Varoma 5:1 - Bhiblia Yo Sawuleka

¹ Ngu toneto, ngako hi nga amukela wululami ngu kukholwa, hi ni kudikha ni Txizimu, ngu Mkoma wathu Jesu Kristu;

Varoma 5:1 Referans Kwoze

Isaya 32:17

Se simaho sa kululama si na va kudikha, ni mthumo wa kululana wu na va kuzumbiseka, ni kutsana ko mbi guma.

Varoma 15:13

Txizimu txa txithembo txi na mi tate ngu litsako lotshe ni kudikha amu ka likholo lanu, kasiku ngu mtamo wa Moya wo Sawuleka txithembo txanu txi tala txi thekelela.

Johani 16:33

Ni mi gete timhaka tiya kasiku, kwangu, mi va ni kudikha. Mi nava ni sixaniso mu ditikoni, kambe tsanani msana, ni di xute ditiko.”

Vakolosa 1:20

ti txi tsakisile kambe Txizimu ti to kwakwe Kristu, sotshe simaha si txi mana kupfana, a txi si ninga kuthutha ngu mtamo wa txihambano txakwe, hambi sa ha mafuni, mwendo sa nzumani.

Varoma 6:23

Nguko txhatxhazelo ya txionho ngu kufa. Kambe txiningo txa Txizimu ngu wutomi wo mbi na magwito, ngu ka Kristu Jesu Mkoma Wathu.

Varoma 14:17

Nguko Mfumo wa Txizimu hi nga kudya ni kusela; aniko ngu kululama, ni kudikha, ni kutsaka ngu ka Moya wo Sawuleka.

2 Vatesalonika 3:16

Mkoma wa kudikha a na mi ninge kudikha yotshe mbimo ni otshe makhalo. Mkoma a nave ni nanu motshe.

Johani 14:27

“Kudikha na kusiya kwanu, na mi ninga kudikha kwangu. Kha ni mi ningi kufana ni ti ditiko di ningisako tona. Mbilu yanu yi nga karateke, hambi ni kuthava.

Varoma 4:5

Aniko awu asi thumiko na a txi kholwa ka wule a sikotako kuninga wululami muonhi, kukholwa kwakwe kuwombwa ku ngululama.

Vakolosa 3:15

Timbiluni kwanu ku na fume kudikha ka Kristu, eko mi nga dhanelwa kona; kasi ku ta maha mmidi wumwewo; kombisani kubonga kwanu.

Isaya 54:13

Se votshe vanana vako va na maha vagondiswa va Mkoma; ni kudikha ka vanana vako ku na maha ko enela.

Varoma 15:33

Txizimu txa kudikha txi nave ni nanu motshe. Amen!

Mithumo 10:36

Ngu yoneyo mhaka Txizimu txi nga yi rumela ka vanana va ka Israyeli, txi nga va txhumayela mahungu a maphya a kuthutha, ngu Jesu Kristu, i ku Mkoma wa votshelele.

Vafilipiya 3:9

se ni maneka ni di kwakwe, na i si nga ngu mhaka ya kululama kwangu, kutako ngu ka mlayo, aniko ngu mhaka ya kululama ku kuhumako ngu ka likholo ka Kristu; kululama kuwa kutako ngu ka Txizimu akuwa ku tsaniswako ngu likholo.

Isaya 27:5

Mwendo wa kuhonyola mtamo wangu, a txi va ni kudikha ni nani, ina, a nave ni kudikha ni nani.

1 Vatesalonika 5:23

Txizimu txa kudikha ngu wutumbu wa txona txi na mi basise ka sotshe, se wotshe wuthu wanu, m'hefemulo, moya, ni mmidi, zumbani mi di si veketile ngu fanelo kala kuwuyani ka Mkoma wathu Jesu Kristu.

Varoma 5:18

Se ngu toneto, nga kuwa txionho txa m'thu wammweyo txi nga manisa mnandu votshe vathu, ngu toneto kambe, ngu mthumo wa kubasisa wa m'thu mmweyo, va na mana kuhanyiswa ka wutomi votshe vathu.

Luka 19:42

A txi khene: Yowe! Idiku na nawe u ti zivile nyamsi timhaka ti ti ku tiselako kudikha! Kambe konkuwa ti sisalekile masoni kwako.

Varoma 1:7

Ka motshenu mi manekako Roma, mi ku va kudhundeka ka Txizimu, mi nga dhanwa ku ta maha valulami, na mi navelela makatekwa ni kudikha ka Txizimu Tate wathu, ni ka Mkoma Jesu Kristu.

Luka 19:38

“A na dhumiswe Mfumeli wu a tako, ngu ditina da Mkoma. Kudikha ku na tale nzumani, ni kupfaliswa ka Nyatxitimwi!”

Isaya 55:12

Nguko mi na huma mi di tsakile, mi tsimbitiswa ngu kuthutha; mimango ni simangwana si na kwangula ngu kutsaka masoni kwanu, se yotshe mindonga ya txitinga yi na peka manza.

Vagalatiya 2:16

Ha tiziva ti to m'thu kha sikoti kumana wululami ngu mhaka ya mithumo ya Mlayo, aniko a mana wululami ngu mtamo wa likholo dwe ka Jesu Kristu; nanathu hi khotwe ka Jesu Kristu, kasiku hi mana wululami ngu likholo ka Kristu, i si nga ngu mithumo ya Mlayo; nguko ni wammweyo kha na mbi mana wululami ngu mhaka ya mithumo ya Mlayo.

Johani 20:31

Kambe timhaka tiya ti nga bhalwa, ti bhaletwe ku mi txi kholwa ti to Jesu ngene Kristu Mwanana wa Txizimu, ni tito, ngu kukholwa kuwa, mi na mana kuhanyiswa ngu ditina dakwe.

Varoma 10:10

Nguko m'thu a kholwa ngu mbilu kasiku e mana wululami, kambe a fakaza ngu txisofu, kasiku e mana kuhanyiswa.

Varoma 3:30

Nguko Txizimu njimwetxo dwe, atxiya txi no ninga wululami ava i ku va wukwera ngu mhaka ya kukholwa, ni va i ku makhutu na va txi kholwa ni vona.

Varoma 1:17

Nguko kululama ka Txizimu ku wonekelisilwe ka yona, kuhuma amu ka likholo, ku txi yisa likholoni, madingano ni ti ti nga bhalwa taku: “Awu a nga mahwa mlulami ngu likholo, a na hanya.”

Habhakuki 2:4

Wona taku, muhefemulo wakwe wa kukumuka, kha wu thuthi mndani kwakwe; aniko mlulami a na hanya ngu likholo lakwe.

Vahebheru 13:20

Txizimu txa kudikha txi nga kwelisa txitimwi awule txi nga mu wusa ngu ka vafi, ngu mnoha wa txitumelelano txo mbi na magwito, M'dyisi wa hombe wa tinvuta,

Vaefesu 2:7

kasi kukombisa ka timbimo ti titako makatekwa a txona a hombe, ngu wunene wu txi nga va nawo ni nathu ngu ka Kristu Jesu.

Vagalatiya 3:25

Se li di hokile likholo, kha hi swi hi txi fumwa ngu m'gondisi.

Varoma 10:15

Va na txhumayelisa kutxani, ngako va sa rumwa kani? Nga ti ti nga bhalwa taku: “Eto yi nga tshurisa tona mikondo ya vale va txhumayelako mahungu amanene!”

Varoma 9:30

Se hi na khathu txani kani? Hi khathu: Vamatiko va va nga ti si xoti kululama, va ku mani kululama ku i ku ka kukholwa.

Luka 2:14

“Txi na dhumiswe Txizimu txitimwi nzumani ni kudikha ku na tale ha mafuni, ka vale txona txi va dhundako.”

Zakariya 6:13

Ene apune a na aka Dithepele da Mkoma, se a na teka wudhumo, kambe a na khalatsha, a na fuma ha txituluni kwakwe ka wukoma, ni kuva mphaxeli ha txituluni kwakwe ka wukoma, ku nava ni kudikha ka madhawa otshe a mambidi.

Varoma 3:22

Ti to kululama ka Txizimu ku ka vale va kholwako ka Jesu Kristu. Txizimu txi maha toneto ka vale va kholwako, nguko kha ku nga ho kuhambana hagari ka vathu.

Johani 5:24

“Ngu ditshuri, ngu ditshuri, na mi gela ku khani: Awu a engisako dipswi dangu, ni kukholwa ka wu a nga ni ruma, ana ni wutomi wo mbi guma, se kha na mbi ngadi e ta kulamulwani, aniko a humile kufani e wulela wutomini.

Masalmo 122:6

Kombelelani kudikha ka Jerusalema. Va na humelela vale va randako kudikha.

Jobe 21:21

Nguko ngutsaka muni a ndi no kumana nyumbani kwakwe msana kwakwe, ngako a txi wilelwa mitxima yakwe kani?

Varoma 5:11

Kambe hi nga toneto tokha, aniko kambe ha giya ngu ka Txizimu, ngu mhaka ya Mkoma wathu Jesu Kristu, awuwa hi nga mana kutshanganiswa ngu ngene.

Vagalatiya 5:22

Kasi mihando ya Moya ngu yiya: Lirando, litsako, kudikha, kutimisela, wunene, kutshambisa, kuthembeka,