, wa Bhetlehema, a zivako kuveta, kambe i ndena, wo tshambisela, m'thu wo ziva kulwa, wa mapswi o pfala, wa txiemo txa txinene; Mkoma a ni nene.

Joxuwa 10:42

Se votshe vafumeli vava ni matiko awe, Joxuwa a va khozisile ngu mbimo yimweyo, nguko Mkoma, Txizimu txa ka Israyeli, a ti ti lwela Israyeli.

Joxuwa 10:14

Kha kuzivi kumaneka ditshiku do fana ni donedo, hambi ngu msana hambi ngu masoni ka dona, adiya Mkoma a nga engisa dipswi da m'thu; nguko Mkoma a ti ti lwela va ka Israyeli.

Dhewuteronome 20:1

“Mbimo yi u no huma ku yalwa yimbi ni valala vako, ngako u txi wona mahantxhi ni sikotxikani ni vathu vavangi, vo pinda awe, u nga va thave, nguko Mkoma, Txizimu txako awu a nga kuhumisa ditikoni ka Egipta, ana ni nawe.

Mtuletelo 19:17

Ngu msana ni to wona ngelozi, yi di emile ha ditamboni, yi txi kwangula ngu dipswi da hombe ka sotshe si si purumako ha mpfhukani ka nzuma, yi txi kha yona: “Ngonani, tshanganani mi txi ta ka m'buso wa hombe wa Txizimu.

2 Timoti 4:17

Aniko Mkoma a ni emete, a txi ni tsanisa, kasiku dipswi di txi txhumayelwa ngu ngani, ngu kuhetiseka, ti to di txi mana kuengiswa ngu votshe vamatiko. Ani ni hulukisilwe ka txisofu txa ngonyamo.

Mithumo 18:24

Mujudha wokari a dhanwako ku i Apolosi, awu a nga velekelwa Alexandriya, a ti tile Efesu. I ti m'thu wa kuziva kuwombawomba ni kuziva Mibhalo.

Matewu 28:20

mi txi va gondisa kuvekisa totshe tiya ni nga mi leleta tona. Se wonani, ni ni nanu yotshe mbimo, kala kugumani ka mafu.”

Masalmo 44:5

Hi xula valala vathu ngu mtamo wako, ngu ditina dako ha ganyatela vaxanisi vathu.

Isaya 41:25

Na wusa mmweyo ngu Wuphemba, se ene a nata; kukhukhela kuhumani ka ditambo; a na khumbuka ditina dangu; kambe a nata txitimwi ka vathaviseki, ku nga txitimwi ka ndope; ni kufana ni muwumbi a kandetelako dibumba, ngu toneto, a na va kandetelisa toneto nene.

Mika 5:8

Se miboti ya ka Jakobe yi na va hagari ka matiko, hagari ka vathu vavangi, kufana ni ngonyamo hagari ka sihari sa txitinga, ku nga txingonyamoana hagari ka mitxhambi ya tinvuta, ngako txi txi pinda, txi na ti ganyatela ni ku ti phatulela, ku si maneki ni wo ti lwela.

2 Vafumeli 9:33

Sekoko Jehu a to khene: Mrinzeni eyo wamsikati ngu koneho. Se va to mrinza hahatshi, diseta ni mahantxhi si to txabwaketelwa ngu mnoha wakwe, se Jehu a to m'ganyatela.

Isaya 31:1

Dikhombo ka vale va relelako Egipta kuya kombela kuvhunwa; kambe va thembako mahantxhi! Va ku ni themba ni sikotxikani, nguko i ku sasingi, ni vagadhi va mahantxhi, nguko mba mtamo ngutu; va singako ni mhaka ni Msawuleki wa ka Israyeli, kambe kha va lavi Mkoma.