Zakariya 1:18 - Bhiblia Yo Sawuleka

¹⁸ Se ni gute maso angu, ni wona mune wa titxheho.

Zakariya 1:18 Referans Kwoze

Joxuwa 5:13

Se ku to maheka taku, ngako Joxuwa a di hafuhi ni Jeriko, a to gula maso akwe a txi wona, a to wona wamwamna wokari, a di emile masoni kwakwe, na a di ni ditxhari manzani kwakwe, se Joxuwa a to tshuketa kwakwe, a txi m'gela tiya: “U mmweyo wathu mwendo u mmweyo wa valala vathu kani?”

Zakariya 5:9

Se ni to guleta maso angu ni wona, ku to huma vavasikati vambidi, ve wusa moya ngu tibhapi tawe, nguko va ti ti ni tibhapi to nga ta nyawukolwe; se va to guleta efa hagari ka mafu ni nzuma.

Zakariya 5:5

Se ku to huma ngelozi yile yi nga ti ti womba-womba ni nani, yi txi ta kha yona: Guleta konkuwa maso ako, u wona ti to nji txani txi txi humako.

Zakariya 5:1

Ni to engeta kambe ni gula maso angu, ni wona, ni to wona dibhuku do puruma.

Zakariya 2:1

Ni tshumete kambe ni guleta maso angu, se ni wona wamwamna, a nga ti ti ni ngoti manzani, yo pima ngu yona.

2 Vafumeli 15:29

Ka masiku a Peka, mfumeli wa ka Israyeli, a tile Tigilati-Pileseri, mfumeli wa Asiriya, e ta honyola madhoropa ya Ijomi, ni Abheli-Bheti-Mahaka, ni Janowa, ni Kedhesi, ni Hazori, ni Gileyadhi, ni Galileya, ni dotshe ditiko da Naftali, a va yisa Asiriya.

1 Vafumeli 22:11

Se Zedhekiya, mwana Kenahani, a to ti mahela titxheho ta simbi, a txi khene ka Akabe: Mkoma Txizimu a khene: U na dayela Vasiro ngu tona txitheho tiya, uza u va heta.

Zakariya 1:17

Kwangula kambe u txi khawe: A womba tiya Mkoma wa Mabutho a Tiyimbi: Madhoropa angu ma na engeta me anda ni kuhumelela; nguko Mkoma a ngadi a txi na thavelela Siyoni, kambe a ngadi a txi na sawula Jerusalema.

Zakariya 1:19

Kambe ni to wotisa ka ngelozi yile yi nga ti ti womba-womba ni nani, ni txi khani: Njitxani txiya kani? Se yi to kha yona kwangu: Atiya nditxheho tile ti nga hangalasa Judha, ni Israyeli, ni Jerusalema.

Zakariya 6:1

Se ni to gula kambe maso angu, ni wona mune wa sikotxikani, si txi huma ngu hagari ka mimango yimbidi, mimango yiya i ti ti mimango ya txikete.