Zakariya 1:11 - Bhiblia Yo Sawuleka

¹¹ Se vona va to xamula ka Ngelozi ya Mkoma, yi nga ti ti hagari ka mindonga ya mimurta, va txi kha vona: Athu se hi horolokete ha mafuni, kambe hi woni taku kotshe ha mafuni kuthuthile, kambe ku humute.

Zakariya 1:11 Referans Kwoze

Zakariya 1:10

Sekoko, wamwamna wule a nga ti ti emile hagari ka mindonga ya mimurta, a to xamula, a txi khene: Avava ngu vale Mkoma a nga va ruma ku ta horolokela ha mafuni.

Zakariya 1:15

Se ngu kuhenya ka hombe, na henyela matiko ale ma ku kuhumulani; nguko, mbimo yi ni nga ti ti swirwekile ka kudotho, ona ma to engetela wubihi.

Zakariya 1:8

Ni wusiku ni woni wamwamna a di gadhile dihantxhi do bhilivila, di di emile hagari ka mindonga ya mimurta, yi nga ti ti ka mkova wa hombe; se msana kwakwe ku ti ti ni mahantxhi o bhilivila, ni o bhilivilisa kunzihala, ni o basa.

Mtuletelo 1:1

Awuwa i Mtuletelo wa Jesu Kristu, awu Txizimu txi nga mninga, kasiku e kombisa ka sithumi sakwe ati ti fanelako kumaheka kunukunukuwa. Kristu a zivisile timhaka tiya ngu kurumela ngelozi yakwe ka txithumi txakwe Johani,

1 Vatesalonika 5:3

Mbimo yi vathu va no kha vona: “Ka ho kudikha ni kukhaliseka,” nguyo mbimo ku no humelela dikhombo ngu txidhukisa hagari kwawe, kota nga wamsikati, ngako a txi lumwa; kha va na mbi sikota kupona.

Matewu 25:31

“Mbimo yi a nota Mwanana wa M'thu ni wudhumo wakwe, kumweko ni tingelozi takwe, ene a nata khalahatsha ha txikhaloni kwakwe ka wukoma.

Matewu 13:49

Ngu toneto, ti no maheka kugumani ka ditiko: Tingelozi ti na huma ti tekela ava vo biha hagari ka va vo lulama.

Matewu 13:41

Mwanana wa M'thu a na rumela tingelozi takwe, ati ti no thavisa ka Mfumo wakwe votshe va i ku vakhuvekisi ni votshe va va mahako to biha,

Zakariya 6:7

Se mahantxhi ale a mtamo ma ti huma me lava kuthangela masoni, ma txi tsimbila-tsimbila ha mafuni. Se ngelozi yi to kha yona: Tsulani, mi tsimbila-tsimbila ha mafuni. Se ma to tsimbila-tsimbila ha mafuni.

Dhaniyeli 10:20

Se a nje khene: Ina wa tiziva ti ni telako tona kwako kani? Ani ni na tshumela ni yalwa ni mthangeli wa Persiya, se ni txi na heta, a nata mthangeli wa Gresiya.

Isaya 14:7

Konkuwa, ditiko dotshe se di kuhumulani ni kudikhani, va huwelela ngu kutsaka.

Masalmo 68:17

Sikotxikani sa Txizimu magumi mambidi a ma 1.000 a ma 1.000 ni ma 1.000; Mkoma a tile ngu Sinayi a txi ta wukhaloni ko sawuleka.

2 Vatesalonika 1:7

Kasiku anu mi xaniswako, mi txi ningwa kuhumula ni nathu ditshiku di Mkoma Jesu a nota woneka, a txi ta ngu nzumani kumweko ni tingelozi ta mtamo wakwe,

Jobe 1:7

Sekoko, Mkoma a to khene ka Sathani: Uta ngu hani kani? Sathani a to xamula ka Mkoma, a txi khene: No horolokela ha mafuni, ni tsimbila-tsimbila ka ona.