Varoma 9:3 - Bhiblia Yo Sawuleka

³ Nguko ani wutumbu ni ndi na tumela kuruketelwa ni kuhambaniswa ni Kristu, idiku eto ti ti vhuna va lixaka la ka kwathu, ava i ku vamwevo ni nani ngu kuvelekwa;

Varoma 9:3 Referans Kwoze

Eksodha 32:32

Konkuwa koko, divalela txionho txawe, kha ditshuri, na kombela ti to u pfhita ditina dangu, amu ka dibhuku di u nga bhala.”

Esteri 8:6

Nguko ni na sikotisa kutxani kuwona wubihi wu wu no wela va ka kwathu kani? Ni ti to ni na sikotisa kutxani kuwona kuloviswa ka liveleko lathu kani?

Varoma 11:14

kufela ku mwendo vathu va lixaka la ka kwathu va na navela, kasi ni txi sikota kuhanyisa vamwani vokari hagari kwawe.

Vagalatiya 3:10

Nguko vavekisi va Mlayo, votshe va maneka hahatshi ka kuruketelwa, nguko ti bhatwe taku: “A ruketetwe wuhi ni wuhi asi vekisiko sileleto sotshe si si nga bhalwa dibhukuni ka Mlayo.”

1 Vakorinto 16:22

Awu asi randiko Mkoma a nave kurukwani. Maranatha! Ngono, Mkoma!

Vagalatiya 3:13

Kristu a dihile kasiku a txi hi tirula ka dikhombo da kuruketelwa ngu Mlayo, ene a ti mahile wo ruketelwa ha wukhaloni kwathu, nguko Mibhalo yi kha yona: “A na ruketelwe wuhi ni wuhi a nga hayekwa ha phandeni.”

Vagalatiya 1:8

Aniko, ngako m'thu wokari a txi mi txhumayela Evhangeli yo hambana, hambi i di athu hipune mwendo ngelozi ya nzumani, hahanze ka yile Evhangeli hi nga mi txhumayela yona, eyo m'thu a na ruketelwe.

1 Vakorinto 12:3

Ngu toneto, na mi zivisa ku khani: A walo wu a wombawombako ngu kutulelwa ngu Moya wa Txizimu, a sikotako kuwomba ti to “Jesu nja walo”; kambe awalo wu a sikotako kuwomba ti to “Jesu Mkoma,” na i si nga wu a nga tulelwa ngu wona Moya wo Sawuleka.

Varoma 11:1

Se na wotisa: Ina Txizimu txi nga va txi di tshotshile vathu va txona kani? Lambi! Nguko nani ni Muisrayeli, wa lixaka la ka Abrahamu, ka lihunzu la ka Bhenjamini.

Mithumo 13:26

“Vanathu, vanana va liveleko la Abrahamu! Ni nanu vamwani mi thavako Txizimu! Dipswi diya da kuhanyisa di rumetwe kwathu.

1 Samuwele 14:44

Sekoko Sawule a to khene: Txizimu txi na mahe toneto ni kuengetela, nguko kha ditshuri u na fa, Jonatani.

1 Samuwele 14:24

Se ka ditshiku dile vathu va ka Israyeli va ti rerekile ngutu, nguko Sawule a ti xambanyile ka vathu, a txi khene: Dikhombo ka m'thu wule a no dya dipawu kala ni minova, kasiku ni ti photela ka valala vangu. Se vathu votshe va to leka kudya dipawu.

Dhewuteronome 21:23

txirumbi txa kona txi nga zumbe ha mndongani wusiku wotshe; aniko u na txi kelela ka donedo ditshiku, nguko awule a nga txikitwa mbwo ruketelwa ngu Txizimu; ngu kumaha keto, u nga nyenyezise ditiko dako, adiya Mkoma, Txizimu txako, a no kuninga di maha thomba yako.

Genesisi 29:14

Sekoko Labhani a to khene kwakwe: “Kunene awe ni nani hi dirambu dimwedo ni nyama yimweyo.” Se Jakobe a to zumba nayo, mtxima wumwewo wotshe.

2 Samuwele 18:33

Sekoko mfumeli a to xaniseka ngutu mbiluni kwakwe; e kwelela eya ka nyumba yi yi nga ti txitimwi ka txike eya dila; a txi tsimbila, a ti ti khene; Mwanangu Abhisalome, mwanangu, mwanangu Abhisalome! Ngu kutxani ku nga mbi fa ani ka wukhalo wako, Abhisalome mwanangu, mwanangu!

Mithumo 22:5

Mphaxeli wa hombe ni dotshe dibanza da madhota va sikota ku ni fakazela; se vona va ni ningile mapapilo awa va nga bhalela vanathu va Dhamasku. Se ani ni tsute koneyo kasi kuya va wuyisa Jerusalema va di sungilwe ngu tingomondo kufela ku ta tsayiselwa kheno.”

Mithumo 28:21

Sekoko vona va mxamute, va txi kha vona: “Kha hi nzi kuwona mapapilo a kuta ngu Judheya, na ma txi womba kubiha ngu ngawe; hambi vanathu, kuwalo ni mmweyo a nga xawuta mwendo ku hi gela kubiha ngu ngawe.

Varoma 1:3

yi wombawombako ngu Mwanana wa txona, a nga velekwa lixakani ka Dhavhidha ngu ka nyama;

Varoma 9:2

Na pfa kuxaniseka ka hombe ni kupandiseka ko mbi guma mbiluni kwangu.

Varoma 16:7

Dingulani Andronikusi ni Juniyasi, maxaka angu ni sibotxhwa kulothu, vapostoli va kuhumelela, va nga ni thangela ngu likholo ngu ka Kristu.

Varoma 16:11

Dingulani Herodhiyoni, dixaka dangu. Dingulani va nyumba ya ka Narkisusi ngu ka Mkoma.

Varoma 16:21

Wa mi dingula Timoti, txithumi kulothu, ni Likiyusi ni Jasoni ni Sosipateri, maxaka angu.

2 Vakorinto 12:15

Ani ngu kuranda kwangu, ni na ningela sotshe sangu, hambi ani nipune ni na ti ningela, kasi kuvhuna mimoya yanu. Ina li na hunguka lirando li ni randwako ngu lona ngu mhaka ya ku mi randa anu kani?

Vagalatiya 1:9

Hi wombile ngu kale, kambe ani na tshumela ni womba: Ngako m'thu wokari a txi mi gondisa Evhangeli yimwani, hahanze ka yile mi nga yi amukela, a na ruketelwe.

Vaefesu 6:5

Anu sithumi, engisani vanyamne vanu va ha mafuni, ngu txithavo ni kudhudhumela, na timbilu tanu ti di basile, kota nga mo engisa Kristu.