Varoma 4:6 - Bhiblia Yo Sawuleka

⁶ Ngu toneto, nene Dhavhidha a wombako kukateka ka m'thu wu Txizimu txi mu wombako ku mbwo lulama, na i si nga mhaka ya mithumo, ngako a txi khene:

Varoma 4:6 Referans Kwoze

2 Timoti 1:9

atxi txi nga hi hanyisa, txi hi dhana ngu madhanelo o sawuleka; txi hi dhani i si nga ngu mhaka ya mithumo yathu, aniko ngu mhaka ya kuranda ka makungo a mbilu ya txona ni kateko ya txona. Hi ningilwe kateko yiya ngu ka Kristu Jesu, ti sinzi ku va ho timbimo.

1 Vakorinto 1:30

Txona ngu txona txi nga hi tshanganisa kumweko ni Jesu Kristu, awule a nga ti maha wutxhari wathu wa kuta ngu ka Txizimu, ni kululama kwathu ni kusawulekiswa kwathu ni kutirulwa kwathu;

Vafilipiya 3:9

se ni maneka ni di kwakwe, na i si nga ngu mhaka ya kululama kwangu, kutako ngu ka mlayo, aniko ngu mhaka ya kululama ku kuhumako ngu ka likholo ka Kristu; kululama kuwa kutako ngu ka Txizimu akuwa ku tsaniswako ngu likholo.

2 Vakorinto 5:21

Kristu kha ziva txionho, kambe Txizimu txi mmahile txionho ngu kota yathu, kasiku athu hi txi maha volulama masoni ka Txizimu ngu kota yakwe.

Vaefesu 1:3

Txi na dhumiswe Txizimu Tate wa Mkoma wathu Jesu Kristu, txi nga hi katekisa ngu makatekwa a moya wa nzumani, ngu ka Kristu.

Vagalatiya 3:14

Atiya ti mahekile kufela ku kateko ya Abrahamu yi txi hokela vamatiko ngu Jesu Kristu, se ngu konaho nathu hi txi mana kuamukela ngu likholo wona Moya, i ku txihiwa txi txi nga thembiswa.

Varoma 4:11

Nguko txikombiso txa wukwera a ningilwe kasiku txi maha txixambanyo txa wululami wu a nga amukela ngu kukholwa na a sinzi kuyiswa wukwerani; ngu toneto ene a mahile tate wa va va kholwako, hambi i di makhutu, kasiku ni vona ve mana wululami.

Varoma 1:17

Nguko kululama ka Txizimu ku wonekelisilwe ka yona, kuhuma amu ka likholo, ku txi yisa likholoni, madingano ni ti ti nga bhalwa taku: “Awu a nga mahwa mlulami ngu likholo, a na hanya.”

Isaya 54:17

Otshe matxhari ale ma longiselwako ku ku wukela, kha ma na mbi humelela; ni totshe tidimi tile ti ku wukelako kulamulwani, awe u na ti kona; ayiya i thomba ya sithumi sa Mkoma, ni wululamo wu wutako ngu kwangu, kuwomba Mkoma.

Masalmo 112:1

Dhumisani Mkoma! A katekile m'thu wule a thavako Mkoma a dhundako kuvekisa milayo yakwe.

2 Pedro 1:1

Ani Simoni Pedro, txithumi ni mpostoli wa Jesu Kristu, ni bhalela vale va nga amukela likholo la lisima kufana ni lathu, ngu kululama ka Txizimu, ni Muhanyisi wathu Jesu Kristu.

Vagalatiya 4:15

Se konkuwa ku hanini kutsaka kwanu kani? Nguko ni nga mi mahela wufakazi wa tito, idiku i ti kale kwanu, hambi maso anu nga mi di ma xokote mi txi ni ninga.

Varoma 4:24

aniko ti bhaletwe ni kwathu hi kholwako ka wule a nga wusa ka vafi Jesu Mkoma wathu,

Varoma 4:9

Se kukateka kuwa kulumba va wukwera dwe, mwendo kulumba ni ona makhutu kani? Nguko hi khathu Abrahamu, kukholwa kwakwe ku mningile ku e wombwa wo lulama.

Varoma 3:27

Se ku ti dhumisa kwathu ku ka tihi kani? Kufuvisilwe! Ngu mlayo muni kani? Ngu mlayo wa mithumo kani? Ahim-him. Kambe kufuvisilwe ngu mlayo wa kukholwa.

Dhaniyeli 9:24

Mtxhanu wa magumi ni mambidi a mavhiki ma emisetwe txitimwi ka vathu vako ni txitimwi ka didhoropa dako do sawuleka, kasi kufuvisa wuhambunyeti ni kuheta sionho, ni kubasisa wubihi, ni kutisa kululama ko mbi na magwito, ni kutsanisa txiwoniso ni txiprofeto, ni kutota Msawuleki wa vasawuleki.

Jeremiya 33:16

Judha a na hanyiswa kayo masiku, ni Jerusalema a na zumba ngu kuthutha. Va na m'dhana ngu ditina do kha vona, Mkoma ngene kululama kwathu.

Jeremiya 22:6

Nguko Mkoma wa womba xungetano ngu nyumba ya mfumeli wa ka Judha, a txi khene: Masoni kwangu u fana ni Gileyadhi ni msungo wa Libhanoni, aniko ni na ku hundula uva txiwula, ni madhoropa ma si ngaku ni vathu.

Dhewuteronome 33:29

Awe Israyeli u katekile! I mani a fanako ni nawe, ditiko di di nga hanyiswa ngu Mkoma, kani? Ene ngene i ku txitxhangu txi txi ku vhikelako, ditxhari di di ku ningako wundena! Valala vako va na khoziswa masoni kwako, awe u na kandetela kutiguleta kwawe.

Matewu 25:19

Se msana ka mbimo ya hombe, a to wuya nyamne wa vale va sithumi e va kombela dibhindu da mithumo yawe.

Varoma 4:5

Aniko awu asi thumiko na a txi kholwa ka wule a sikotako kuninga wululami muonhi, kukholwa kwakwe kuwombwa ku ngululama.

Varoma 4:7

“Va katekile avava sihoxo sawe si nga divalelwa; avava sionho sawe si nga fenengetwa.

Jakobe 2:18

Kambe mmwani a na khene: “Awe u ni likholo, se ani ni na ni mithumo. Ni kombe likholo lako lo mbi na mithumo, ani ni na kukomba likholo langu ngu mithumo yangu.”