Varoma 6:10 - Bhiblia Yo Sawuleka

¹⁰ Lifo kha li na mbiswa li maha txilo kwakwe. Nguko, ngu didhawa da kufa kwakwe ngu mhaka ya txionho, ene a fite kumweko basi; kasi ngu didhawa da kuhanya kwakwe, a hanyela Txizimu.

Varoma 6:10 Referans Kwoze

2 Vakorinto 5:21

Kristu kha ziva txionho, kambe Txizimu txi mmahile txionho ngu kota yathu, kasiku athu hi txi maha volulama masoni ka Txizimu ngu kota yakwe.

1 Pedro 4:6

Nguko, ngu mhaka ya toneto, Evhangeli yi txhumayetwe ni ka vafi, kasiku, va di lamutwe ngu ka nyama kufana ni vamwani vathu, va na mana kuhanya ngu Moya, kufana ni Txizimu.

1 Pedro 3:18

Kha ditshuri, Kristu nene a fite ka kumweko ngu mhaka ya sionho sanu, ene i ku wo lulama, a txi fela vale vo mbi lulama, kasi ku mi yisa ka Txizimu. A fite ngu ka mmidi, aniko a hanyisilwe ngu ka moya.

2 Vakorinto 5:15

Ene a fete votshe, kasiku votshe va va hanyako, va si swi va txi ti hanyela vona ngu txawe, aniko ve hanyela awule a nga va fela, a txi tshumela e wuka ka vakufa ngu kota yawe.

Varoma 8:3

Nguko ati mlayo wu nga ti tanda ngu mhaka ya dikhodho da mmidi, Txizimu txi ti mahile, ngu kurumela Mwanana wa txona, a di ni txiemo txa wuthu wa txionho, kasi ku ta xula txionho, ni ku txi abanisa kona mmidini;

Varoma 6:11

Ngu toneto, na nanu ti maheni vakufa ka txionho, kufela ku mi txi hanyela Txizimu ngu Kristu Jesu.

Luka 20:38

Ngu toneto, Txizimu hi nga Txizimu txa vafi, aniko nja va vo hanya, nguko ka txona votshe va hanya.”

Varoma 6:9

Nguko ha tiziva ti to akuwa Kristu a nga wuka ka vafi, kha na mbiswa a txi fa kambe.