Zakariya 10:11 - Bhiblia Yo Sawuleka

¹¹ Ene a na txhatuka linene ngu kukarateka, se a na peka mavimbi a linene, kambe kotshe kutshima ka minambo ku na oma, sekoko kutikulisa ka Asiriya ku na wiswa, ni ndonga ya Egipta yi na khukha.

Zakariya 10:11 Referans Kwoze

Ezekhiyele 30:13

Mkoma Txizimu a khene: Kambe ni na khundumusela sithombe, ni kufuvisa sifananiso sa Nofe; kha ku na mbi ngadi kuva ni mthangeli wa ditiko da Egipta; ni na veka kuthava ditikoni ka Egipta.

Isaya 43:2

Ngako u txi txhatuka matini, ni na va ni nawe, hambi u txi txhatuka minambo, kha yi na mbi kumita; ngako u txi pinda ngu ha mndiloni, khu na mbi hya, hambi m'dhikila kha wu na mbi kuhisa.

Mtuletelo 16:12

Ngelozi ya wutxhanu ni yimweyo yi to theketa digombe da yona txitimwi ka mnambo wa hombe wa Ewufrate, se mati a mnambo ma to phwa me tulela nzila vakoma va Wutxani.

Zefaniya 2:13

A na nawuluta dianza dakwe Wuphemba, e fuvisa Asiriya; se a na maha ti to Ninivha e va dirumbi, ditiko do oma nga txiwula.

Isaya 51:10

Ina hi ngawe u nga omisa linene, i ku mati a kuhokoma ka hombe kani? Kambe u nga dola nzila kutshimani ka linene, kasi kuve tshawunyeta vale va nga tirulwa kani?

Isaya 14:25

Ni na khundumusa Asiriya amu ditikoni kwangu, ni mkandetela ngu mikondo amu ka mimango yangu, kasi ku dikange dakwe di na maneka kule navo, ni mrwalo wakwe wu na habukiswa ha makata kwawe.

Masalmo 114:5

Awe linene, nji txani txi ku mahako u tutuma kani? Awe Jordhani, ngu kutxani u tshumelela msana kani?

Masalmo 114:3

Mbimo yi linene li nga oma, li to thava se mnambo wa Jordhani wu tshumelela msana.

Ezra 6:22

Se va to maha m'buso wa Mapawu o mbi Tshumbelwa, mndani ka mtxhanu wa masiku ni mbambidi, ngu kutsaka, nguko Mkoma a ti va tsakisile, na kambe a ti phemberusile mbilu ya mfumeli wa Asiriya e va dhunda, ni kutsanisa manza awe ka mthumo wa Nyumba ya Txizimu, Txizimu txa ka Israyeli.

2 Vafumeli 2:14

A to teka dijasi dile di nga ti wite ngu ka Elija, a to peka mati a txi khene: Ahani Mkoma, Txizimu txa Elija kani? Sekoko a to peka mati me abaneka meya khe ni khe; se Elixa a to pinda.

2 Vafumeli 2:8

Sekoko Elija a to peta dijasi dakwe, e peka mati, me abaneka ngu madhawa mambidi, va to txhatuka ngu wumbidi wawe, ku ti omile.

Isaya 51:9

Vhumuka, vhumuka, ti ambeke mtamo, awe diwoko da Mkoma; vhumuka kufana ni masiku ale ma nga pinda, kufana ni ka tiveleko ta kale; ina hi ngawe u nga wilela Rahabhi ngu sitxuwu, ni kudaya mwamilambo kani?

Genesisi 8:1

Se Txizimu txi to alakanya Nowa ni sotshe sihari sa txitinga ni sotshe sifuyo si a nga ti naso ngalavani; Txizimu txi to maha diphuho di txi futeta txitimwi ka ditiko, se mati ma to khata kuphwa.

Isaya 19:16

Ka yona yile mbimo, Vaegipta va na nga vavasikati, va na dhudhumela, va na thava ngu mhaka ya kuthuma ka dianza da Mkoma wa Mabutho a Tiyimbi, nguko di na guleka di va wukela.

Isaya 44:27

ni ku khani ka kutshima: Phwana! Se ani ni na phywisa minambo yako;