Varoma 6:2 - Bhiblia Yo Sawuleka

² Lambi! Akuwa athu hi nga fa ngu didhawa da txionho, se hi nga hanyela txani kambe txionhoni kani?

Varoma 6:2 Referans Kwoze

1 Johani 3:9

Votshe va va nga velekwa ngu Txizimu, kha va mahi txionho, nguko mbewu ya Txizimu yi mite kwawe. Vona kha va na kuonha, nguko va velekilwe ngu Txizimu.

Vakolosa 3:3

nguko anu mi fite, se wutomi wanu wu sisilwe kumweko ni Kristu, ka Txizimu.

Varoma 7:4

Ngu nzila yo nga toneto, nanu vanathu, mi fite mlayoni ngu didhawa da mmidi wa Kristu, ti to mi lumba mmwani, i ku wu a nga wuka ka vakufa, kasi ku hi txi humisa mihando yi yi tsakisako Txizimu.

1 Pedro 2:24

Ene a nga rwala sionho sathu ngu mmidi wakwe, ha txihambanoni, kasiku, ngako hi txi fa ka txionho, hi na sikota kuhanya ngu kululama. Anu mi hanyisilwe ngu silonda sakwe.

Vagalatiya 2:19

Kunene, ani ngu mhaka ya Mlayo, ni fite ka wona kasiku ni hanyela Txizimu. Ni bethetwe ha txihambanoni kumweko ni Kristu.

Varoma 7:6

Kambe konkuwa hi txhatxhilwe ka mlayo, hi maneka hi di fite ngu didhawa da ti hi nga ti sungilwe ngu tona; hi na thumela Txizimu ngu wuphya wa moya, i si nga ngu mlayo wa kubhalwa wu wu nga txhipa.

1 Pedro 1:14

Ngako mi ku vanana vo engisa, mi nga londeteni minavelo yi mi nga ti nayo, mbimo yi mi nga sinzi kuziva txilo.

Vakolosa 2:20

Ngako mi di fite kumweko ni Kristu, mi maneka mi di ponisilwe ka sa ditikoni muwa, nji txani mi tumela kusungwa ngu milayo ya dona nga mo va va ditiko diya?

Vagalatiya 6:14

I di ani, ti nave kule ni nani ku ti dhumisa ngu txilo tximwani, hahanze ka txihambano txa Mkoma Wathu Jesu Kristu. Kunene, ngu mhaka ya txihambano, kwangu, ditiko di bethetwe ha txihambanoni.

Masalmo 119:104

Ngu sileleto sako ni gondile kupima; ngu kota yeto, na nyenya totshe tinzila ta makuhu.

Varoma 5:11

Kambe hi nga toneto tokha, aniko kambe ha giya ngu ka Txizimu, ngu mhaka ya Mkoma wathu Jesu Kristu, awuwa hi nga mana kutshanganiswa ngu ngene.

Genesisi 39:9

Kha nga ho mmwani i ku wa hombe ha m'tini kwakwe, hahanze kwangu: Kha txi nga ho txi a ni tsimbako ku txi gwesa, hahanze kwako awe dwe, nguko u msikati wakwe. Ni nga sikotisa kutxani kumaha to biha ta hombe to ngeto ni kuonhela Txizimu kani?”

Luka 20:16

A nata, a ta dayela vadimi vale e ningela thembwe ya mivhinya ka vamwani.” Ngako vona va txi pfa tiya, va to kha vona: “Ti nga thuke ti maheka timhaketo.”

Varoma 6:15

Hi na txani kani? Ina hi na onha, akuwa hi ku si nga hahatshi ka mlayo, kambe hi ku hahatshi ka kateko kani?