Zakariya 10:1 - Bhiblia Yo Sawuleka

¹ Kombelani mati a nzuma ka Mkoma, ngu mbimo ya nzuma ya mbimo ya kudima; Mkoma ngene a nga va nga kukeluka, a na va ninga mati a nzuma, ni similwa ka thembwe ya mmwani ni mmwani.

Zakariya 10:1 Referans Kwoze

Isaya 44:3

Nguko ni na tshakunuta mati txitimwi ka txihala, ni minambo txitimwi ka mafu a kuoma; ni na thela moya wangu txitimwi ka liveleko lako, ni makatekwa angu txitimwi ka vanana vako.

Jakobe 5:7

Ngu konaho, vanathu, timiselani, kala kuwuya ka Mkoma. Wonani mdimi a rinzelako mitxelo yo tshura ya mafu ngu kutimisela, kala a txi amukela kuwa ka mati o khata ni o gwitisa.

Ezekhiyele 36:37

Mkoma Txizimu a khene: Kambe ngu mhaka ya tona eto, nyumba ya ka Israyeli yi na ni kombela, ati to ni txi yi mahela: Kuandisa vathu va yona, kufana ni mtxhambi.

Isaya 30:23

Sekoko a na nisa mati txitimwi ka mbweu yi u no phaya mafuni; kumweko ni dipawu dadiphya da mafuni; mafu ma na nona me pfuna; ka ditshiku dile, sifuyo sako si nadya ka makhalo o anama a wudyiselo.

Masalmo 65:9

Awe wa xayisa ditiko, u txi di rumela txyandela u txi di ninga kunona ni kupfuna. Wa tata minambo yi txi khulunga se u txi nonisa tithembwe ta fulaho, nguko mafu u ma mahete toneto.

Dhewuteronome 28:23

Nzuma yi ku txitimwi ka msungo wako, yi na banga nga koporo, ni mafu hahatshi ka mikondo yako, ma na nga simbi.

Johani 16:23

Ka donedo ditshiku kha mi na mbi ni wotisa txilo. Ngu ditshuri, ngu ditshuri na mi gela ku khani: Sotshe si mi no si kombela ka Tata ngu ditina dangu, ene a na mi ha.

Mika 5:7

Se miboti ya ka Jakobe, yi na va hagari ka vathu vavangi, ku nga mwando wa Mkoma, ku nga matshutshelo txitimwi ka mwasi, wu si emeliko m'thu, mwendo kuverela vanana va vathu.

Amosi 4:7

Hahandze keto, ni mi vhalete nzuma, ku txi ngadi kupwateka mitxima yiraru kuhoka mbimo yo funyela; ni yi nisile ka didhoropa dimwedo ka dimwani ni ka yi nisa; ka thembwe yimweyo yi nite, aniko ka yimwani thembwe kha ya na, kuomile.

Hoseya 10:12

Tiphayeleni wululamo, mi funyela madingano ni wumbilu, dimani thembwe ya wudimo, nguko i mbimo yo lava Mkoma, kala kuza e ta, kunane kululama txitimwi kwanu.

Ezekhiyele 34:26

Se ka tona, ni makhalo ma nga randela simangwana, ni na thela kukateka; ni na nisa mati ngu mbimo ya kona; ma nava mati a makatekwa.

Jeremiya 14:22

ina txiho txifananiso hagari ka vamatiko txi sikotako kunisa mati kani? Mwendo nzuma yi nga sikota kunisa mati yipune kani? Ina hi ngawe kani Mkoma, Txizimu txathu kani? Ngu konaho, hi na kuverela, nguko ngawe u nga maha sotshe siya.

Jeremiya 10:13

Ngako a txi guleta dipswi dakwe, mati ma dhinda nzumani, wa maha marefu ma txita ngu magwito ka mafu, a rumela singwalangwanda kumweko ni nzuma, ni kuhumisa diphuho ngu sisangalani kwakwe.

Isaya 5:6

Thembwe yi na maha txiwula, kha yi na mbi sakatwa, hambi kudimwa; kambe ku na mila txipopo ni mipa; ni na leleta marefu ti to ma si nisi nzuma txitimwi ka yona.

Mavingu 16:15

Masoni ka khohe ya mfumeli ku ni wutomi, kambe wunene wakwe wu fana ni matshutshelo a nzuma.

Masalmo 104:13

U di nyumbani kwako, txitimwi, wa nakanisa mimango; wa nonisa mafu ngu kuwa ka mati.

Jeremiya 51:16

A txi pfalisa dipswi ngu kudhinda ka hombe ka mati nzumani, ni tihunguva, kukhukhela magwito ka mafu: Wa maha kukeluka ma txi wa mati, ni kuhumisa moya ngu mu wu zumbako kona.

1 Vafumeli 17:1

Sekoko Elija, wa Tisibha, mmweyo wa vaaki va Gileyadhi, a to khene ka Akabe: Ni xambanya ngu Mkoma a hanyako, Txizimu txa Israyeli, awu ni ku masoni kwakwe, ti to kha ku na mbiwa mati, hambi mwando, hahanze ka kuva ni kombela.

1 Vakorinto 3:6

Ani ni phayile, Apolosi asi theletete mati, aniko Txizimu ngu txona txi nga si kulisa.

Hoseya 6:3

A hi m'ziveni, a hi yeni masoni ngu kuziva Mkoma, kuhuma kwakwe ku na fana ni kugwimba ka wuronga; se a nata kwathu ku nga kuwa ka mati, ku nga mati matshutshelako me nakanisa mafu.

Masalmo 72:6

Mfumeli a na fane ni mati ma wako tithembweni, e fana ni mapshwi ma nakanisako mafu!

Jobe 29:23

nguko va ti ti ni verelisa kufana ni mati a nzuma; kambe va ti ti tula sisofu nga vo nengela mati o swela kuwa.

Masalmo 135:7

Ene wa wuyisa marefu a diphuho ngu magemeta-mitshi ka mafu; wa humisa singwalangwanda, wa wisa mati a nzuma wa tulela maphuho me huma ngu ku khotelwani ka ona.

Jeremiya 5:24

Kha va wombi timbiluni kwawe, va txi kha vona: A hi thaveni Mkoma Txizimu txathu, awu a ningako mati o khata ni a wuxika ngu timbimo ta kona, awu a hi xayiselako mavhiki a kufunyela kwathu.