Varoma 9:8 - Bhiblia Yo Sawuleka

⁸ Ati ti wombako ku hi nga vanana va mtumbuluko ava i ku vanana va Txizimu. Vanana va txithembiso txa Txizimu ngu vona i ku va txona va ditshuri.

Varoma 9:8 Referans Kwoze

Johani 1:13

Vona mbanana va Txizimu, i si nga ngu nzila ya mtumbuluko, mwendo kunavela ka mmidi hambi kuranda ka m'thu, aniko va velekilwe ngu Txizimu.

Varoma 8:14

Nguko votshe va va tsimbitiswako ngu Moya wa Txizimu, mbanana va Txizimu.

Masalmo 87:6

Txizimu txi na bhala matina dibhukuni, txi txi womba ti to awuwa a veleketwe koneyo.

Masalmo 22:30

Vatukulu vawe va na mthumela; va na xawutela ka liveleko ni liveleko.

Genesisi 31:15

Ene a pimisa ti to athu hi vanyamthuvo, nguko a hi xavisile, ngu msana a txi dya male yathu kambe.

Dhewuteronome 14:1

“Anu mi vanana va Mkoma, Txizimu txanu; mi nga loweni mimidini kwanu, hambi kuyolwa titshi tanu, ngu mhaka ya kufa ka m'thu.”

Matewu 3:9

mi nga ti kanganyiseni mi txi khanu: ‘Hi ni tate wathu Abrahamu’, nguko na mi gela ti to Txizimu txa sikota kuhindula marigwi awa ma txi maha vanana va Abrahamu.

Varoma 8:16

Nguko ngu wona Moya wa Txizimu wupune wu hi fakazelako kumweko ni mimoya yathu, ti taku hi vanana va Txizimu.

Varoma 8:19

Kha ditshuri, sotshe si si nga vangwa sa rinzela ni kunavela ti to Txizimu txi txi wonekisa vanana va txona ha kubasani.

Vahebheru 11:11

Ngu likholo, Sara nene, hambiko a nga ti kumbile ngutu, a mani txirumbu nguko a tumete ti to awule a nga mmahela txithembiso, a tsanisile.