Zakariya 10:2 - Bhiblia Yo Sawuleka

² Nguko sithombe sa sizimu si womba-womba ta walo, se vahuteteli va tolovela kuwona makuhu ni kutxhamusela miloro ya walo, va thavelelana ngu ta kwa mbi nyawula; ngu toneto, va tsimbilisa ku nga tinvuta, va txi xaniseka, nguko kha ku nga ni m'dyisi.

Zakariya 10:2 Referans Kwoze

Matewu 9:36

Ngako Jesu a di woni dibutho da vathu, a to va pfela wusiwana, nguko va ti ti karate ni kurereka, nga tinvuta to mbi na m'dyisi.

Habhakuki 2:18

Ngu txihi txivhuno txa txithombe txo vatwa txi nga vatwa ngu m'vati wa txona kani? Se txithombe txo wumbwa txi gondisako makuhu, a txi themba ngu txani muwumbi wa txona, na kuve njifananiso txa txizimu txa txiduma kani?

Hoseya 3:4

Nguko vanana va ka Israyeli va na zumba masiku amangi va si na mfumeli, va si na mthangeli, va si na mphaxo, va si na txithombe, va si na efodhe kumbe materafime.

Ezekhiyele 34:5

Ngu kumaha keto, ti hangalakile ngu ku mbi va ni m'dyisi, se ti mahile to dyiwa ngu sotshe sihari sa tshofu sa txitinga, ngu ku ti nga hangalaka.

Jeremiya 27:9

Ngu konaho, mi nga dhuke mi txi engisa vaprofeti vanu, ni vale vo hutetela, ni miloro yanu, ni mitimu yanu, hambi matiloti anu, ngako va txi womba kwanu, va txi kha vona: Mi nga thumeleni mfumeli wa Bhabhilona!

Genesisi 31:19

Ngako Labhani a nga ti tsute kuya kaya tinvuta takwe, Rakeli a to sala e pa sithombe si si nga ti lumba tate wakwe.

Ezekhiyele 34:8

Na hanya ani, kuwomba Mkoma Txizimu, kuwoneka taku tinvuta tangu ti ningetwe kuñolwani, se ti mahile to dyiwa ngu sotshe sihari sa txitinga, ngu kupwateka ka vadyisi, kambe vadyisi vangu kha va tsimbili ve lava tinvuta tangu, aniko vo ti dyisa vona vapune, kha va dyisi tinvuta tangu,

Mika 2:12

Kha ditshuri ni na kusengeleta awe Jokobe; kha ditshuri ni na sengeleta votshe vale va nga sala va ka Israyeli; votshelele, ni na va veka ka wukhalo wumwewo, kufana ni tinvuta ta Bhozira; nga mtxhambi txibalani ka wona, va na maha diguwa ngu mhaka ya kutala kwawe.

Ezekhiyele 21:29

Hambi va txi kuwona u si nyawuli, hambiko va txi kuhuta makuhu kasi ku kuhayeka mkoloni ka vaonhi, ava va nga dayiselwa va txi fa, ditshiku di nata da kutsayiswa ka hombe.

Ezekhiyele 21:21

Nguko mfumeli wa Bhabhilona a na ema mahandakanyani, ngu txitimwi ka tinzila timbidi kasi ku e hutetela; a na lota tingove takwe, a na xaxuva titerafime, a txi dhunga ni sa mndani.

Sidilo 2:14

Vaprofeti vako va ku wonete siwoniso sa manyala ni wuhundwa, kambe va tandekile kunuwela wubihi wako, kasi kuretha wukhumbi wako; aniko va woni tithundu ta walo, ni so dingana ku kutovelisa va txi kuxenga ngu tona.

Jeremiya 51:23

kambe kumweko ni nawe ni na phatulela m'dyisi ni mtxhambi wakwe; kambe kumweko ni nawe ni phatulela m'dimi ni tihomu takwe tatimbidi; kambe kumweko ni nawe ni na phatulela vathangeli va tiyimbi, ni vafumeli va kona.

Jeremiya 50:17

Nvuta yo mwalala ngene Israyeli; tingonyamo ti mtutumisile. Mfumeli wa Asiriya ngene a nga khata ku m'vhandamulela; se ngu magwito Nebhukodhonosori, mfumeli wa Bhabhilona, a to mfunya marambu.

Jeremiya 37:19

Va hani koko vaprofeti vanu avale va nga txi profeta kwanu, va txi khene: Mfumeli wa Bhabhilona kha na mbi mi wukela hambi kuwukela ditiko diya kani?

Jeremiya 29:8

Nguko Mkoma wa Mabutho a Tiyimbi, Txizimu txa ka Israyeli, a khene: Mi nga lundumisweni ngu vaprofeti vanu, ava va ku hagari kwanu, ni vahuteteli vanu, mi nga dhuke mi txi engisa miloro yawe.

Jeremiya 28:15

Mprofeti Jeremiya a to engeta e womba ka mprofeti Hananiya, a txi khene: Engisa-ka, Hananiya; Mkoma kha kuruma; aniko u maha ti taku vathu vava ve lumba makuhu.

Jeremiya 23:17

Va txhumayela va di ka so vavalu ka va va ni kanyisako, va txi kha vona: Mkoma a khene: Mi na zumbiseka kha kwati. Ni ka votshe va tsimbilako ngu kubanga ka timbilu tawe, va txi kha vona: Kha di na mbi ta dikhombo txitimwi kwathu.

Jeremiya 14:22

ina txiho txifananiso hagari ka vamatiko txi sikotako kunisa mati kani? Mwendo nzuma yi nga sikota kunisa mati yipune kani? Ina hi ngawe kani Mkoma, Txizimu txathu kani? Ngu konaho, hi na kuverela, nguko ngawe u nga maha sotshe siya.

Jeremiya 14:13

Se ani ni ti khani: Ha, Mkoma, Txizimu, vaprofeti va womba kwawe, va txi kha vona: Kha mi na mbi wona ditxhari, hambi kuve ni nzala; aniko a na mi ninga kuthutha ko tsana ka wuwa wukhalo.

Jeremiya 10:8

Votshe va bharukile ni kwa mba ziva, gondo ya sifananiso njo tanda.

Jeremiya 8:11

Kha va theli kota ngu kuthuma txilonda txa m'horana wa vanana vangu, va txi kha vona: Kuthuthile, kuthuthile, kuve kha ku na kuthutha.

Jeremiya 6:14

Kha va khatala kuthuma tivandwa ta vathu vangu va txi kha vona: Kuthuthile, kuthuthile! Na ku si nga ni kuthutha.

Isaya 46:5

I mani mi no ni fananisa nayo, niku mi na ni dinganisa ni mani, mi ni fanaisa kuva hi fana kani?

Isaya 44:9

Votshe vathumi va sithombe so vatwa, kha va vhuni txilo, ni simaha sawe sile va tsakako ngu sona, hi nga sa txilo; tifakazi tawe tipune kha ti woni txilo, kambe kha ti pimisi, kala kuza vona ve kanganyiswa.

Jobe 21:34

Se mi sikotisa kutxani koko ku ni thavelela ngu ta walo kani? Ina, nguko amu ka mixamulo yanu ku ni makuhu.

Jobe 13:4

Kambe anu koko, mi vasiki va makuhu, anu motshenu kha mi nga tiñanga ta txilo.

1 Vafumeli 22:17

Sekoko Mikaya a to xamula a txi khene: Ni woni votshe va ka Israyeli va ti hangalakile mimangoni, nga tinvuta to pwata m'dyisi; se Mkoma a to khene: Avava kha va nga ni nyamne; mmweyo ni mmweyo a na tshumele ngu kuthutha e tsula nyumbani kwakwe.

Valamuli 18:14

Sekoko vavamna vale va mtxhanu va nga ya xola ditiko da Layisi, va to xamula ka vanawe va txi kha vona: “Ina ma tiziva taku, tinyumba mule ku ni efodhe yimweyo, ni titerafime, ni txithombe tximwetxo txo vatwa, ni tximwani txo wumbwa kani? Wonani koko konkuwa, ati mi no ti maha.”

Mitengo 27:17

e huma masoni kwawe, e wulela masoni kwawe, e va maha ve huma, ni ku va maha ve wulela, kasi ku msengeletano wa Mkoma, wu si nga tinvuta to pwata m'dyisi.

Marku 6:34

Ngako a di humile ngu ngalavani, Jesu a to wona dibutho da vathu vavangi, a txi va pfela wusiwana, nguko va ti fana ni tinvuta to mbi na m'dyisi. Se e khata ku va gondisa timhaka to tala.

Jeremiya 23:32

Ina, na wukela vale va profetako makuhu, kuwomba Mkoma, ngako va txi yi xawutela, ve hambukisa vathu vangu ngu makuhu awe ni kulalata kwawe. Kuve ani kha na va ruma, hambi ku va elela; kha va na txivhuno txa txilo ka vava vathu, kuwomba Mkoma!

Zakariya 11:17

Dikhombo ka m'dyisi wa kwa mbi vhuna txilo, a lekako mtxhambi; ditxhari di na wela txitimwi ka diwoko dakwe, ni txitimwi ka diso dakwe da txinene, diwoko dakwe di na oma dotshe, ni diso dakwe da txinene di na fa.

Dhewuteronome 13:2

“se kumaheka txikombiswetxo mwendo txidiwukiso txile a nga nga txi womba a txi khene: A hi londeteni simwani sizimu, sile u si si ziviko, hi txi si thumela,”

Isaya 41:29

Wona taku votshe kha va vhuni txilo, mithumo yawe hi nga txilo, sithombe sawe so wumbwa i moya, hi txilo.

Isaya 44:25

ni khundumusako sikombiso sa vasiki va makuhu, ni kuxangisa vahuti; na tshumetela msana titxhari, ni kuvhinganyisa gondo ya tona;

Jeremiya 27:10

Nguko makuhu va profetako kwanu, kasi ku mi txi huma ditikoni kwanu mi txi yiswa kule; kuva ni txi na mi tutumisa, mi txi ya lova.

Jeremiya 27:14

Mi nga dhuke mi txi engisa mapswi a vaprofeti va va ku kha vona kwanu: Mi nga thumeleni mfumeli wa Bhabhilona; nguko vo mi profetela makuhu.