Varoma 5:7 - Bhiblia Yo Sawuleka

⁷ Ta karata m'thu kutumela kufela m'thu kulowe, hambi i di wo lulama; mwendo ti nga maheka ti to m'thu wokari e tumela kufela m'thu wu i ku wamnene.

Varoma 5:7 Referans Kwoze

1 Johani 3:16

Lirando hi li zivisa tiya: Jesu a ningete wutomi wakwe ngu mhaka yathu; se nathu hi fanete kuningela wutomi wathu ngu mhaka ya vanathu.

Varoma 16:4

ava va nga ti ha phangoni ka kufa ngu kulava kuponisa wutomi wangu; hi nga ani nokha ni va bongako, aniko ni mabanza otshe a vamatiko.

Johani 15:13

Ku walo m'thu wu a ku ni lirando la hombe ngutu kupinda la wule a ningelako wutomi wakwe ngu mhaka ya vangana vakwe.

Mithumo 11:24

Bharnabhasi i ti wamwamna wamnene, awu a nga ti tate ngu Moya wo Sawuleka ni likholo. Ngu konaho, dibutho da hombe da vathu, di to namarela ka Mkoma.

Masalmo 112:5

A katekile m'thu wu a pfelako wusiwana e lombisa a tsimbitisako mabhindu ngu kululama ni ditshuri;

2 Samuwele 18:27

Muwoneleli a to khene kambe: Ni wona matutumelo a wo khata ma fana ni matutumelo a Ayimahasi, mwana Zadhoki. Sekoko mfumeli a to khene: Awuwa mbwa mwamna wamnene, a tisa mahungu amanene.

2 Samuwele 18:3

Kambe vathu va to kha vona: Khu na mbi huma, nguko hi txo kurumeteka kututuma, kha va na mbi wa ni mhaka ni nathu; hambi ku txo fa hafu kwathu, kha va na mbi va ni mhaka ni nathu, nguko u fana ni 10.000 kwathu; i txhuko ku u hi vhuna u di didhoropani.

Matewu 13:15

Nguko timbilu ta vathu vava ti bangile, kambe tinzeve tawe ti tsivekile, maso awe ma vhalekile, kasiku va si woni ngu maso, va si engisi ngu tinzeve, va si pimisi ngu timbilu tawe, va nga thuka ve hunduluka ve mana kuhanyiswa.”

Varoma 5:6

Nguko mbimo yi hi nga ti sinzi kutsana, Kristu a fete vabihi ngu txikhati txiya txi nga ti vekilwe ngu Txizimu.

Varoma 5:8

Aniko, Txizimu txa hi kombisa lirando la txona, nguko Kristu a tumete ku hi fela athu hi di ngadi vaonhi.