Zakariya 1:6 - Bhiblia Yo Sawuleka

⁶ Hambi keto, mapswi angu ni sileleto sangu, asi ni nga rumela ngu vaprofeti, sithumi sangu, kha sa va hokela vatate vanu kani? Se vona va to tshumela va txi kha vona: Mkoma wa Mabutho a Tiyimbi a mahile ti a nga ti lava kwathu, madingano ni tinzila tathu, ni mithumo yathu, se ngutu ene a nga hi mahisa tona.

Zakariya 1:6 Referans Kwoze

Sidilo 2:17

Mkoma Txizimu a hetisile makungo akwe, a mahile ngu ha a nga womba ngu kona; a kha hindula makungo akwe a kale. A hasute, asi divaleli, a tsakisile valala ngu kuwa kwako a txi va engetela mtamo.

Dhewuteronome 28:15

Kambe ku na maheka taku, ngako u si engisi dipswi da Mkoma, Txizimu txako, u si khatali ngu kuvekisa sotshe sirumo sakwe ni sotshe sileleto sakwe, asi nyamsi ni kugelako, ni txi kuninga, makhombo otshe ma na wa txitimwi kwako, ma txi kupfinya.

Matewu 24:35

Nzuma ni mafu si na pinda, kambe mapswi angu kha ma na mbi pinda.”

Jeremiya 23:20

Kuhenya ka Mkoma kha ku na mbi boxa na asi se maha ati ti xuvwako ngu mbilu yakwe; mi na ti zivisisa kha kwati ka masiku matako.

Amosi 9:10

Votshe vaonhi va ditiko dangu va na fa ngu ditxhari, ava va ku kha vona: Wubihi kha wu na mbi gwatama ni nathu, hambi ku hi mana.

Jeremiya 44:28

Se avale va no huluka ditxhari va na khukha ngu ditikoni ka Egipta va txiya ditikoni ka Judha, na i ti vadotho ngu mtengo; se yotshe misalela ya ka Judha yile yi nga wulela ditikoni ka Egipta, kuya luvela kona, yi na tiziva taku ngu kuhi kuwomba ku nga tatiseka, ngwangu mwendo ngwawe.

Mitengo 23:19

Txizimu kha txi na makuhu nga m'thu. Lambi, txona hi nga mwanana wa m'thu wo txitxa-txitxa. Txizimu hi nga txo womba dwe txi si mahi, ina kha txi mahi ti txi nga womba kani? Kasi hi nga txo womba ti txi tatiseka kani?

1 Vatesalonika 5:4

Aniko anu, vanathu, kha mi nga mtemani ahawa koza mi txi nata maha ngu kukanganyiswa ngu ditshiku da kona nga kule ka dikhamba.

Malakiya 3:18

Sekoko mi na wona kambe kuhambana ka wo lulama ni wo biha, hagari ka wule a thumelako Txizimu, ni wule asi txi thumeliko.

Hoseya 9:15

Wotshe wubihi wawe wu maneka Giligali nguko nguho ni nga va nyenyela kona; ngu mhaka ya wubihi wa mithumo yawe, ni na va tshotsha hahanze ka nyumba yangu, kha ni na mbi va randa kambe; votshe vathangeli vawe mba kutitsimba.

Ezekhiyele 37:11

Sekoko a to khene kwangu: Awe mwanana wa m'thu, marambu awa otshe, i nyumba ya ka Israyeli; wona taku va kha vona: Marambu athu ma omile, ni yona themba yathu yi lovile; athu hi witwe.

Ezekhiyele 20:43

Se koneyo mi na alakanya tinzila tanu ni sotshe simaho sanu, asi mi nga ti nyenyezisa ngu sona, kambe mi na ti nyenya mipune, ngu mhaka ya wotshe wubihi wule mi nga wu maha.

Sidilo 1:18

“Mkoma a lulamile, nguko ani koko ni eyisile milayo yakwe; engisani koko anu motshenu, vathu, mi txi wona kupandiseka kwangu; votuma vangu ni majaha angu va tsute wukhumbini.

Jeremiya 26:15

Zivani dwe ti taku, mi txi ni daya, mi neha mnoha wo mbi na mnandu txitimwi ka wutumbu wanu, ni txitimwi ka didhoropa diya, ni txitimwi ka votshe va zumbako ka dona; nguko Mkoma ngene a nga ni ruma ku ta txhumayela kwanu totshe tiya timhaka.

Jeremiya 4:4

Mahani Sithiva ka Mkoma, mi thavisa didhowo da timbilu tanu, anu vavamna va ka Judha, ni vaaki va Jerusalema. Kasi kuhenya kwangu ku si vhutuki nga mndilo, wu turako ha kaku wu si timwi, ngu mhaka ya kubiha ka mithumo yanu.

Isaya 55:1

Anu motshenu mi ku ni ditora, ngonani matini, ni nanu mi singako ni male, ngonani mi ta xava, mi dya; Ina, ngonani mi ta xava, mi si nga ni male, mi si nga ni mtengo, vhinya ni masi.

Isaya 44:26

ngani ni tsanisako dipswi da txithumi txakwe, kambe na tatisa makungo a sirumwa sakwe, ni wombako ka Jerusalema, ni txi khani: Ku na akwa kwako, se ka madhoropa a ka Judha ni khani: Mi na aketwa, ni ti to ani ni na wusa marumbi anu;

Jobe 6:29

Tshumelani koko, ku nga veho kubiha; ina, wuyani, nguko mhaka yangu yi lulamile.

Dhewuteronome 28:45

Otshe makhombo awa ma na wa txitimwi kwako, ma txi kulondetela, ma txi kukhubhunyeta, meza me kulovisa, kala u fuva, nguko awe khwa engisa dipswi da Mkoma, Txizimu txako, kambe khwa vekisa sirumo sakwe ni milayo yakwe, ayile a nga kuleleta yona.

Dhewuteronome 28:20

Mkoma a na kurumela makhombo, ni kuxaniseka, ni kumwalalelwa ka yotshe mithumo ya manza ako, kala u txi loviswa, u fuviswa ngu txikuluveta, ngu mhaka ya kubiha ka mithumo yako, yile u nga ni leka ngu yona.

Mitengo 33:56

Se ti na maneka ti to ni maha kwanu, ati ni nga ti fela kumaha kwawe.

Mitengo 32:23

se ngako mi si mahisi eto, mi na va mi di onhile masoni ka Mkoma; sionho sanu si na mi tumbulisa, kambe mi na tsayiswa ngu mhaka ya sionho sanu.

Dhewuteronome 28:2

Se otshe makatekwa ma nata txitimwi kwako, me ta kufenengeta, ngako u txi engisa dipswi da Mkoma, Txizimu txako:

Isaya 21:17

Se mtengo wule wu no sala wa vafuli, tindena ta vanana va ka Kedhari, wu na hungulwa, nguko a wombisile eto Mkoma, Txizimu txa ka Israyeli.

Jeremiya 5:14

Ngu konaho, Mkoma, Txizimu txa Mabutho a Tiyimbi, a khene: Ngako va nga womba mhaka ya ku nga tiya, wona taku ni na phemberusa mapswi angu me maha mndilo txisofuni kwako, se vathu vava ve maha tikhuni, se vona va na tshokomiswa.

Jeremiya 32:24

Hi nga wona maguma! Va tete ku ta wukela didhoropa, kasi ku ta di teka, se didhoropa di ningetwe manzani ka Vakaldheya, va valwako navo ngu ditxhari, ni nzala, ni mtungu; se ati u nga womba ti mahekile, ngu tona ti u ti wonako.

Jeremiya 36:28

Ti tekele dimwani dibhuku, u txi bhala ka dona totshe timhaka ti ti nga ti ka dibhuku do khata, adi di nga hiswa ngu Jehoyakimu mfumeli wa ka Judha.

Jeremiya 39:16

Tsula u txi ya gela Ebhedhi-Meleki Muetiyopiya, u txi khawe: Mkoma wa Mabutho a Tiyimbi, Txizimu txa Israyeli, a khene: Ni na tsanisa timhaka tangu ka didhoropa diya ngu wubihi, na i si nga ngu kutshurisa; ti na maheka masoni kwako kedo ditshiku.

Jeremiya 44:29

Atxiya txi na va txikombiso kwanu, kuwomba Mkoma, ani ni na mi tsayisa ka wuwa wukhalo, kuva mi txi na ziva tito, kha ditshuri, mapswi angu ma na mi wukela.

Dhaniyeli 4:28

Totshe timhaka tiya ti tile txitimwi ka mfumeli Nebhukodhonosori.

Hoseya 5:9

Efrayime a na xaselwa ngu ditshiku da kutsayiswa; Hagari ka tihunzu ta ka Israyeli, ni kombisile a ti ti nga lulama.

Zakariya 1:7

Ka ditshiku da magumi mambidi ni mune, ka mtxima wa digumi ni wumwewo (i ku mtxima wa sebhati), ka dilembe da wumbidi da Dhariyo, kutile dipswi da Mkoma ka mprofeti Zakariya, mwana Bharakiya, mwana Idho, di txi kha dona:

2 Vafumeli 15:12

Adiya ngu dona dipswi dile Mkoma a ngadi womba ka Jehu, a txi khene: Vanana vako kala ka liveleko la wumune, va na zumba ha txikhaloni txa wukoma txa Israyeli. Se ti to mahekisa toneto.

Isaya 55:11

di na mahisa toneto dipswi di di no huma ngu txisofuni kwangu; dona di na tshumelela kwangu i ti diphanga, di na maha kudhunda kwangu, ni kuhetisa tile ni ngadi rumela tona.

Jeremiya 28:17

Se mprofeti Hananiya, a to fa ka dona edo dilembe, ka mtxima wa wutxhanu ni yimbidi.

Jeremiya 44:2

A womba tiya Mkoma wa Mabutho a Tiyimbi, Txizimu txa Israyeli: Anu mi woni wotshe wubihi wu ni nga wu maha txitimwi ka Jerusalema, ni txitimwi ka otshe madhoropa a ka Judha, wona ti taku ona nziwula, kha ku nga ni wo zumba ka ona;

Jeremiya 44:6

Ku thekete koko, kuhenya kwangu ku txi tura txitimwi ka madhoropa a Judha, ni mu ka tinzila ta hombe ta Jerusalema; ona ma to maneka i ti siwula ni sihala nga ti ma wonekisako tona nyamsi.

Sidilo 3:42

Hi ti lambisile hi kuonhela, awe Mkoma, ngu mhaka yeto, khwa hi divavela.