2 Nga toneto, wamsikati wu a nga tekwa, a sungilwe ngu mlayo ka mwamna wakwe, ngako ene a di ngadi a txi hanya; kambe ngako mwamna wakwe a di fite, a thusilwe ka mlayo wa mwamna.
Wamsikati wa kutekwa a sungilwe ka mwamna wakwe, a di ngadi a txi hanyelwa ngu mwamna. Ngako mwamna wakwe a txi fa, wamsikati a txhatxhekile, kasiku e tekana ni wu a mlavako, ti txi nga tsimbila ngu mlayo wa Mkoma.
Wamsikati kha nga ni mtamo txitimwi ka mmidi wakwe apune, aniko mtamo wu ni mwamna wakwe; kufana ni toneto, wamwamna nene kha nga ni mtamo txitimwi ka mmidi wakwe apune, aniko mtamo wu ni msikati wakwe.
Ngako a txi tekana ni mmwani wamwamna, na mwamna wakwe a di ngadi a txi hanya, a na dhanwa ku digelegele; kambe ngako mwamna wakwe a txi fa, a thusilwe mlayoni; se kha na mbi dhanwa ku digelegele, ngako a txi tekana ni mmwani wamwamna.
Kambe konkuwa hi txhatxhilwe ka mlayo, hi maneka hi di fite ngu didhawa da ti hi nga ti sungilwe ngu tona; hi na thumela Txizimu ngu wuphya wa moya, i si nga ngu mlayo wa kubhalwa wu wu nga txhipa.