Varoma 7:11 - Bhiblia Yo Sawuleka

¹¹ Nguko txionho, txi di mani nzila ngu mhaka ya mlayo, txi to ni kanganyisa, txi ni daya.

Varoma 7:11 Referans Kwoze

Genesisi 3:13

Se Mkoma Txizimu a to wotisa ka wamsikati a txi khene: “U mahile txani kani?” Se wamsikati a txi khene: “Ni to xengwa ngu mnyoka se ni dya.”

Varoma 7:8

Kambe txionho txi mani nzila ya kuningwa ngu Mlayo, txi wusa mndani kwangu tixaka totshe ta kunavela; nguko hahanze ka mlayo, kuonha kufite.

Vahebheru 3:13

Ngu toneto, layanani masiku otshe, na ku di ngadi ku txi wombwa ku “Nyamsi” amu ka mibhalo, ati ti wombako athu kasiku ku si vi ni wammweyo hagari kwanu wo ti bangisa, ngu kukanganyiswa ngu txionho.

Jakobe 1:26

Ngako, m'thu a txi pimisa ti to dikholwa, kambe a si ñoli lidimi lakwe, a txi ti kanganyisa apune, a na ti zive ti to wukholwa wakwe, kha wu vhuni txilo.

Jakobe 1:22

Aniko, mahani valondeteli va dipswi, mi nga ti maheni vaengisi va dona dwe, nguko eto mo ti kanganyisa mipune.

Varoma 7:13

Se, atxi i ku txa txinene, ina txa sikota ku ni vangela lifo kani? Lambi! Txionho ngu txona txi nga ni vangela kufa: Ngu kutiwonekisa nga txilo txa txinene, txi ni date kasiku txi ti kombisa ku njionho, na txi txi ti humelelisa ngu wotshe mtamo wa txona ngu mhaka ya mthetho.

Jeremiya 49:16

Kasi ngu mhaka ya mathiselo ako, kutikukumukisa ka mbilu yako ku kuxengile. Awe u zumbako mibhalani ka marigwi, u manekako txitimwi ka mimango, hambi u txo guleta txisaka txako nga digama, ni na kukhundumusa koneyo, kuwomba Mkoma.

Jeremiya 17:9

Se mbilu mkanganyisi kupinda sotshe silo, yi sinile; i mani a no yi ziva kani?

Isaya 44:20

Adya dikhuma; mbilu yakwe ya wukanganyisi yi m'hambukisile, aha ko kha na kuhulukisa wutomi wakwe, hambi kuwomba ku khene: Ina kha ku nga ni makuhu ka dianza dangu da txinene kani?

Vaefesu 4:22

di rumako kuleka mahanyelo a m'thu wa kale, a nga txi mi fuma kaleko, m'thu wu a nga xangiswa ngu minavelo yo kanganyisa.

Obhadhiya 1:3

Kutikulisa ka mbilu yako ku ku kanganyisile, kufana ni va va hanyako tiphakoni ka marigwi, ka dizumbo dako do guleka, u wombako mbiluni kwako ku khawe: I mani a no ni wisa ha mafuni kani?

Varoma 3:20

Ngu koneho kha ku nga ni wammweyo a no manwa a di lulamile masoni ka txona ngu mithumo ya mlayo, nguko mlayo wu ninga kuziva txionho dwe.