Varoma 6:4 - Bhiblia Yo Sawuleka

⁴ Ngu toneto, ngu kubhabhatiswa hi keletwe kumweko nayo kufani, kasiku, kota nga ti Kristu a nga wuka ka vakufa ngu mtamo wa wudhumo wa Tate, nanathu hi fanela kuhanya wutomi wa wuphya.

Varoma 6:4 Referans Kwoze

2 Vakorinto 5:17

Ngu kumaha keto, awu a ku ka Kristu, njivangwa txa txiphya; sa kale se si pindile; sotshe si mahile sasiphya.

Vakolosa 3:10

mi ambate m'thu wamphya, awuwa se a kulako ka wona wuphyewo, ngu kulondetela nzila ya m'vangi wakwe, kasiku e mana wuzivi wa kuhetiseka.

Varoma 7:6

Kambe konkuwa hi txhatxhilwe ka mlayo, hi maneka hi di fite ngu didhawa da ti hi nga ti sungilwe ngu tona; hi na thumela Txizimu ngu wuphya wa moya, i si nga ngu mlayo wa kubhalwa wu wu nga txhipa.

1 Pedro 3:21

Mati awa, i ti txidinganiso txa txibhabhatiso, atxi konkuwa, se txi mi hanyisako, i si nga ngu kukuwulwa ka nzambwa ya mmidi, aniko ngu kuxolwa ka livhalo ngu Txizimu, ni kuwuka ka Jesu Kristu,

Varoma 6:9

Nguko ha tiziva ti to akuwa Kristu a nga wuka ka vafi, kha na mbiswa a txi fa kambe.

2 Vakorinto 13:4

Ngu ditshuri, a gogotetwe ha txihambanoni a di ni dikhodho, aniko wa hanya ngu mtamo wa Txizimu. Nanathu hi ni dikhodho kwakwe, aniko hi na hanya kumweko nayo ngu mtamo wa Txizimu hagari kwanu.

Varoma 6:3

Ina ma ti timelela ti to athu hotshethu hi nga bhabhatiswa ngu ka Jesu Kristu, hi bhabhatisetwe kufani kwakwe kani?

1 Johani 2:6

Awule a wombako ti to a ka Txizimu, a fanete kutsimbila ti Jesu a nga tsimbilisa tona.

1 Vakorinto 6:14

Txizimu txi nga wusa Mkoma ngu ka vo fa, txi na hi wusa nathu ngu mtamo wa txona.

Varoma 8:11

Se ngako Moya wa wule a nga wusa Jesu ka vakufa, wu di akile kwanu, txona Txizimu txi txi nga wusa Jesu ngu ka vakufa, txi na hanyisa mmidi wanu wa kufa, ngu Moya wa txona, wu nga aka timbiluni kwanu.

Vaefesu 4:17

Ndiye mhaka yi ni mi gelako, na ni txi yi tsanisa ngu ditina da Mkoma: Mi nga tshumeleni kambe mi hanya nga vamatiko, avava va londetelako mipimiso yawe yo biha.

Varoma 6:19

Ni womba ngu mawombawombelo a vathu ngu mhaka ya dikhodho da wuthu wanu. Ngako mi nga ningela sihango sanu si thumela wubihi ni kuonha, asi si hambanako ni kuranda ka Txizimu, se konkuwa ningelani sihango sanu si thumela kululama akuwa ku yisako kubasiswani.

Johani 11:40

Jesu a to mu xamula, a txi khene: “Kasi kha na kugela tito, ku nga ti u txi kholwa, u na wona lidhumo la Txizimu, kani?”

Mithumo 2:24

Aniko Txizimu txi mwusile ngu ka vo fa, txi txi m'hulukisa ka sixaniso sa lifo, ngako ti nga ti si koteki ti to e zumba a di ñotwe ngu lifo.

Vakolosa 4:1

Anu vanyamne, hanyani ni sithumi sanu ngu nzila yo lulama ni fanelo, na mi txi ziva ti to nanu mina ni Mkoma wanu a ku nzumani.

Vaefesu 5:8

Kale mi ti hanyela mtemani, aniko mi hindukile mi maha liwoningo ngu ka Mkoma. Tsimbilani kha kwati, nga ti mi ku vanana va liwoningo.

Johani 2:11

Makhato awa a sidiwukiso, Jesu a ma mahete Kana ka Galileya, e komba wudhumo wakwe, se vagondiswa vakwe va to kholwa kwakwe.

Mithumo 2:32

Se ngene Jesu wu Txizimu txi nga mu wusa; hotshethu hi tifakazi ta mhaka yiya.

Varoma 6:8

Ngako hi txi fa kumweko ni Kristu, ha tiziva ti to hi na hanya kumweko nayo.