Varoma 4:16 - Bhiblia Yo Sawuleka

¹⁶ Ngu konaho, thomba yi manwa ngu kukholwa; ti to txi va i di txiningo txa makatekwa, kasiku txithembiso txi tsaniswa ka liveleko lotshelele, i si nga ka liveleko la mlayo dwe, aniko ni ka liveleko la kukholwa ka Abrahamu, i ku tate wa hotshethu;

Varoma 4:16 Referans Kwoze

Vaefesu 2:8

Nguko mi hanyisilwe ngu mhaka ya tikateko ni kukholwa. Aniko hi nga ta kumahwa ngu mtamo wathu, njiningo txa Txizimu.

Vagalatiya 3:22

Aniko mibhalo yi womba ti to sotshe si sungilwe ngu txionho, kasiku txithembiso txi ningwa ka va va tumelako ngu kukholwa ka Jesu Kristu.

Varoma 9:8

Ati ti wombako ku hi nga vanana va mtumbuluko ava i ku vanana va Txizimu. Vanana va txithembiso txa Txizimu ngu vona i ku va txona va ditshuri.

Titosi 3:7

Txizimu txi mahile tiya kasi ku hi txi mahwa valulami ngu mtamo wa kateko ya txona, ni kumahwa vadyi va thomba ya wutomi wo mbi guma, awu hi wu rinzelako.

Vaefesu 2:5

hi nga ti fite ngu mhaka ya sionho sathu, txi hi hanyisile kumweko ni Kristu. Ina! Mi hanyisilwe ngu makatekwa.

Varoma 15:8

Na womba ti to Kristu a ti mahile mthumeli wa sithiva sa Vajudha, kasi kukombisa ditshuri da Txizimu ni kutsanisa sithembiso si si nga mahwa ka vatate vathu;

Varoma 5:1

Ngu toneto, ngako hi nga amukela wululami ngu kukholwa, hi ni kudikha ni Txizimu, ngu Mkoma wathu Jesu Kristu;

Isaya 51:2

Wonani ka Abrahama tate wanu, ni ka Sara awu a nga mi veleka; nguko ni m'dhani a di ekha, kambe ni mkatekisile, ni tshumela ni muandisa.

2 Pedro 1:10

Ngu toneto, va ka kwathu, khutalani mi txi ya masoni, kasi ku mi txi sikota kutsanisa kudhanwa kwanu ni kusawulwa kwanu. Nguko, mi txi mahisa eto, kha mi na mbi thuka mi txi khuvekiswa.

Varoma 4:11

Nguko txikombiso txa wukwera a ningilwe kasiku txi maha txixambanyo txa wululami wu a nga amukela ngu kukholwa na a sinzi kuyiswa wukwerani; ngu toneto ene a mahile tate wa va va kholwako, hambi i di makhutu, kasiku ni vona ve mana wululami.

Luka 19:9

Jesu a xamute a txi khene: “Nyamsi kuhanyiswa kuwulete nyumbani muwa, nguko awuwa nene i mwanana wa Abrahamu.

Varoma 3:22

Ti to kululama ka Txizimu ku ka vale va kholwako ka Jesu Kristu. Txizimu txi maha toneto ka vale va kholwako, nguko kha ku nga ho kuhambana hagari ka vathu.

Varoma 3:30

Nguko Txizimu njimwetxo dwe, atxiya txi no ninga wululami ava i ku va wukwera ngu mhaka ya kukholwa, ni va i ku makhutu na va txi kholwa ni vona.

Vagalatiya 3:14

Atiya ti mahekile kufela ku kateko ya Abrahamu yi txi hokela vamatiko ngu Jesu Kristu, se ngu konaho nathu hi txi mana kuamukela ngu likholo wona Moya, i ku txihiwa txi txi nga thembiswa.

Vagalatiya 3:16

Se sithembiso si mahilwe ka Abrahamu ni liveleko lakwe; Mibhalo kha yi wombisi ku “tiveleko takwe,” nga to va ta vathu vavangi; aniko yi ti “ni ka liveleko lako,” ati ti wombako m'thu mmweyo, i ku Kristu.