Zakariya 1:10 - Bhiblia Yo Sawuleka

¹⁰ Sekoko, wamwamna wule a nga ti ti emile hagari ka mindonga ya mimurta, a to xamula, a txi khene: Avava ngu vale Mkoma a nga va ruma ku ta horolokela ha mafuni.

Zakariya 1:10 Referans Kwoze

Zakariya 1:11

Se vona va to xamula ka Ngelozi ya Mkoma, yi nga ti ti hagari ka mindonga ya mimurta, va txi kha vona: Athu se hi horolokete ha mafuni, kambe hi woni taku kotshe ha mafuni kuthuthile, kambe ku humute.

Vahebheru 1:14

Ina tingelozi totshe hi nga mimoya yi yi thumako mithumo, ayi yi nga rumelwa kuthumela avale va fanelako kuamukela thomba ya kuhanyiswa, kani?

Zakariya 4:10

Nguko i mani a eyisako ditshiku da timhaka ta tidotho kani? Ina, nguko eyo a na tsaka mbimo yi a no wona ngoti ya lipimo manzani ka Zorobhabheli. Ngu ona maso a mtxhanu ni mambidi a Mkoma, ma wonetelako kotshe ha mafuni.

Zakariya 1:8

Ni wusiku ni woni wamwamna a di gadhile dihantxhi do bhilivila, di di emile hagari ka mindonga ya mimurta, yi nga ti ti ka mkova wa hombe; se msana kwakwe ku ti ti ni mahantxhi o bhilivila, ni o bhilivilisa kunzihala, ni o basa.

Jobe 1:7

Sekoko, Mkoma a to khene ka Sathani: Uta ngu hani kani? Sathani a to xamula ka Mkoma, a txi khene: No horolokela ha mafuni, ni tsimbila-tsimbila ka ona.

Zakariya 13:7

Awe ditxhari khukha u lwa ni m'dyisi, lwana ni wamwamna wule i ku mngana wangu, kuwomba Mkoma wa Mabutho a Tiyimbi; peka m'dyisi, se ti na hangalaka tinvuta; aniko ni na nawuluta dianza dangu, ni peka vale vavadotho.

Zakariya 5:7

Se wona taku ku to guletwa txidhingizelo txo nemela ngutu, se ni wamsikati a ti khalahatshile mndani ka efa.