Varoma 8:9 - Bhiblia Yo Sawuleka

⁹ Kambe anu kha mi fumwi ngu mmidi, aniko mi fumwa ngu Moya, ngako ngu ditshuri Moya wa Txizimu wu di zumbile mndani kwanu. Aniko awule a ku si nga ni Moya wa Kristu kha lumbi ene.

Varoma 8:9 Referans Kwoze

Vagalatiya 4:6

Se ngako mi ku vanana, Txizimu txi rumete timbiluni kwanu Moya wa Mwanana wa txona, awuwa wu kwangulako wutxi: “Abba, Tata!”

1 Vakorinto 3:16

Kasi kha mi tizivi ti to mi dithepele da Txizimu ni ti to Moya wa Txizimu wu zumba kwanu kani?

2 Timoti 1:14

Tximaha txa txinene, txi txi nga vekwa manzani kwako, txi xayise ngu kuvhunwa ngu Moya wo Sawuleka, awu wu zumbako timbiluni kwathu.

1 Vakorinto 6:19

Ina txima kha mi tizivi ti to mimidi yanu mathepele ya Moya wo Sawuleka, wu zumbako mndani kwanu, awu mi nga wu amukela ka Txizimu, ni ti to kha mi ti lumbi anu mipune, kani?

Varoma 8:11

Se ngako Moya wa wule a nga wusa Jesu ka vakufa, wu di akile kwanu, txona Txizimu txi txi nga wusa Jesu ngu ka vakufa, txi na hanyisa mmidi wanu wa kufa, ngu Moya wa txona, wu nga aka timbiluni kwanu.

Johani 14:17

i ku Moya wa ditshuri, awu ditiko di si sikotiko ku wu amukela, nguko kha di wu woni, kambe kha di wu zivi. Anu ma wu ziva, nguko wu zumba ni nanu, kambe wu mndani kwanu.”

Vaefesu 1:13

Nananu, ngako mi nga engisa dipswi da ditshuri, i ku Evhangeli ya kuhanyiswa kwanu, ngako mi nga kholwa ka dona dipswi dile, mi bhatwe ngu txixambanyo txa Moya wo Sawuleka, wu nga ti thembisilwe,

Vagalatiya 5:24

Avale i ku va Kristu va bethete ha txihambanoni nyama ni wubihi wa yona ni minavelo ya yona.

Vaefesu 2:22

Kwakwe kambe, nanu mi akilwe kumweko ni vamwani, mi maha nyumba ya kuzumba Txizimu ngu Moya wa tona.

Varoma 8:2

Nguko mlayo wa Moya wa wutomi awu wu ku ka Kristu Jesu wu ni txhatxhile ka mlayo wa txionho ni lifo.

Johani 3:6

Asi si nga velekwa ngu mmidi i mmidi kambe asi si nga velekwa ngu Moya i moya.

Vafilipiya 1:19

Ngu kuziva tito, totshelele eto ti na gwita ngu ku ni hanyisa, ngu mhaka ya mikombelo yanu ni kuvhunwa ngu Moya wa Jesu Kristu.

1 Johani 4:13

Hi tiziva ti to athu hi zumba ka Txizimu, ni ti to txona txi zumba kwathu, ngu kuwa txi nga hi ninga Moya wa txona.

Ezekhiyele 11:19

Kambe ni na va ninga mbilu yimweyo, ni thela moya wa wuphya mndani kwawe; se nyamani kwawe ni na thavisa mbilu ya dirigwi, ni txi va ninga mbilu ya nyama;

Luka 11:13

Ngu toneto, eko hambi anu, mi ku vabihi, mi zivako kuha sa sinene vanana vanu, ngutu-ngutu Tate wa nzumani a na pindisa ngutu kuninga Moya wakwe wo Sawuleka, ka vale va mkombelako!”

1 Johani 4:4

Sivananananu, anu mi va Txizimu, se mi xute vaprofeti va makuhu. Nguko Moya wu wu ku kwanu mbwa hombe kupinda wule wu ku ka vathu va ha ditikoni.

1 Vakorinto 15:23

Aniko m'thu ni m'thu ngu txikhati txakwe: Kukhata, Kristu i ku matiwula a votshe; ngu msana ava va lumbako Kristu va na wuka ngu mbimo ya kuwuya kwakwe.

1 Johani 3:24

Awule a veketako sirumo sa Txizimu, a zumba ka Txizimu, se Txizimu ni txona txi zumba kwakwe. Ha tiziva ti to Txizimu txi zumba ni nathu; ngu Moya wu txi nga hi ninga.

2 Vakorinto 6:16

Ngu sengela muni ku kuho hagari ka dithepele da Txizimu ni sithombe sa sizimu sa makuhu kani? Nguko athu hi dithepele da Txizimu txi txi hanyako kota nga ti Txizimu txi nga kha txona: “Ni na zumba navo ni txi tsimbila hagari kwawe; ani ni na va Txizimu txawe; vona va na va i di vathu vangu.”

Johani 3:34

Awu a nga rumwa ngu Txizimu a womba-womba mapswi a Txizimu, nguko ngu txona txi nga mninga Moya i si nga ngu mpimo.

1 Pedro 1:11

Vona va wonisisile mbimo ni mamahekelo awa ma nga kombwa ngu Moya wa Kristu, wu wu nga ti navo, awu wu nga ti va profetela, sixaniso sa Kristu, ni kupfaliswa kuwa ku nga ti fanela ku si londisa ngu msana.

Mtuletelo 20:15

Se avale va nga ti sa bhalwa dibhukuni ka wutomi va to vinzwa ni vona txizivani ka mndilo.

Mtuletelo 13:8

Votshe vaaki va ha mafuni va na txi khozela, avava matina awe ma nga mbi bhalwa, kukhukhela makhatoni ka ditiko, amu ka dibhuku da wutomi da Txinvutana, atxi txi nga bhaywa.

2 Vakorinto 10:7

Wonani ti ti ku ha kubasani masoni kwanu: Ngako m'thu a txi ti themba ti to a lumba Kristu a na ti zive ngu kumweko ti to nanathu hi lumba Kristu.

Johani 14:23

Jesu a to mu xamula, a txi khene: “Ngako m'thu a txi ni randa, a na vekisa dipswi dangu. Tate wangu a na mu randa, se hi nata kwakwe, hi ta maha wugovelo wathu.

Mithumo 16:7

Se ngako va di hokile mihinganoni ka Misiya, va to duketa kuwulela ditikoni ka Bhitiniya, kambe Moya wa Jesu kha wa va tumelela.

Varoma 7:5

Nguko, mbimo yi hi nga ti ti hanya ngu txithu, kunavela ka txionho aku ku nga ti mana mtamo ngu mhaka ya mlayo, ku ti thuma sihangoni kwathu kufela ku hi humisa mihando ya lifo.

Varoma 8:1

Sekonakuwa kha ku nga ngadi ho kuabaniswa ka vale va ku ka Kristu Jesu.

1 Vakorinto 6:17

Awu a ti tshanganisako ni Mkoma a maha moya wumwewo nayo.

Vaefesu 3:17

ni ti to Kristu a txi aka timbiluni kwanu ngu kukholwa, kufela ku lirando li txi maha mkoloti wa kutsanisa dihanyo danu.