Varoma 6:3 - Bhiblia Yo Sawuleka

³ Ina ma ti timelela ti to athu hotshethu hi nga bhabhatiswa ngu ka Jesu Kristu, hi bhabhatisetwe kufani kwakwe kani?

Varoma 6:3 Referans Kwoze

Vagalatiya 3:27

Motshenu mi nga bhabhatiselwa kwakwe Kristu, mi ambate Kristu.

Varoma 6:8

Ngako hi txi fa kumweko ni Kristu, ha tiziva ti to hi na hanya kumweko nayo.

1 Vakorinto 12:13

Kha ditshuri, hotshethu, mwendo hi Vajudha mwendo hi Vagriki, mwendo hi tikhumbi mwendo hi vathuseki, ngu kubhabhatiswa ka Moya wawumwewo, hi mahile mmidi wumwewo. Hotshethu hi setilwe Moya wumwewo.

1 Pedro 3:21

Mati awa, i ti txidinganiso txa txibhabhatiso, atxi konkuwa, se txi mi hanyisako, i si nga ngu kukuwulwa ka nzambwa ya mmidi, aniko ngu kuxolwa ka livhalo ngu Txizimu, ni kuwuka ka Jesu Kristu,

Mithumo 2:38

Pedro a to va xamula, a txi khene: “Hundulukani, se mmwani ni mmwani a na kombele kubhabhatiswa ngu ditina da Jesu Kristu, kasiku e mana kudivalelwa sionho. Ti di mahile eto, mi na amukela txihiwa i ku Moya wo Sawuleka.

Matewu 28:19

Ngu toneto, tsulani mi txi ya phindula vamatiko votshe, ve maha vagondiswa vangu, mi va bhabhatisa ngu ditina da Tate, ni da Mwanana, ni da Moya wo Sawuleka,

Jakobe 4:4

Vanyawugangonu, kha mi tizivi ti to wungana ni ditiko mbulala ka Txizimu, kani? Ngu toneto, awu a lavako wungana ni ditiko, i mlala wa Txizimu.

1 Vakorinto 9:13

Ina kha mi tizivi ti to vaphaxeli va timhamba va hanya ngu sa dithepeleni kani? Ni ti to ava va vhunetelako ha txiluveloni va mana txyavelo txa ha txiluveloni, kani?

Varoma 7:1

Kha mi tizivi kani, vanathu ni womba-womba ni va va zivako mlayo ti to mlayo wu fuma m'thu ka yotshe mbimo yi a ku ngadi a txi hanya kani?

Varoma 6:16

Ina kha mi tizivi ti to ngako mi txi ti maha tikhumbi ta wokari kasi ku mu engisa, mi tikhumbi ta ene wu mi mu engisako, mwendo tikhumbi ta txionho txi txi yisako kufani, mwendo tikhumbi ta kuengisa kuwa ku yisako kululamani kani?

Mithumo 19:5

Ngako va di engisile tiya, va to bhabhatiswa ditinani ka Mkoma Jesu.

1 Vakorinto 6:9

Ina kha mi tizivi ti to sidambu kha si na mbi dya thomba ya mfumo wa Txizimu kani? Mi nga ti kanganyiseni. Sindakamilayo, ni vakhozeli va sizimu sa walo, vagelezi,

1 Vakorinto 5:6

Mi ti dhumisa na ti si laveki. Ina kha mi tizivi ti to mtshumbelo wa wudotho wa sikota kuvilisa wurathi wotshe kani?

Mithumo 8:16

Nguko ni mmweyo wawe a ti sanzi kuamukela Moya wo Sawuleka. Va ti ko amukela txibhabhatiso dwe ngu ditina da Mkoma Jesu.

2 Vakorinto 13:5

Ti xoleni mipune, kufela kuwona ti to mi tsani kukholwani; yanani masoni ngu ku ti xola. Mwendo mo va mi si ti zivi ti to Jesu Kristu waho kwanu kani? Ahanti mwendo mi to koneka.

1 Vakorinto 15:29

Ngako i si nga toneto, nji txani va ndino wuyelwa ngu txona ava va bhabhatiswako, ngu kubhabhatiselwa vafi, kani? Ngako vafi va si wuki, nji txani vathu va txi ti bhabhatisela ngu vona kani?

1 Vakorinto 3:16

Kasi kha mi tizivi ti to mi dithepele da Txizimu ni ti to Moya wa Txizimu wu zumba kwanu kani?

1 Vakorinto 6:19

Ina txima kha mi tizivi ti to mimidi yanu mathepele ya Moya wo Sawuleka, wu zumbako mndani kwanu, awu mi nga wu amukela ka Txizimu, ni ti to kha mi ti lumbi anu mipune, kani?

1 Vakorinto 9:24

Ina kha mi tizivi ti to ava va mahako mapalisana a livilo ha mthandani, votshe va tutuma, kambe i mmweyo dwe a wuyelwako ngu txhatxhazelo, kani? Nananu tutumisani toneto, kasiku mi na mana kufuhwa.

1 Vakorinto 10:2

Votshe va bhabhatisilwe ngu ka Mosi, amu ka direfu ni mu ka linene.