Varoma 8:16 - Bhiblia Yo Sawuleka

¹⁶ Nguko ngu wona Moya wa Txizimu wupune wu hi fakazelako kumweko ni mimoya yathu, ti taku hi vanana va Txizimu.

Varoma 8:16 Referans Kwoze

1 Johani 4:13

Hi tiziva ti to athu hi zumba ka Txizimu, ni ti to txona txi zumba kwathu, ngu kuwa txi nga hi ninga Moya wa txona.

2 Vakorinto 1:22

Txona ngu txona txi nga hi veka txivango ngu txixambanyo txa txona, txi txi zima timbiluni kwathu sitsaniso sa Moya.

2 Vakorinto 5:5

Se awu a nga hi mahela tiya i Txizimu, i ku txona txi nga hi ninga txitsaniso txa Moya, txa si si tako.

Vaefesu 1:13

Nananu, ngako mi nga engisa dipswi da ditshuri, i ku Evhangeli ya kuhanyiswa kwanu, ngako mi nga kholwa ka dona dipswi dile, mi bhatwe ngu txixambanyo txa Moya wo Sawuleka, wu nga ti thembisilwe,

Varoma 8:26

Ngu mhaka ya toneto, Moya wo Sawuleka ni wona wata wuta hi vhunetela amu ka mikaralo yathu, nguko kha hi ti zivi ati hi fanelako ku khongelisa tona mikombeloni kwathu; ngu wona wupune wu hi kombelelako, ngu tingumo to mbi balwa.

Vaefesu 4:30

mi nga henyiseni Moya wo Sawuleka wa Txizimu, awu mi nga vekelwa ngu wona txixambanyo txa kukomba ti to mi lumba Txizimu ka ditshiku diya txona txi nota mi tirula ngu dona ka magwito.

2 Vakorinto 1:12

Nguko wudhumo wathu ngu wuwa: Wufakazi wa livhalo lathu waku, hi hanyile hagari ka vathu, ngu ditshuri ni kuthembeka ka Txizimu, na i si nga ngu wutxhari wa vathu, aniko ngu makatekwa a Txizimu, hi hanyile ha mafuni ngutu-ngutu kumweko ni nanu.

Varoma 8:23

Hi nga sona sokha, aniko hambi ni nathu hi nga amukela mihando yo khata ya Moya, ha kuma timbiluni kwathu, na hi txi rinzela kumahwa vanana va mafuyiwa i ku kutirulwa ka mmidi wathu.

1 Johani 5:10

Awu a kholwako ka Mwanana wa Txizimu, wufakazi wu kwakwe. Awu asi kholwiko ka Txizimu txi maha Txizimu txa makuhu, nguko kha kholwi ka wufakazi wu txi nga mahela Mwanana wa txona.

Dhewuteronome 14:1

“Anu mi vanana va Mkoma, Txizimu txanu; mi nga loweni mimidini kwanu, hambi kuyolwa titshi tanu, ngu mhaka ya kufa ka m'thu.”

Hoseya 1:10

Ngu kumaha keto, mtengo wa vanana va ka Israyeli u na nga mtxhefa wa lineneni, awule wu si pimwiko mwendo kubalwa; se ku na maheka tito, ka wukhalo wu va nga gelwa ku kha vona: Anu kha mi nga vathu vangu, va na kha vona: Anu mi vanana va Txizimu txi txi hanyako.

Matewu 5:9

Va katekile ava va thumelako kudikha, nguko va na dhanwa ku mbanana va Txizimu!

Luka 20:36

Kha va na mbi ngadi ve fa, nguko vona va fana ni tingelozi. Vona mbanana va Txizimu, nguko mbanana va kuwuka ngu kufani.

Johani 1:12

Aniko votshe va va nga mu amukela, ava va nga tumela ka ditina dakwe, a va ningile mtamo wa kumaha vanana va Txizimu.

Mithumo 5:32

Athu hi tifakazi ta timhaka tiya kumweko ni Moya wo Sawuleka, awu Txizimu txi wu rumelako ka vale va txi engisako.”

Varoma 8:14

Nguko votshe va va tsimbitiswako ngu Moya wa Txizimu, mbanana va Txizimu.

Varoma 8:19

Kha ditshuri, sotshe si si nga vangwa sa rinzela ni kunavela ti to Txizimu txi txi wonekisa vanana va txona ha kubasani.

Varoma 9:8

Ati ti wombako ku hi nga vanana va mtumbuluko ava i ku vanana va Txizimu. Vanana va txithembiso txa Txizimu ngu vona i ku va txona va ditshuri.

Varoma 9:26

Ni ka wukhalo wu ku nga ti wombilwe taku: ‘Kha mi nga vathu vangu’, va na dhanwa taku: ‘Vanana va Txizimu txa kuhanya.’ ”

2 Vakorinto 6:18

“Aniko ni na va Tate wanu, anu mi na va vanana vangu va mazambi ni vamahorana,” kuwomba Mkoma wa Mtamo wotshe.

Vagalatiya 3:26

Nguko anu motshe mi vanana va Txizimu ngu kukholwa ka Kristu Jesu.

Vagalatiya 4:6

Se ngako mi ku vanana, Txizimu txi rumete timbiluni kwanu Moya wa Mwanana wa txona, awuwa wu kwangulako wutxi: “Abba, Tata!”

1 Johani 3:1

Wonani lirando la kuxamalisa la Tata; a nga hi ninga mathomo a ku hi maha vanana va Txizimu! Hi vanana va txona ngu ditshuri. Ngu toneto, ditiko kha di hi zivi; nguko ni Txizimu kha da txi ziva.

1 Johani 3:2

Vorandeka, konkuwa hi vanana va Txizimu, kambe kha zivaneki ati hi no va hi di txona. Ha tiziva ti to mbimo yi a nota Kristu, hi nata fana nayo, nguko hi nata muwona ngu wutumbu wakwe.

1 Johani 3:10

Txikombiso txa vanana va Txizimu, ni txa vanana va Sathani ngu txiya: Votshe vale va si mahiko to lulama ni vale va si randiko vanawe kha va lumbi Txizimu.

Mtuletelo 21:7

Awu a no xula a na amukela thomba yiya, se ani ni na va Txizimu txakwe, ene a na va mwanana wangu.