Zakariya 10:12 - Bhiblia Yo Sawuleka

¹² Se ani ni na va tsanisa ka Mkoma, kambe va na tsimbila ditinani kwakwe, kuwomba Mkoma.

Zakariya 10:12 Referans Kwoze

Isaya 41:10

u nga thave, nguko ani ni ni nawe; u nga gume mtamo, nguko ani ni Txizimu txako; na kutsanisa, kambe na kuvhuna, na kuseketela ngu dianza dangu da txinene da kululama.

Zakariya 10:6

Se ni na tsanisa nyumba ya ka Judha, ni hanyisa nyumba ya Josefa, ni na tshumela ni va phaya, nguko ni va pfete wusiwana; se va na nga kha ni khali ku va lamba; nguko ani ngani Mkoma, Txizimu txawe, kambe ni na va engisa.

Isaya 2:5

Ngonani, anu va nyumba ya ka Jokobe, he tsimbileni kuwonekelani ka Mkoma.

2 Timoti 2:1

Ngu toneto, awe, mwanangu, tsana ka tikateko ti ti ku ka Kristu Jesu.

Mika 4:5

Nguko votshe vathu va na tsimbila, mmwani ni mmwani ngu ditina da txizimu txakwe, aniko athu hi na tsimbila ditinani ka Mkoma, Txizimu txathu, yotshe mbimo ngu ha ku si gwitiko.

Vakolosa 3:17

Ani totshe ti mi ti mahako ngu mapswi ni mithumo, ti maheni ngu ditina da Mkoma Jesu, na mi txi bonga ngu ngene ka Txizimu Tate.

Vakolosa 2:6

Ngu toneto, kufana ni ku mi nga amukela Mkoma Kristu Jesu, hanyani mi di txilo tximwetxo nayo;

Vafilipiya 4:13

Totshe na ti kota, ngu kutsaniswa ngu wule a ni ningako mtamo.

Isaya 45:24

Va na kha vona ngu ngani: Kululama ni mtamo si ka Mkoma dwe; va nata kwakwe, aniko kha va na mbiwa tingana, votshe vale va no henya va txi mwukela.

Genesisi 24:40

“Mkoma, awu ni tsimbilako ngu mlayo wakwe, a na rumela ngelozi yakwe kumweko ni nawe a txi katekisa dipfhumba dako, u na ya tekela kona mwanana wangu msikati, wa lixaka la ka kwathu, muwa nyumbani ka tate wangu.

Vaefesu 6:10

Ngu kugwitisa, zumbani mi di tsani ta tinene ka Mkoma, ni ka mtamo wakwe wu si tandwiko ngu txilo.

Zakariya 12:5

Sekoko vathangeli va ka Judha va na kha vona timbiluni kwawe: Vahanyi va Jerusalema ngu vona i ku mtamo wangu, se Mkoma wa Mabutho a Tiyimbi, Njizimu txawe.

Genesisi 5:24

Se Enoki a tsimbite kumweko ni Txizimu; se kha wonwa kambe aniko, Txizimu txi ti tekete ene.

1 Vatesalonika 4:1

Ngu kugwitisa, vanathu, athu hi mi kombela ni ku mi laya ngu ka Mkoma Jesu. Anu mi gondile kwathu ati mi fanelako kuhanyisa tona, kasiku mi txi tsakisa Txizimu. Se, ngu toneto mi fanelako kuhanyisa tona, simamisani mi anda ka toneto.

1 Vatesalonika 2:12

Ngu toneto, nanathu hi nga ti mi gondisa tona, ni ku mi tsanisa, ni kukhongotela mmweyo ni mmweyo wanu, kasiku mi tsimbila ngu fanelo masoni ka Txizimu, atxi txi nga mi dhanela ka mfumo wa txona ni kupfaliswa ka txona.

Ezekhiyele 30:24

Ni na ninga mtamo ka mfumeli wa Bhabhilona, se ni na veka ditxhari dangu manzani kwakwe; aniko ni na funya mawoko a Faro, se a na ketisa ku nga wule a dawako.