Zakariya 10:10 - Bhiblia Yo Sawuleka

¹⁰ Nguko ni na va wuyisa ngu ditikoni ka Egipta, ni va sengeleta ngu Asiriya; ni va tisa ka ditiko da Gileyadhi ni da Libhanoni, kambe kha ku na mbi maneka wukhalo wo va lumba.

Zakariya 10:10 Referans Kwoze

Hoseya 11:11

Va nata va txi dhudhumela ku nga txinyana, va Egipta, ni ku nga txituvani va ditiko da Asiriya, kambe ni na va maha ve zumba tinyumbani kwawe, kuwomba Mkoma.

Zakariya 8:7

A womba tiya Mkoma wa Mabutho a Tiyimbi: Wona taku ni na hanyisa vathu vangu, va ditiko da Wutxani ni va ditiko da mswa ditambo;

Mika 7:14

Dyisa vathu vako ngu ndonga yako, i ku mtxhambi wa thomba yako wu zumbako wokha txitingani, hagari ka ditiko do nona; wu na dyiselwe Bhasani ni Gileyadhi, kufana ni masiku a kale.

Obhadhiya 1:20

Se tikhumbi ta dibutho da vanana va ka Israyeli, ti ku hagari ka Vakanana, ti na teka kala Zarefati; tikhumbi ta Jerusalema ati ti ku Sefaradhi, ti na teka madhoropa a Wulambwe.

Jeremiya 50:19

Israyeli ni na mmaha e tshumelela dizumboni kwakwe, a na dyisela Karmeli ni Bhasani; moya wakwe wu na khuriswa kona Efrayime ni Gileyadhi.

Jeremiya 22:6

Nguko Mkoma wa womba xungetano ngu nyumba ya mfumeli wa ka Judha, a txi khene: Masoni kwangu u fana ni Gileyadhi ni msungo wa Libhanoni, aniko ni na ku hundula uva txiwula, ni madhoropa ma si ngaku ni vathu.

Isaya 60:22

Vathu vavadotho va na va 1.000; ni vavadotho ngutu, va na va vathu vavangi ngutu. Ani Mkoma, ngu mbimo ya kona, ni na ti maha eto.

Zakariya 8:8

se ni na va wuyisa ve ta zumba hagari ka Jerusalema; va na va vathu vangu, aniko ani ni na va Txizimu txawe, ngu ditshuri ni kululama.

Hoseya 11:10

Mi na tsimbila ngu msana ka Mkoma; se ene a na bhonga ku nga ngonyamo; ene a txi bhonga, vanana va Mswa-ditambo va na dhudhumela.