Zakariya 1:3 - Bhiblia Yo Sawuleka

³ Ngu toneto, va gele ku khawe: Mkoma wa Mabutho a Tiyimbi a khene: Tshumelelani kwangu, kuwomba Mkoma wa Mabutho a Tiyimbi, se nani ni na tshumelela kwanu, kuwomba Mkoma wa Mabutho a Tiyimbi.

Zakariya 1:3 Referans Kwoze

Malakiya 3:7

Kukhukhela ka masiku a vatate vanu, mi lekile sileleto sangu, kambe kha ma si xayisa; tshumelelani kwangu, se na ni ni na tshumelela kwanu, kuwomba Mkoma wa Mabutho a Tiyimbi; kambe anu mi khanu: Hi na tshumelela txani kani?

Jeremiya 3:22

Wuyani, anu vanana vo tiwuka, ani ni na thavisa ku phawuka kwanu. “Ngathu vava, hi tile kwako; nguko awe u Mkoma, Txizimu txathu.

Joyeli 2:12

Hambi keto, konkuwa, kuwomba Mkoma: Hundulukelani kwangu ngu mbilu yanu yotshe; totshe eto, ngu kutitona, ni kudila, ni huwa.

Jeremiya 4:1

“Ngako u txi wuya, awe Israyeli, wuyela kwangu, kuwomba Mkoma; ngako u txi thavisa manyala ako masoni kwangu, sekoko khu na mbiswa u peperukela kambe.

Jeremiya 12:15

Aniko msana ka kuva ni ti va dute, ni na tshumela ni va pfela wusiwana, ni na va tshumeta, mmwani ni mmwani thombani kwakwe, mmwani ni mmwani e tshumelela ditikoni kwakwe.

Isaya 31:6

Hundulukelani ka wule koko vanana va ka Israyeli va nga mtshuralela ngutu.

Hoseya 14:4

Ani ni na holisa ku ni tshuralela kwakwe, ani ngu kutilava kwangu, ni na va randa; nguko kuhenya kwangu ku khukhile kwawe.

Hoseya 6:1

Ngonani, hi tshumelela ka Mkoma, nguko ene a hi phatulete, se a na hi kalamukisa; a hi lematile, aniko a na sungelela silonda sathu.

Ezekhiyele 33:11

Va gele, ani na hanya, kuwomba Mkoma Txizimu, kha ni tsakiswi ngu kufa ka m'bihi, aniko ngu ku m'bihi e hunduka ka nzila yakwe, e hanya; hundulukani, hundulukani ka tinzila tanu ta walo; nguko koko mi na fela txani, anu va nyumba ya ka Israyeli kani?

Jeremiya 35:15

Se ni mi rumete sithumi, i ku vaprofeti, va txi phindula, ve rumela va txi kha vona: Hundulukani, konakuwa, mmweyo ni mmweyo nzilani kwakwe ko biha, mi txi txhukwatisa mithumo yanu ya yinene, kambe mi nga londeteleni simwani sizimu; kasi ku si thumela; se ngu kumaha keto, mi na zumba ka ditiko di ni nga mi ninga, anu ni vatate vanu; aniko kha ma riya tinzeve, hambi ku ni engisa ani.

Jeremiya 25:5

Va txi kha vona: Hundulukani mmweyo ni mmweyo ka nzila yakwe yo biha, kuva mi zumba ka ditiko diya Mkoma a nga mi ninga ni vatate vanu, kukhukhela kaleko kala kupinduka.

Hoseya 14:1

Awe Israyeli, hundulukela ka Mkoma, Txizimu txako; nguko u wite ngu sionho sako.

Nehemiya 9:28

Aniko, va di mani kuhumula, va to tshumela ve maha kubiha masoni kwako; se u to va leka manzani ka valala vawe, va txi va fumela; se mbimo yile va nga hindukula va txi kwangula kwako, awe u va engisile u di nzumani, u va hulukisa sikhati so tala ngu mhaka ya wumbilu wako.

2 Makronika 15:4

Kambe mbimo yi va nga ti ti ni xomulo va hundulukile ka Mkoma Txizimu txa Israyeli, ve mu lava ve mmana.

Jobe 22:23

Se ngako u txi tshumelela ka wu wa Mtamo-wotshe, u na akwa; tsulisa kule wubihi wu wu ku ditendani kwako.

Isaya 44:22

Na hangalasa sihambunyeto sako kufana ni hunguva, ni sionho sako kufana ni direfu; tshumelela kwangu nguko ni ku tirute.

Jeremiya 3:1

Vona va kha vona: Ngako wamwamna a txi tovela msikati wakwe, eyo wamsikati e ti tsulela, eya tekwa ngu mmwani wa wamwamna, ina mwamna wakwe wo khata a nga mtshumelela kambe kani? Ditiko edo kha di na mbi bihiswa ngu kumaha eto kani? Aniko awe, u nga hungala ni sigango so tala, ina u na tshumelela kwangu, kuwomba Mkoma.

Ezekhiyele 18:19

Aniko wombani ku khanu: Ngu kutxani mwanana asi tekeleli wubihi wa tate wakwe kani? Nguko mwanana a mahile tinene ni wululamo, kambe a xayisile sotshe sileleto sangu a txi si maha, ngu mhaka ya eto, ngu ditshuri a na hanya.

2 Makronika 15:2

Se a to huma eya ka Asa a txiya khene: Awe Asa ni nanu motshenu va ka Judha, ni va ka Bhenjamini ni engiseni, Mkoma ani nanu, ngako anu mi di ni nene; ngako mi txi mlava mi na mmana, mi txi m'leka nene a na mi leka.

Ezekhiyele 18:31

Tshotshani sotshe sihambunyeto si mi nga hambunyeta ngu sona, se kulaveka mi va ni mbilu ya yiphya ni moya wa wuphya; nguko mi ndi na fela txani anu nyumba ya ka Israyeli kani?

Ezekhiyele 18:32

Nguko kha ni tsakeli kufa ka wule afako, kuwomba Mkoma Txizimu; hundulukani koko, kambe hanya.