Varoma 4:13 - Bhiblia Yo Sawuleka

¹³ Kunene, i ti si nga mhaka ya Mlayo, txithembiso txi txi nga mahwa ka Abrahamu ni liveleko lakwe ti to a na maha m'dyi wa thomba ya mafu, aniko txi mahilwe ngu mhaka ya kululama ka kukholwa.

Varoma 4:13 Referans Kwoze

Vagalatiya 3:29

Se ngako mi di va ka Kristu, ngu konaho mi liveleko la Abrahamu, mi sidya-thomba ngu mhaka ya txithembiso.

Varoma 9:8

Ati ti wombako ku hi nga vanana va mtumbuluko ava i ku vanana va Txizimu. Vanana va txithembiso txa Txizimu ngu vona i ku va txona va ditshuri.

Genesisi 28:14

Liveleko lako li na tala nga lithulu la mafu, u na anda kala mswa-ditambo, ni wutxani, kala wuphemba ni wulambwe, ni tixaka totshe ta ha mafuni ti na katekiswa ngu mhaka yako ni mhaka ya liveleko lako.

Masalmo 2:8

Ni kombele ni na kuninga mifumo yi txi va i di thomba yako mafu otshe ma na lumba awe.

Genesisi 17:16

Ani ni na mkatekisa, kambe ngu ngene ni na kuninga mwanana wa dizambi, ani ni na mkatekisa ene a na va mame wa mifumo, ngu kwakwe ku na huma vafumeli va vathu.”

Genesisi 12:3

Ni na katekisa wule a no kukatekisa, ni ruketela wule a no kueyisa. Ngu mhaka yako, ti nava ti txi katekiswa totshe tixaka ta ha mafuni.”

Masalmo 72:11

Vafumeli votshe va na ti namisa masoni kwakwe; yotshe mifumo yi na mthumela!

Genesisi 49:10

Ndonga kha yi na mbi khukha ka Judha, hambi mlayeli mikondoni kwakwe, kala kuza ku txi ta Silo; awule vathu va no sengeletana kwakwe.

Mithumo 13:32

“Nanathu ha mi zivisa mahungu awa amanene: Txithembiso txi txi nga mahwa ka vatate vathu.

Varoma 4:12

I tate wawe ni vona va va wukwera, na i si nga mhaka ya wukwera dwe, kambe ngu kuwa va tsimbilako ngu nzila ya kukholwa, ayi tate wathu Abrahamu a nga tsimbila ngu yona, ni mbimo yi a nga sinzi kuyiswa wukwerani.

Vahebheru 7:6

Aniko, Melkisedheki, hambiko i ku si nga wa lixaka la Levhi, a amukete sa wugumi ka Abrahamu e tshumela e mkatekisa, ene a nga ti ni sithembiso.

Vahebheru 11:7

Ngu likholo, Nowa, a di zivisilwe ngu Nyatxitimwi timhaka tile ti nga sinzi kuwoneka, a vekete lisima txiziviso txiya, a txi aka Ngalava kasi kuponisa ngamu yakwe. Ngu mhaka ya toneto, a abanisile ditiko, a txi amukela kululama kuwa ku manwako ngu likholo.