Varoma 9:4 - Bhiblia Yo Sawuleka

⁴ i ku va ka Israyeli, ava va nga sawulwa ve mahwa vanana va Txizimu, va txi ningwa wudhumo, situmelelano, mlayo, wukhongeli, ni sithembiso;

Varoma 9:4 Referans Kwoze

Vaefesu 2:12

alakanyani tito, ka yile mbimo, mi ti si lumbi Kristu, mi ti si nga ni fanelo ya kubalwa kumweko ni va ka Israyeli, mi ti maneka mi di vamatiko ka situmelelano ni sithembiso sa Txizimu ha mafuni.

Masalmo 147:19

Ene wa rumela mahungu akwe ka va ka Jakobe, mithetho yakwe ni milayo yakwe ka va ka Israyeli.

Varoma 9:6

Hi nga ti to dipswi da Txizimu di to txhipa. Ahim-him. Nguko hi nga votshe va va humako ngu ka Israyeli i ku Vaisrayeli va ditshuri;

Genesisi 17:2

Ani ni na maha Txitumelelano hagari kwangu ni nawe, kambe ni na andisa ngutu liveleko lako.”

Mithumo 2:39

Nguko awule a nga thembiswa a lumba anu ni vanana vanu, ni vale va ku kule, votshe vale va no dhanwa ngu Mkoma, Txizimu txathu.”

Dhewuteronome 7:6

Nguko mbathu vo sawuleka ka Mkoma, Txizimu txako; Mkoma, Txizimu txako, a mi sawute, kasi ku mi maha vathu vo lumba ene, mi txi va mi di ngamu yakwe ene apune, hagari ka votshe vathu va kuho ha mafuni.”

Eksodha 4:22

Sekoko u na ya gela Faro u txi khawe: Mkoma a womba tiya: Mwanana wangu wa matiwula ngu Israyeli.

Vahebheru 9:1

Kha ditshuri, txitumelelano txile txo khata txi ti ni mlayo wa maphaxelo a timhamba, ni dithepele da kuakwa muwa mafuni.

Masalmo 89:3

Awe u ti khawe: “Ni mahile txitumelelano ni msawuleki wangu, ni thembisile ka txithumi txangu Dhavhidha:

1 Vafumeli 8:11

Se vaphaxeli va si dingani kuthuma va di emile, ngu mhaka ya direfu, nguko kuphatima ka Mkoma ku ti tatile Nyumba ya Mkoma.

Varoma 8:15

Ngu toneto, anu kha ma amukela moya wa wukhumbi ti to mi txi telwa ngu kuthava; aniko mi amukete moya wa ku mi maha vanana va mafuyiwa va Txizimu, moya wu wu hi ningako kutsana hi m'dhana ku: “Abba! Tata!”

Johani 1:17

Nguko hi ningilwe Mlayo manzani ka Mosi, aniko kateko ni ditshuri hi wuyisetwe ngu Jesu Kristu.

Jeremiya 31:33

Aniko atxiya njitumelelano txi ni no maha ni nyumba ya ka Israyeli, msana ka masiku ale, kuwomba Mkoma: Ni na veka mlayo wangu mndani kwawe, ni wu bhala timbiluni kwawe; ni na va Txizimu txawe, se vona va na va vathu vangu.

Dhewuteronome 14:1

“Anu mi vanana va Mkoma, Txizimu txanu; mi nga loweni mimidini kwanu, hambi kuyolwa titshi tanu, ngu mhaka ya kufa ka m'thu.”

Genesisi 17:7

Ni na tsanisa Txitumelelano txangu ni nawe, ni lihunzu lako msana kwako, Txitumelelano txiya, txi na va txo mbi guma, se ani ni na va Txizimu txako ni txa lihunzu lako, msana kwako.

Vahebheru 9:10

Nguko, va phaxa ngu sakudya ni sakusela ni ku ti sambisa ka tinzila to tala dwe. Asiya nziheno sa vathu si nga thuma kala ditshiku da kuhindulwa ka sotshe.

Vahebheru 9:3

Ngu msana ka m'jiyo wa wumbidi, ku ti ni dimwani ditenda, di nga ti dhanwa ku Wukhalo wo Sawuleka ngutu.

Johani 1:47

Jesu a to wona Nathaniyele a txi mu tela, se e womba ngu ngene, a txi khene: “Ndiyo Muisrayeli wa ditshuri, awu kwakwe, ku kuwalo kukanganyisa.”

Matewu 21:33

“Engisani txidinganiso tximwani: A ti ti ho m'thu, i nga ti di nyamne wa m'ti, awu a nga phaya mivhinya e yi bhiyela ngu libhiyo la mindonga, a txi kelela nzeka ya kukamela ka yona mihando yakwe, e aka txitezi, ngu msana a txi ningela thembwe yiya ka vadimi, se ene a txi teka dipfhumba da kuendela ditikoni ka kule.

Hoseya 11:1

Mbimo yile Israyeli i nga ti ti mfana, ani ni mrandile; se ni dhani mwanana wangu e huma ngu Egipta.

Jeremiya 31:20

Ina Efrayime hi nga mwanangu a randekako kani? Txirandwa ngu mbilu kani? Nguko hambi ni txi m'wukela, na khumbula ngu kupinda mpimo mbilu yangu ya bhibhikela ngu mhaka yakwe, kambe ni na m'hawukela, kuwomba Mkoma.

Jeremiya 31:9

Va na wuya va txi dila, ni txi va heleketa na va txi khongela; ni na va thangela minamboni ka mati, ngu nzila yo basa, eyo va na kwa mbi huma ka yona; ngu ku ni ku tate ka Israyeli, matiwula angu ngu Efrayime.

Isaya 60:19

Kha di na mbiswa di kuthumela ditambo kasi ku kuwoninga, hambi kuwoningwa ngu mtxima; aniko Mkoma a na va liwoningo lako la kwa mbi guma, ni Txizimu txako mbudhumo wako.

Isaya 46:3

Ni engiseni anu va nyumba ya Jakobe, ni motshenu mi nga sala va nyumba ya ka Israyeli; anu ni nga mi khutarela ngu mawoko kukhukhela mndani, ni mi beleka kukhukhela mndani ka mame.

Isaya 41:8

Aniko awe Israyeli, txithumi txangu. Awe Jakobe, awe ni nga kusawula, liveleko la Abrahamu, mngana wangu.

Isaya 5:2

Se a to dima e thavisela marigwi, e phaya mivhinya ya yinene ngutu; e aka txitezi hagari ka thembwe, a txi kelela dipipa do kamela ka dona mihando, a txi verela ku yi veka mihando ya yinene; aniko yi to veka mihando yo bava.

Masalmo 90:16

Komba mtamo wako wa hombe ka sithumi sako ni wudhumo wako wa hombe ka vanana vawe!

Masalmo 89:34

Kha ni na mbi funya txitumelelano txangu, hambi kutshumeta sixambanyo si ni nga si maha.

Masalmo 78:61

Txi lekile valala ve teka mtundu wa txitumelelano, i ku txikombiso txa wudhumo wa txona.

Masalmo 73:1

Kha ditshuri Txizimu njinene ka vathu va ka Israyeli, ka va vo basa timbilu!

Masalmo 63:2

Ni lava ku kuwona u di txiluveloni kwako ni wonetela mtamo wako ni wudhumo wako,

Nehemiya 13:29

Vaalakanye, awe Txizimu txangu, nguko va nyenyezisile wuphaxeli, ni txitumelelano txa wuphaxeli, ni txa Valevhi.

Dhewuteronome 31:16

Se Mkoma a wombile ka Mosi a txi khene: Wona, u hafuhi ni kutsula u txi ya humula kumweko ni vatate vako; se vathu vava, va na khukha va txi ya maha wugango ni simwani sizimu sa ditiko dile u lavako kuwulela ka dona. Vona va na ni leka va txi ndaka mlayo wa txitumelelano, txi ni nga txi sunga navo.

Dhewuteronome 29:14

Kha ni txi mahi ni nanu mokha txitumelelano txiya ni txixambanyo txiya.

Dhewuteronome 29:1

Aawa mapswi nga txitumelelano, aawa Mkoma a nga ruma Mosi ti to e ma womba ka vanana va ka Israyeli, ditikoni ka Mowabhi, hahanze ka txitumelelano txi a nga txi maha navo, mmangoni ka Horebhi.

Mitengo 7:89

Se mbimo yile Mosi a nga ti wulela ditendani ka msengeletano, kasi kuya womba-womba ni Mkoma, a ti ti engisela dipswi, di di nga ti womba kwakwe, ngu txitimwi ka txikhalo txa wumbilu, txitimwi ka dibhokiso da Wufakazi, ngu hagari ka makerubhima mambidi; di ti ti wombawombisa tona tiya nayo.

Eksodha 40:34

Sekoko, direfu di to fenengeta ditenda da msengeletano ni kuphatima ka Mkoma ku manekile ku txi tata ditenda do sawuleka.

Eksodha 34:27

Mkoma a wombile kambe ka Mosi a txi khene: “Bhala mapswi awa, nguko ni mahile ngu ona txitumelelano kumweko ni nawe ni va ka Israyeli.”

Eksodha 12:25

Mbimo yi mi no wulela ka ditiko di Mkoma a no mi ninga, nga ti ene a nga womba, mi na tama mi txi vekisa wona mphaxo wuwa.

Genesisi 32:28

Sekoko ene a to khene: “Khu na mbiswa u txi dhanwa to u Jakobe, aniko u na dhanwa ku u Israyeli, nguko u lwite ni Txizimu ni vathu, kambe u xute.”

Genesisi 17:10

Txitumelelano txangu atxiya mi fanelako ku txi xayisa hagari kwangu ni nawe, awe ni lihunzu lako, msana kwako, ngu txiya: Otshe mazambi anu ma fanete kuyiswa wukwerani.

Genesisi 15:18

Ka donedo ditshiku, Mkoma a to maha Txitumelelano ni Abramu, a txi khene: “Ni ningete ditiko diya ka liveleko lako, kukhukhela mnamboni ka Egipta, kala ka mnambo wa hombe, wa Ewufrate.

Varoma 3:2

Kasi wukwera wu vhuna txani? Wa vhuna ngutu ngu otshe madhawa. Mhaka yo khata ngu kuwa sithembiso sa Txizimu si nga vekwa manzani kwawe.

Dhewuteronome 4:13

Sekoko Mkoma a mi zivisile txitumelelano txi a nga mi ruma, digumi da milayo, ayi yi nga bhalwa aha ka sileti simbidi sa marigwi.

Ezekhiyele 1:28

Kufana ni kuphatima ka wulaho wa nyazimu, ngu ditshiku da kuwa ka mati, ku ti ti phatima madhawani. Aawa i ti ti mawonekelo a kufana ni wudhundo wa Mkoma; se mbimo yi ni nga ti wona tiya, ni to wa ngu khohe yangu, kambe ni pfite dipswi da wu a nga ti ti womba-womba.

2 Vakorinto 11:22

Mbahebheru kani? Nanani ni ene. Vona mbaisrayeli kani? Nanani ni ene. Mba lixaka la Abrahamu kani? Nanani ni wa lona.

Vagalatiya 3:16

Se sithembiso si mahilwe ka Abrahamu ni liveleko lakwe; Mibhalo kha yi wombisi ku “tiveleko takwe,” nga to va ta vathu vavangi; aniko yi ti “ni ka liveleko lako,” ati ti wombako m'thu mmweyo, i ku Kristu.

Vahebheru 9:5

Ngu txitimwi ka mtundu ku ti ni sivangwa so hanya si dhanwako ku makerubhima, asi si nga ti kombisa wudhumo wa Txizimu, si txi fenengeta txikhalo txa wumbilu ngu mtsudi wa sona. Aniko, kha hi nga ni mbimo ya kuxawutela sotshe tximwetxo ngu tximwetxo.

Vahebheru 9:6

Ngako si di lulamisilwe sotshe, vaphaxeli va ti wulela ka ditenda do khata ka mbimo yihi ni yihi, va txi thuma mthumo wawe wa wuphaxeli.