Varoma 5:4 - Bhiblia Yo Sawuleka

⁴ kuhonisela kuninga kutsana sidukoni, kutsana sidukoni kuninga kuthemba.

Varoma 5:4 Referans Kwoze

1 Pedro 5:10

Se Txizimu txa makatekwa otshe, txi nga mi dhanela kupfaliswa ka txona ko mbi guma, ngu ka Jesu Kristu, msana ka kuxaniseka ngu mbimo ya yidotho, txi na mi wusa ni ku mi aka, ni ku mi tsanisa, mi si xulwi ngu txilo.

Jakobe 1:12

A katekile m'thu wu a amukelako txiduko ngu kutimisela; nguko, a di gwitile kudukwa, a na amukela m'bhoti wa wutomi, awu Mkoma a nga wu thembisa ka vale va mrandako.

Masalmo 71:14

Hambi keto, ani, ni na va ni kuthemba yotshe mbimo ni na simana ni txi kudhumisa.

Varoma 15:4

Se totshe ti ti nga bhalwa kale, ti bhaletwe ku ti txi hi gondisa; kasiku hi mana txithembo ngu kuhonisela ni thavelelo yi hi yi manako amu ka Mibhalo.

Luka 21:19

Ngu kutimisela kwanu, mi na hanyisa mimoya yanu.

Vafilipiya 2:22

Kasi i di ene, anu ma yi ziva mithumo yakwe: Ene, nga mwanana wu a thumisanako ni tate wakwe, a thumile kumweko ni nani ka mthumo wa Evhangeli.

Vahebheru 6:19

Txithembiso txiya, kwathu, txi fanana ni hangi ya moya, ayi i ku ya kutsana ni kuthembeka, ayi yi dolako nguwo ya txitshingelelo ya dithepele yi txi wulela mndani ka txiluvelo txa Txizimu.