Varoma 4:2 - Bhiblia Yo Sawuleka

² Ngako Abrahamu a di wombilwe ku mbwo lulama ngu mithumo yakwe, a naso so ti kulisa ngu sona, kambe i si nga masoni ka Txizimu.

Varoma 4:2 Referans Kwoze

1 Vakorinto 1:31

ngu mhaka ya tile ti nga bhalwa va txi kha vona: “Awule a ti kulisako, a na ti kulisele ka Mkoma.”

2 Vakorinto 11:30

Ngako ti txi laveka ku ni txi ti dhumisa, ni na ti dhumisa ngu dikhodho dangu.

Vafilipiya 3:9

se ni maneka ni di kwakwe, na i si nga ngu mhaka ya kululama kwangu, kutako ngu ka mlayo, aniko ngu mhaka ya kululama ku kuhumako ngu ka likholo ka Kristu; kululama kuwa kutako ngu ka Txizimu akuwa ku tsaniswako ngu likholo.

Vaefesu 2:9

Hi nga so huma mtamoni kwanu, kufela ku ni wammweyo asi ti kulisi.

Vagalatiya 3:22

Aniko mibhalo yi womba ti to sotshe si sungilwe ngu txionho, kasiku txithembiso txi ningwa ka va va tumelako ngu kukholwa ka Jesu Kristu.

1 Vakorinto 9:16

Kutxhumayela Evhangeli, kwangu, hi nga mhaka ya ku ti bhumisa phungo ngu yona, i fanelo yi ni nga rwekwa. Dikhombo dangu, ngako ni si txhumayeli Evhangeli!

1 Vakorinto 1:29

ti to ku si maneki m'thu wa kutikulisa masoni ka Txizimu.

2 Vakorinto 5:12

Hi nga ti to ho tshumela hi txi ti dhumisa masoni kwanu, aniko hi lava ku mi ninga mbimo yo ti dhumisa anu ngu ngathu, kufela ku mi txi sikota kuangula ka vale va ti kulisako ngu sa hahanze i si nga ngu sa mbiluni.

Varoma 15:17

Ti di ngeto, ni ni fanelo ya ku ti dhumisa ngu Jesu Kristu ka mthumo wa Txizimu.

Genesisi 12:18

Sekoko Faro a to dhana Abramu a txi m'gela ku khene: “Ngu kutxani u txi ni mahela mhaka yiya kani? Ngu kutxani u nga mbi ni gela ti to ene msikati wako kani?

2 Vakorinto 11:12

Ati ni ti mahako ni na zumba ni txi ti maha, kasi kusiwukisa vale va lavako kutiguleta ngu nduma yo fana ni yi athu hi ku nayo.

1 Vakorinto 4:7

Kunene, kasi i mani wu a sawulako kani? Nji txani u ku natxo awe, txo va u sa maha ngu kuningwa kani? Se ngako u di ningilwe, nji txani u txi ti guleta, nga hi nga so si mana ngu kuningwa kani?

Ezekhiyele 8:9

Sekoko a to ni gela ku khene: Wulela u wona wubihi wa manyala ya va ma mahetelako hawa.

Joxuwa 24:2

Konako Joxuwa a to womba ka vathu votshe, a txi khene: Mkoma, Txizimu txa ka Israyeli, a khene: Mtxhatuko ka Jordhani va zumbile kona vatate vanu, kukhatani, ene Tera, tate wa Abrahamu ni wa Nakori, se vona va to khozela simwani sizimu.

Genesisi 12:20

Faro a to ninga mthetho ka tinduna takwe kasiku ve humisa Abramu hahanze ka Egipta, ene ni msikati wakwe ni sotshe si a nga ti naso.